Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 48;1-35

48  “Ndien mmọ emi ẹdi enyịn̄ mme esien. Ọtọn̄ọde ke utịt utịt edem edere, ke n̄kan̄ usụn̄ Hethlon+ tutu esịm ebiet emi ẹtode ẹdụk Hamath,+ Hazar-enan,+ adan̄a Damascus ke n̄kan̄ edem edere, ke n̄kan̄ Hamath; enye edinyụn̄ enyene adan̄a ke n̄kan̄ edem usiahautịn ye ke n̄kan̄ edem usoputịn, Dan+ ubak kiet.  Ndien ke adan̄a Dan, ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn, Asher+ ubak kiet.  Ndien ke adan̄a Asher, ọtọn̄ọde ke adan̄a n̄kan̄ edem usiahautịn idem tutu esịm adan̄a n̄kan̄ edem usoputịn, Naphtali+ ubak kiet.  Ndien ke adan̄a Naphtali, ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn, Manasseh+ ubak kiet.  Ndien ke adan̄a Manasseh, ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn, Ephraim+ ubak kiet.  Ndien ke adan̄a Ephraim, ọtọn̄ọde ke adan̄a n̄kan̄ edem usiahautịn idem tutu esịm adan̄a n̄kan̄ edem usoputịn, Reuben+ ubak kiet.  Ndien ke adan̄a Reuben, ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn, Judah+ ubak kiet.  Ndien ke adan̄a Judah, ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn, etịbe emi mbufo ẹditịpde edidi cubit tọsịn edịp ye ition ke ubom,+ uniọn̄ esie onyụn̄ enyene ndikem ye kiet ke otu mbak emi ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn. Ndien edisana ebiet enyene ndidu enye ke ufọt.+  “Amaedi etịbe emi mbufo ẹditịpde ẹnọ Jehovah, uniọn̄ edidi cubit tọsịn edịp ye ition, ubom edinyụn̄ edi cubit tọsịn duop. 10  Ndien amaedi mme mmọ emi, edisana etịbe emi ẹnọde mme oku edidu do,+ cubit tọsịn edịp ye ition ke n̄kan̄ edem edere, ndien ubom n̄kan̄ edem usoputịn edi tọsịn duop, ubom n̄kan̄ edem usiahautịn onyụn̄ edi cubit tọsịn duop, ndien uniọn̄ n̄kan̄ edem usụk edi tọsịn edịp ye ition. Ndien edisana ebiet Jehovah enyene ndidu enye ke ufọt esie.+ 11  Emi edinyene mme oku, mbon oro ẹnamde ẹsana ke otu nditọiren Zadok,+ emi ẹsede ẹban̄a se ẹnyenede ndinam nnọ mi, emi mîkoyoho ikpọn̄ usụn̄ ke ini nditọ Israel ẹkeyode ẹkpọn̄ usụn̄, kpa nte nditọ Levi ẹkeyode ẹkpọn̄ usụn̄.+ 12  Ndien mmọ ẹyenyene etịbe ke etịbe isọn̄ oro ẹtịpde nte ata edisana n̄kpọ, ke adan̄a nditọ Levi.+ 13  “Ndien nditọ Levi eyenyene+ ẹdiana adan̄a mme oku, cubit tọsịn edịp ye ition ke uniọn̄, ye cubit tọsịn duop ke ubom; ofụri uniọn̄ edi tọsịn edịp ye ition, ubom onyụn̄ edi tọsịn duop.+ 14  Ndien mmọ inyeneke ndinyam ubak ekededi, owo inyeneke ndikpụhọ enye, owo inyụn̄ inyeneke ndinam ata eti isọn̄ oro ọwọrọ mmọ ke ubọk; koro enye edide edisana n̄kpọ ọnọ Jehovah.+ 15  “Amaedi cubit tọsịn ition emi osụhọde ke ubom ọkọrọ ye tọsịn edịp ye ition, enye edi edisabade n̄kpọ ọnọ obio,+ ye ebietidụn̄ ye in̄wan̄ mbiet ufene. Ndien obio oro eyedi edidu ke ufọt esie.+ 16  Ndien mmọ emi ẹdi udomo obio: adan̄a n̄kan̄ edem edere cubit tọsịn inan̄ ye ikie ition, adan̄a n̄kan̄ edem usụk tọsịn inan̄ ye ikie ition, adan̄a n̄kan̄ edem usiahautịn tọsịn inan̄ ye ikie ition, ye adan̄a n̄kan̄ edem usoputịn tọsịn inan̄ ye ikie ition. 17  Ndien obio oro eyenyene in̄wan̄ mbiet ufene,+ cubit ikie iba ye aba ye duop ke edem edere, ye ikie iba ye aba ye duop ke edem usụk, ye ikie iba ye aba ye duop ke edem usiahautịn, ye ikie iba ye aba ye duop ke edem usoputịn. 