Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Ezekiel 41;1-26

41  Ndien enye ada mi odụk temple, onyụn̄ odomo mme adaha mben, cubit itiokiet ke ubom ke n̄kan̄ emi ye cubit itiokiet ke ubom ke n̄kan̄ eken, kpa ubom adaha mben.  Ndien ubom enyịnusụn̄ edi cubit duop, mme mben enyịnusụn̄ ẹnyụn̄ ẹdi cubit ition ke n̄kan̄ emi ye cubit ition ke n̄kan̄ eken. Ndien enye odomo uniọn̄ esie, cubit aba; ubom onyụn̄ edi cubit edịp.  Ndien enye odụk esịt okodomo adaha mben enyịnusụn̄, cubit iba; onyụn̄ odomo enyịnusụn̄, cubit itiokiet; ubom enyịnusụn̄ onyụn̄ edi cubit itiaba.  Ndien enye odomo uniọn̄ esie, cubit edịp; ubom esie edi cubit edịp,+ ke iso temple. Ekem enye ọdọhọ mi ete: “Emi edi Ata Edisana.”+  Ndien enye odomo ibibene ufọk, cubit itiokiet. Ndien ubom ndian ndian ubet edi cubit inan̄, akan okụk; ntem ke enye edi akan ofụri ufọk okụk.+  Ndien mme ndian ndian ubet ẹkedi ndian ndian ubet ke enyọn̄ ndian ndian ubet, enyọn̄ ita, edi ntem utịm ike-edịp ye duop; ndien mmọ ẹdụk ibibene ufọk, oro edi, mme ndian ndian ubet oro ẹkande ẹkụk, man ẹkpemụm mmọ ẹkama, edi idịghe ibibene ufọk omụm mmọ akama.+  Ndien mme ndian ndian ubet ẹtara ẹnyụn̄ ẹwọn̄ọde ẹka enyọn̄ enyọn̄, koro n̄n̄wọn̄ọde n̄n̄wọn̄ọde usụn̄ emi odude ke ufọk oro odu ke enyọn̄ enyọn̄ akan ufọk okụk.+ Mmọdo ufọk oro atara ke n̄kan̄ enyọn̄ enyọn̄, ndien owo ekeme ndito akpa enyọn̄ mbe ọyọhọ enyọn̄ iba ndọk n̄ka ọyọhọ enyọn̄ ita.+  Ndien ami n̄kụt n̄kokon̄ mbot emi akande ufọk oro okụk. Amaedi itiat idakisọn̄ mme ndian ndian ubet oro, enye edi udomo nnyanyan̄a kiet emi edide cubit itiokiet ke ini ẹdomode ẹsịm isobo.+  Ubom ibibene ndian ndian ubet, ke n̄kan̄ an̄wa, edi cubit ition. Ndien mme ndian ndian ubet oro ẹbọpde ẹdian ke ufọk ẹnam ufan̄ odu. 10  Ndien ufan̄ oro odude ke ufọt mme ubet udia+ edi cubit edịp ke ubom, akan ufọk okụk. 11  Ndien enyịnusụn̄ ndian ndian ubet odu ke n̄kan̄ emi ufan̄ odude, enyịnusụn̄ kiet ese n̄kan̄ edem edere, enyịnusụn̄ kiet onyụn̄ ese n̄kan̄ edem usụk; ndien ufan̄ oro odude edi cubit ition ke ubom, akan okụk. 12  Ndien ufọk oro odude mbemiso ebiet oro ẹsiode ẹnịm, emi n̄kan̄ esie esede edem usoputịn, edi cubit ata ye duop ke ubom. Ndien ibibene ufọk oro edi cubit ition ke ubom, akan okụk; ndien uniọn̄ esie edi cubit anan̄ ye duop. 13  Ndien enye odomo ufọk oro, cubit ikie ke uniọn̄; ndien ebiet oro ẹsiode ẹnịm, ye ufọk ye mme ibibene esie, ẹdi cubit ikie ke uniọn̄. 14  Ndien ubom iso ufọk ye n̄kan̄ edem usiahautịn ebiet oro ẹsiode ẹnịm ẹdi cubit ikie. 15  Ndien enye odomo uniọn̄ ufọk oro odude mbemiso ebiet oro ẹsiode ẹnịm emi odude ke edem esie ye mme etehe ufọkenyọn̄ esie emi ẹdude ke n̄kan̄ emi ye ke n̄kan̄ eken, cubit ikie. Odomo n̄ko temple ye ebiet oro odude ke esịt esịt+ ye mme etehe okụre; 16  mme asan̄udọk, ye mme window emi itịm ẹtarade ke esịtufọk ẹnyụn̄ ẹkpride ke an̄wa,+ ye mme etehe ufọkenyọn̄ ẹdu ẹkan mmọ mbita ẹkụk. Ẹda eto ẹbana iso asan̄udọk ẹkanade,+ ọtọn̄ọde ke isọn̄ ufọk tutu ọdọk esịm mme window; mme window emi ẹdi mme window emi ẹfụkde-fụk. 17  Ọtọn̄ọde ke enyọn̄ enyịnusụn̄ tutu esịm ufọk emi odude ke esịt esịt, ye an̄wa ye ofụri ibibene emi akande okụk, ye ufọk emi odude ke esịt esịt, ye an̄wa, mmọ ẹnyene udomo, 18  idem ye mme cherub+ ye mme ndise eyop+ oro ẹkapde, ye ndise eyop emi odude ke ufọt cherub ye cherub, ndien cherub enyene iso iba.+ 19  Ndien iso owo ese ndise eyop emi odude ke n̄kan̄ emi, iso abak ayara ekpe onyụn̄ ese ndise eyop emi odude ke n̄kan̄ eken,+ ẹnyụn̄ ẹkap mmọ ẹkan ofụri ufọk ẹkụk. 20  Mme cherub ye mme ndise eyop oro ẹkapde ẹdu ke ibibene temple ọtọn̄ọde ke isọn̄ ufọk tutu esịm enyọn̄ enyịnusụn̄. 21  Amaedi temple, obubọk enyịnusụn̄ edi ukem ukem ke edem mbinan̄;+ ndien ke iso edisana ebiet se itiede ntem odu: 22  itieuwa emi ẹdade eto ẹnam okon̄ cubit ita, uniọn̄ esie onyụn̄ edi cubit iba, enye onyụn̄ enyene mme adaha inụk.+ Ndien uniọn̄ esie ye mme ibibene esie ẹdi eto. Ndien enye ọdọhọ mi ete: “Emi edi okpokoro oro odude ke iso Jehovah.”+ 23  Ndien temple ye edisana ebiet ẹnyene usụn̄ iba.+ 24  Ndien mme usụn̄ emi ẹdi eberede-iba emi ẹsiyụtde-yụt. Usụn̄ kiet edi eberede-iba, enye eken onyụn̄ edi eberede-iba. 25  Ndien ẹnam mme cherub ye mme ndise eyop+ ke mmọ, ke mme usụn̄ temple, nte mbon oro ẹkenamde ke mme ibibene, ndien ufụkenyọn̄ eto ofụk iso etehe an̄wa. 26  Ndien mme window emi itịm ẹtarade ke esịtufọk ẹnyụn̄ ẹkpride ke an̄wa+ ye mme ndise eyop ẹdu ke etehe ke n̄kan̄ emi ye ke n̄kan̄ eken ye ke mme ndian ndian ubet ufọk ye ke mme ufụkenyọn̄.

Mme Ikọ Idakisọn̄