Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Ezekiel 44;1-31

44  Ndien enye ada mi afiak, asan̄a usụn̄ inuaotop edisana ebiet, eke an̄wa emi esede edem usiahautịn,+ ndien ẹma ẹberi enye.+  Ekem Jehovah ọdọhọ mi ete: “Amaedi inuaotop emi, enye edisụk ebebere. Owo idiberekede enye, baba owo kiet idisan̄ake ke enye ibe idụk; koro Jehovah, kpa Abasi Israel,+ asan̄ade ke enye ebe odụk, ndien enye edisụk ebebere.  Nte ededi, ọbọn̄+ eyetie nte ọbọn̄ ke esịt, man ata uyo ke iso Jehovah.+ Enye ayasan̄a usụn̄ etehe inuaotop odụk edi, onyụn̄ asan̄a usụn̄ oro ọwọrọ.”+  Ekem enye ada mi asan̄a usụn̄ inuaotop edem edere edi ke iso Ufọk, man n̄kpokụt, ndien sese! ubọn̄ Jehovah ama ọyọhọ ufọk Jehovah.+ Ndien ami nduọ n̄kịbi iso ke isọn̄.+  Ekem Jehovah ọdọhọ mi ete: “Eyen owo, wụk esịt+ fo nyụn̄ da enyịn fo kụt, nyụn̄ da utọn̄ fo kop kpukpru se ami ntịn̄de nnọ fi mban̄a kpukpru mme ewụhọ ufọk Jehovah, nnyụn̄ ntịn̄de mban̄a kpukpru mme ibet esie, afo nyụn̄ tịn̄ enyịn ke usụn̄ eke ẹsan̄ade ẹdụk Ufọk oro ye kpukpru usụn̄ eke ẹsan̄ade ẹwọrọ ke edisana ebiet.  Afo nyụn̄ dọhọ Nsọn̄ibuot,+ kpa ufọk Israel, ete, ‘Ntem ke Jehovah Akakan Ọbọn̄ Andikara ọdọhọ ete: “Ekem mbufo adan̄aoro, O ufọk Israel, ke ntak kpukpru mbubiam n̄kpọ mbufo,+  ke ini mbufo ẹdade mbon esenidụt emi mînaha mbobi ke esịt mînyụn̄ inaha mbobi ke obụkidem ẹdụk ẹdi,+ ẹte ẹdidu ke edisana ebiet mi, kpa ufọk mi, man ẹsabade enye; ke ini mbufo ẹdade uyo+ mi, ikpọn̄+ ye iyịp,+ ẹdi, ke adan̄aemi mmọ ẹbiatde ediomi mi ke ntak kpukpru mbubiam n̄kpọ mbufo.+  Mbufo inyụn̄ isehe iban̄a se ẹnyenede ndinam mban̄a ndisana n̄kpọ mi,+ m̀mê ndinịm mbon en̄wen nnọ idem mbufo nte mme andise mban̄a se ẹnyenede ndinam ke edisana ebiet mi.”’+  “‘Ntem ke Jehovah Akakan Ọbọn̄ Andikara ọdọhọ ete: “Baba owo esenidụt kiet emi mînaha mbobi ke esịt mînyụn̄ inaha mbobi ke obụkidem, inyeneke ndidụk ndi edisana ebiet mi, oro edi, owo esenidụt ekededi emi odude ke otu nditọ Israel.”’+ 10  “‘Edi amaedi nditọ Levi emi ẹkedade nsannsan ẹkpọn̄ mi+ ke ini Israel, emi ẹkeyode ẹkpọn̄ mi, ẹkeyode ẹtiene mme mbubiam mbiet mmọ, mmọ n̄ko ẹyebiom ndudue mmọ.+ 11  Ndien ke edisana ebiet mi mmọ ẹyekabade ẹdi mme asan̄autom ke mme itieutom edise enyịn man ẹse ẹban̄a mme inuaotop Ufọk ẹnyụn̄ ẹdi mme asan̄autom ke Ufọk+ mi. Mmọ ẹdiwot ofụri edifọp uwa ye uwa, ẹnọ mme owo,+ mmọ ẹdida ke iso mmọ man ẹsan̄a utom ẹnọ mmọ.+ 12  Ke ntak emi mmọ ẹkesan̄ade utom ẹnọ mmọ ke iso mme mbubiam mbiet+ mmọ ẹnyụn̄ ẹkabade ẹdi n̄kpọ iduọ emi anamde owo edue,+ ẹnọ ufọk Israel, ntak edi oro mmenerede ubọk mi n̄n̄wana ye mmọ,’+ uyo Jehovah Akakan Ọbọn̄ Andikara edi emi, ‘ndien mmọ ẹyebiom ndudue mmọ. 13  Ndien mmọ idisan̄ake ikpere mi man ẹnam n̄kpọ nte oku ẹnọ mi m̀mê ndisan̄a n̄kpere ndisana n̄kpọ mi ekededi, nnyụn̄ nsan̄a n̄kpere ata ndisana n̄kpọ,+ ndien mmọ ẹyebiom esuene mmọ ye mme mbubiam n̄kpọ mmọ oro mmọ ẹkenamde.+ 14  Ndien nyanam mmọ ẹdi mme andise mban̄a se ẹnyenede ndinam ke Ufọk mi, ke se iban̄ade ofụri utom esie ye ke se iban̄ade kpukpru se ẹnyenede ndinam ke esịt esie.’