Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 5;1-17

5  “Ndien afo, O eyen owo, da akan̄kan̄ eke ọsọpde. Kama enye nte akadan̄ afatidet nyụn̄ da enye kporo idet ibuot fo nyụn̄ kwat ntan̄ebek fo,+ nyụn̄ da udomon̄kpọ bahade idet emi ke itie ke itie.  Fọp mbahade kiet ke itie ita ke ikan̄ ke ufọt obio ke ndondo oro mme usen oro afo akande obio okụk ẹsịmde utịt.+ Afo onyụn̄ enyene ndida mbahade kiet ke itie ita efen. Afo eyekpi enye ke akan̄kan̄ akan enye okụk,+ onyụn̄ ada akpatre mbahade kiet ke itie ita asuan ke ofụm, ndien ami nyodụri akan̄kan̄ nsio nda ntiene mmọ.+  “Afo onyụn̄ enyene ndisio esisịt ke otu emi mbọp ke isọn̄ọfọn̄ fo.+  Nyụn̄ da ndusụk eken top dọn̄ ke ufọt ikan̄ nyụn̄ fọp mmọ ke ikan̄. Ikan̄ oyoto do ọwọrọ akata ofụri ufọk Israel.+  “Ntem ke Jehovah Akakan Ọbọn̄ Andikara ọdọhọ ete, ‘Emi edi Jerusalem. Mmenịm enye ke ufọt mme idụt, mme idụt ẹnyụn̄ ẹkan enye ẹkụk.  Ndien ke idiọkido esie enye ọsọn̄ ibuot abiat mme ibet mi akan mme idụt,+ onyụn̄ abiat mme ewụhọ mi akan mme idụt oro ẹkande enye ẹkụk, koro mmọ ẹma ẹsịn mme ibet mi, ikonyụn̄ isan̄ake ke mme ewụhọ mi.’+  “Mmọdo ntem ke Jehovah Akakan Ọbọn̄ Andikara ọdọhọ ete, ‘Koro mbufo ẹkesịnde ntịme+ ẹkan mme idụt oro ẹkande mbufo ẹkụk, ke emi mbufo mîkasan̄ake ke mme ewụhọ mi mîkonyụn̄ inịmke mme ibet mi;+ edi ẹkenịm mme ibet mme idụt emi ẹkande mbufo ẹkụk, nte mbufo ikenịmke?+  mmọdo ntem ke Jehovah Akakan Ọbọn̄ Andikara ọdọhọ ete: “Sese ami+ mmenyene ikọ ye afo, O obio, ndien ami nyekpe ikpe ke ufọt fo ke iso mme idụt.+  Ndien ami nyanam ke esịt fo se akanam mmenamke nyonyụn̄ nnam orụk n̄kpọ eke mmendinamke aba ke ntak kpukpru mbubiam n̄kpọ fo.+ 10  “‘“Mmọdo mme ete ẹyeta nditọ ke ufọt fo,+ nditọ ẹyenyụn̄ ẹta mme ete mmọ, nyonyụn̄ n̄kpe ikpe nnọ fi nnyụn̄ nsuan kpukpru mbon oro ẹsụhọde fi ke esịt ndọn̄ ke kpukpru ofụm.”’+ 11  “‘Mmọdo ma uwem mi,’ uyo Jehovah Akakan Ọbọn̄ Andikara edi emi, ‘ke akpanikọ ke ntak emi afo adade kpukpru mbubiam n̄kpọ+ fo ye kpukpru n̄kpọ itekesịt+ fo asabade edisana ebiet mi, ami n̄ko nyosụhọde fi nnịm,+ enyịn mi idinyụn̄ ituaha mbọm+ ami n̄ko ndinyụn̄ n̄wụtke mbọm.+ 12  Mbahade kiet ke itie ita ke otu fo ẹyekpan̄a ke idiọk udọn̄ọ,+ akan̄ oyonyụn̄ anam mmọ ẹsịm utịt ke ufọt fo.+ Ndien mbahade kiet ke itie ita efen ẹyeduọn̄ọ ke akan̄kan̄ ẹkan fi ẹkụk. Ndien nyasuan akpatre mbahade kiet ke itie ita ndọn̄ ke kpukpru ofụm,+ nyonyụn̄ ndụri akan̄kan̄ nsio nda ntiene mmọ.+ 13  Ndien iyatesịt mi eyesịm utịt,+ ami nyonyụn̄ nsụk esịt oro mfụtde ye mmọ+ nnyụn̄ ndọn̄ idemmi esịt;+ ndien mmọ ẹyefiọk ẹte ke ami, Jehovah, ndọhọ, koro nsọn̄ọde nyom san̄asan̄a utuakibuot,+ ke ini nnamde ifụtesịt mi esịm utịt ke idemmọ. 14  “‘Ndien nyanam fi edi n̄wụre ebiet ye n̄kpọ esuene ke otu mme idụt oro ẹkande fi ẹkụk ke enyịn kpukpru owo oro ẹsan̄ade ẹbe.+ 15  Ndien afo ayakabade edi n̄kpọ esuene+ ye n̄kpọ isụn̄i,+ akabade edi uwụtn̄kpọ+ emi ẹdade ẹdụri owo utọn̄ onyụn̄ edi ọkpọsọn̄ ndịk ọnọ mme idụt oro ẹkande fi ẹkụk, ke ini mbierede ikpe nnọ fi ke iyatesịt ye ke ifụtesịt nnyụn̄ nsua nnọ fi ke ifụtesịt.+ Ami, Jehovah, ndọhọ. 16  “‘Ke ini ndọn̄de idiọk idan̄ akan̄, emi edide kaban̄a nsobo, utom nnọ mmọ,+ kpa mme idan̄ emi ndidọn̄de ẹdisobo mbufo,+ nyanam akan̄ eke esịmde mbufo ọdọdiọn̄ ọsọn̄ ubọk nnyụn̄ mbụn̄ mme eto mbufo emi ẹyịride+ ekara uyo. 17  Ndien ami nyọdọn̄ akan̄ ye ndiọi unam ikọt utom nnọ mbufo,+ ndien mmọ ẹyenam fi ataba nditọ, idiọk udọn̄ọ+ ye iyịp+ ẹyesan̄a fi ke esịt ẹbe, nyonyụn̄ nda akan̄kan̄ ntiene fi.+ Ami, Jehovah, ndọhọ.’”

Mme Ikọ Idakisọn̄