Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 6;1-14

6  Ndien uyo Jehovah ọtọn̄ọ ntak esịm mi, ete:  “Eyen owo, wụk iso fo se mme obot Israel nyụn̄ tịn̄ ntịn̄nnịm ikọ+ nọ mmọ.+  Ndien afo enyene ndidọhọ ete, ‘O mme obot Israel, ẹkop uyo Jehovah Akakan Ọbọn̄ Andikara:+ Ntem ke Jehovah Akakan Ọbọn̄ Andikara ọdọhọ ikpọ ye n̄kpri obot,+ ye mme isọn̄ mmọn̄ ye mme itịghede, ete: “Sese ami! ih ami mmọn̄ nda akan̄kan̄ ntiene mbufo, nyonyụn̄ nsobo mme edikon̄ ebiet+ mbufo.  Ndien ẹyewụri mme itieuwa mbufo,+ ẹyenyụn̄ ẹbụn̄ mme n̄kpọ udori incense mbufo, ndien ami nyanam ikọt mbufo emi ẹwotde ẹduọn̄ọ ke iso mme mbubiam mbiet mbufo.+  Ndien nyobon okpo nditọ Israel ke iso mme mbubiam mbiet mmọ, nyonyụn̄ nsuan ọkpọ mbufo n̄kanade mme itieuwa mbufo.+  Ke kpukpru ebiet emi mbufo ẹdụn̄de,+ mme obio ẹyewụre+ ndien ẹyewụri mme edikon̄ ebiet man mmọ ẹkpena ndon,+ mme itieuwa mbufo ẹkpenyụn̄ ẹwụre ẹna ndon,+ ẹkpenyụn̄ ẹnam mme mbubiam mbiet mbufo ẹkûdu aba+ ẹkpenyụn̄ ẹsịbe+ mme n̄kpọ udori incense mbufo ẹkpenyụn̄ ẹsọhi mme utom mbufo ẹfep.  Ndien mbon oro ẹwotde ẹyeduọn̄ọ ke otu mbufo,+ ndien mbufo ẹyefiọk ẹte ke ami ndi Jehovah.+  “‘“Ndien ke ini emi etịbede, ami nyanam mbufo ẹnyene nsụhọ, kpa mbon emi ẹbọhọde akan̄kan̄ ke otu mme idụt, ke ini mbufo ẹdisuanade ke otu mme idụt.+  Ndien ikọt mbufo emi ẹdibọhọde ẹyeti mi ke otu mme idụt emi ẹdimụmde mmọ nte mbuotekọn̄ ẹka,+ koro esịt omobụn̄ọ mi ke ntak emi esịt use mmọ ọwọn̄ọrede ọkpọn̄ mi+ ye ke ntak emi enyịn mmọ ẹbịnede mme mbubiam mbiet mmọ man ẹnam use;+ ndien mmọ ẹyekop bụt ẹban̄a mme idiọkn̄kpọ oro mmọ ẹnamde ke kpukpru mbubiam n̄kpọ mmọ.+ 10  Ndien mmọ ẹyefiọk ẹte ke ami ndi Jehovah; nte ke idịghe ke ikpîkpu ke ami n̄kọdọhọ+ ke nyanam afanikọn̄ emi esịm mmọ.”’+ 11  “Ntem ke Jehovah Akakan Ọbọn̄ Andikara ọdọhọ ete, ‘Mia ubọk+ fo nyụn̄ mia ikpat fo, nyụn̄ dọhọ ete: “Aha!” ke ntak ofụri ndiọi mbubiam n̄kpọ ufọk Israel,+ koro mmọ ẹyeduọn̄ọ ke akan̄kan̄,+ ye ke akan̄+ ye ke idiọk udọn̄ọ.+ 12  Amaedi owo emi odude nsannsan,+ enye ayakpa ke idiọk udọn̄ọ; ndien owo emi odude n̄kpet n̄kpet ọyọduọ ke akan̄kan̄; ama onyụn̄ edi owo emi ẹyakde osụhọ ẹnyụn̄ ẹkpemede, enye ayakpa ke akan̄, ndien ami nyanam ifụtesịt mi esịm utịt ke idemmọ.+ 13  Ndien mbufo ẹyefiọk ẹte ke ami ndi Jehovah,+ ke ini ikọt mmọ oro ẹkewotde ẹdidude ke ufọt mme mbubiam mbiet mmọ,+ ẹkanade itieuwa mmọ,+ ẹnyụn̄ ẹdu ke kpukpru mme edikon̄ obot,+ ẹnyụn̄ ẹdu ke kpukpru mme etịn̄e ikpọ obot+ ye ke idak kpukpru eto eke ẹsehede+ ye ke idak kpukpru ikpọ eto eke ẹnyenede n̄kọk,+ kpa ebiet emi mmọ ẹwade uwa man osio edinem utebe ọnọ kpukpru mbubiam mbiet mmọ.+ 14  Ndien ami nyanyanade ubọk mi n̄n̄wana ye mmọ+ nnyụn̄ nnam isọn̄ oro akabade ndon, kpa ndon emi ọdiọkde akan wilderness emi ekperede Diblah, ke kpukpru ebiet emi mmọ ẹdụn̄de. Ndien mmọ ẹyefiọk ẹte ke ami ndi Jehovah.’”

Mme Ikọ Idakisọn̄