18  “Ndien se isụhọde ke uniọn̄ edidi ukem ye edisana etịbe,+ cubit tọsịn duop ke edem usiahautịn, ye tọsịn duop ke edem usoputịn; enye onyụn̄ enyene ndidi ukem ye edisana etịbe, ndien mbun̄wụm esie edidi udia ọnọ mbon oro ẹnamde n̄kpọ ẹnọ obio.+ 19  Ndien mbon oro ẹnamde n̄kpọ ẹnọ obio, emi ẹtode kpukpru mme esien Israel ẹditọ n̄kpọ ke isọn̄ emi.+ 20  “Ofụri etịbe edi cubit tọsịn edịp ye ition ke uniọn̄ ye cubit tọsịn edịp ye ition ke ubom. Mbufo ẹditịp ubak emi edide ukem ukem ke n̄kan̄ mbinan̄ nte edisana etịbe ọkọrọ ye inyene obio. 21  “Ndien se isụhọde edinyene ọbọn̄,+ ke n̄kan̄ edisana etịbe emi ye ke n̄kan̄ eken ye ke inyene obio ke n̄kan̄ emi ye ke n̄kan̄ eken,+ ọkọrọ ye etịbe cubit tọsịn edịp ye ition ke adan̄a n̄kan̄ edem usiahautịn; ndien ke edem usoputịn ọkọrọ ye cubit tọsịn edịp ye ition ke adan̄a n̄kan̄ edem usoputịn.+ Eke ọbọn̄ edidi ukem ye mbak emi. Ndien edisana etịbe ye edisana ebiet Ufọk oro ẹdidu ke ufọt esie. 22  “Ndien amaedi inyene nditọ Levi ye inyene obio, enye edidu ke ufọt ubak emi enyenede ọbọn̄. Se idinyenede ọbọn̄ edidu ke ufọt adan̄a Judah+ ye ufọt adan̄a Benjamin. 23  “Ndien amaedi mme esien eken, ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn, Benjamin+ ubak kiet. 24  Ndien ke n̄kan̄ adan̄a Benjamin, ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn, Simeon+ ubak kiet. 25  Ndien ke n̄kan̄ adan̄a Simeon, ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn, Issachar+ ubak kiet. 26  Ndien ke n̄kan̄ adan̄a Issachar, ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn, Zebulun+ ubak kiet. 27  Ndien ke n̄kan̄ adan̄a Zebulun, ọtọn̄ọde ke adan̄a n̄kan̄ edem usiahautịn tutu esịm adan̄a n̄kan̄ edem usoputịn, Gad+ ubak kiet. 28  Ndien ke n̄kan̄ adan̄a Gad, ke adan̄a n̄kan̄ edem usụk, enye edidi edem usụk; ndien adan̄a oro enyene nditọn̄ọ ke Tamar+ mbe mmọn̄ Meribath-kadesh,+ mbe itịghede mmọn̄,+ tutu ekesịm Akwa Inyan̄.+ 29  “Emi edidi isọn̄ oro mbufo ẹdisịnde afia ẹdeme ẹnọ mme esien Israel+ nte udeme, ndien emi edidi udeme mmọ,”+ uyo Jehovah Akakan Ọbọn̄ Andikara edi emi. 30  “Ndien mmọ emi ẹdidi mme inuaotop obio: Ke adan̄a n̄kan̄ edem edere, cubit tọsịn inan̄ ye ikie ition edidi udomo.+ 31  “Ndien mme inuaotop obio ẹdidi nte mme enyịn̄ esien Israel ẹsan̄ade, inuaotop ita ke edem edere, inuaotop Reuben, kiet; inuaotop Judah, kiet; inuaotop Levi, kiet. 32  “Ndien adan̄a n̄kan̄ edem usiahautịn edidi cubit tọsịn inan̄ ye ikie ition, ye inuaotop ita, oro edi, inuaotop Joseph, kiet; inuaotop Benjamin, kiet; inuaotop Dan, kiet. 33  “Ndien adan̄a n̄kan̄ edem usụk edidi cubit tọsịn inan̄ ye ikie ition ke udomo, enyene inuaotop ita, inuaotop Simeon, kiet; inuaotop Issachar, kiet; inuaotop Zebulun, kiet. 34  “Adan̄a n̄kan̄ edem usoputịn edidi cubit tọsịn inan̄ ye ikie ition, enyene inuaotop ita, inuaotop Gad, kiet; inuaotop Asher, kiet; inuaotop Naphtali, kiet. 35  “Cubit tọsịn efịteta ẹyekan ẹkụk; ndien ọtọn̄ọde ke usen oro ka iso, enyịn̄ obio oro edidi Jehovah Odu Do.”+

Mme Ikọ Idakisọn̄