+ 15  “‘Ndien amaedi mme oku emi ẹtode ubon Levi,+ kpa nditọ Zadok,+ emi ẹkesede ẹban̄a se ẹnyenede ndinam ke edisana ebiet ke ini nditọ Israel ẹkeyode ẹkpọn̄ mi,+ mmọ ẹyesan̄a ẹkpere mi man ẹsan̄a utom ẹnọ mi, ndien mmọ ẹyeda ke iso mi+ man ẹnọ mi ikpọn̄+ ye iyịp,’+ uyo Jehovah Akakan Ọbọn̄ Andikara edi emi. 16  ‘Edi mmọ ẹdidụk ẹdi edisana ebiet mi,+ onyụn̄ edi mmọ ẹdisan̄a ẹkpere okpokoro mi man ẹsan̄a utom ẹnọ mi,+ ndien mmọ ẹdise ẹban̄a se ẹnyenede ndinam nnọ mi.+ 17  “‘Ndien ama ekem ke ini mmọ ẹdụkde ẹdi mme inuaotop okụre emi odude ke esịt esịt, mmọ ẹnyene ndisịne ọfọn̄ linen, mmọ inyụn̄ inyeneke ndisịne idet erọn̄ ke ini mmọ ẹsan̄ade utom ke mme inuaotop okụre emi ẹdude ke esịt esịt ye ke esịtufọk.+ 18  Mmọ ẹnyene ndiyara ọfọn̄ ibuot linen ke ibuot,+ mmọ ẹnyụn̄ ẹnyene ndisịne ibio ọfọn̄ukot linen ke isịn.+ Mmọ inyeneke ndisịne se isiahade mmọ ibibiak. 19  Ndien ke ini mmọ ẹwọrọde ẹka okụre an̄wa, oro edi, ke ini ẹkade okụre an̄wa ẹbịne mme owo, mmọ ẹnyene ndision̄o ọfọn̄ emi mmọ ẹkesịnede ẹsan̄a utom,+ ẹnyụn̄ ẹnyene ndibon mmọ ke ndisana ubet udia+ nnyụn̄ nsịne ọfọn̄ efen, mbak mmọ ẹdida ọfọn̄ mmọ ẹnam mme owo ẹsana.+ 20  Ndien mmọ inyeneke ndikporo idet+ mmọ, mmọ inyụn̄ inyeneke ndiyak idet ibuot mmọ ọniọn̄. Mmọ ẹnyene ndifafat idet ibuot mmọ.+ 21  Ndien oku ekededi inyeneke ndin̄wọn̄ wine ke ini mmọ ẹdụkde ẹdi okụre+ emi odude ke esịt esịt. 22  Mmọ inyụn̄ inyeneke ndidọ ebeakpa m̀mê n̄wan emi ẹma ẹkesio ndọ,+ edi mmọ ẹkeme ndidọ nditọiban eke mîfiọkke erenowo ke otu nditọ ufọk Israel+ m̀mê ebeakpa emi ọkọdọde oku.’ 23  “‘Ndien mmọ ẹnyene nditeme ikọt mi ukpụhọde emi odude ke ufọt edisana n̄kpọ ye n̄kpọ emi ẹsabarede; mmọ ẹnyụn̄ ẹnyene ndinam mmọ ẹfiọk ukpụhọde emi odude ke ufọt se idehede ye se isanade.+ 24  Mmọ ẹnyene ndikpe ikpe nnyụn̄ mbiere;+ mmọ ẹnyene ndida n̄ko ubiereikpe mi n̄kpe ikpe.+ Mmọ ẹnyene ndinịm mme ibet mi ye mme ewụhọ mi emi ẹban̄ade kpukpru ini usọrọ+ mi, mmọ ẹnyụn̄ ẹnyene ndinịm mme sabbath mi ke edisana.+ 25  Ndien enye inyeneke ndidụk ke ọtọ akpan̄kpa ke otu ubonowo mbak enye edidehe, edi mmọ ẹkeme ndidehe edieke edide ete m̀mê eka m̀mê eyeneren m̀mê eyenan̄wan m̀mê eyeneka eren m̀mê eyeneka an̄wan emi mîkọdọhọ ebe.+ 26  Ndien ke enye ama akanam idem asana, ẹnyene ndibat usen itiaba nnọ enye.+ 27  Ndien ke usen eke enye odụkde edi edisana ebiet, odụkde edi okụre emi odude ke esịt esịt, ndisan̄a utom ke edisana ebiet, enye enyene ndiwa uwa idiọkn̄kpọ esie,’+ uyo Jehovah Akakan Ọbọn̄ Andikara edi emi. 28  “‘Ndien emi edidi udeme mmọ: Ami ndi udeme+ mmọ. Mbufo ẹkûnyụn̄ ẹnọ mmọ baba inyene kiet ke Israel: Ami ndi inyene mmọ. 29  Uwa n̄kpasịp ye uwa idiọkn̄kpọ ye uwa ubiomikpe—mmọ ẹdita mmọ.+ Ndien kpukpru n̄kpọ emi ẹyakde ẹnọ ke Israel edidi ekemmọ.+ 30  Ndien akpa ke otu kpukpru akpa mfri eke ẹdatde ke otu kpukpru n̄kpọ ye kpukpru etịbe ke otu kpukpru n̄kpọ eke mbufo ẹtịpde ẹdinyene mme oku;+ mbufo ẹnyụn̄ ẹnyene ndinọ oku akpa mbun̄wụm wheat emi ẹkọkde,+ man edidiọn̄ odu ke ufọk fo.+ 31  Mme oku inyeneke ndita n̄kpọ oro ama akakpa inyụn̄ inyeneke ndita n̄kpọ oro ẹwaide ke otu mme edibotn̄kpọ emi ẹfede m̀mê ke otu mme unam ikọt.’+

Mme Ikọ Idakisọn̄