Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 38;1-23

38  Ndien uyo Jehovah ọtọn̄ọ ntak esịm mi, ete:  “Eyen owo,+ wụk iso fo se Gog isọn̄ Magog,+ ọbọn̄ Meshech+ ye Tubal,+ nyụn̄ tịn̄ ntịn̄nnịm ikọ ban̄a enye.  Afo nyụn̄ dọhọ ete, ‘Ntem ke Jehovah Akakan Ọbọn̄ Andikara ọdọhọ ete: “Sese ami mmọn̄ nnam ikọ ye afo, O Gog, afo ọbọn̄ Meshech ye Tubal.  Ndien ami nyanam fi afiak edem nnyụn̄ nsịn fi uwam ke mban̄+ nnyụn̄ nda fi ndi ye ofụri udịmekọn̄ fo,+ mme enan̄-mbakara ye mme awat enan̄-mbakara, kpukpru mmọ ẹsịne ata ndiye ọfọn̄,+ ata ediwak esop, ẹkama akwa otuekọn̄ ye ekpri otuekọn̄, kpukpru mmọ ẹkama akan̄kan̄;+  Persia+ ye Ethiopia+ ye Put+ ẹsan̄a ye mmọ, kpukpru mmọ ẹkama ekpri otuekọn̄ ye ndụn;  Gomer+ ye kpukpru mme udịmekọn̄ esie, ufọk Togarmah,+ emi ẹtode ata nsannsan ikpehe edem edere, ye kpukpru mme udịmekọn̄ esie, ye ediwak owo emi ẹdude ye afo.+  “‘“Ben̄e idem, nyụn̄ tịm idem, afo ye ofụri esop fo,+ mmọ oro ẹtienede fi ẹsop idem, ndien afo ayakabade edi andikpeme mmọ.  “‘“Ke ediwak usen ẹbede, ẹyewọn̄ọde enyịn ẹse fi. Ke mme akpatre isua, afo eyedi isọn̄+ mbon oro ẹkebọhọde akan̄kan̄ ẹnyọn̄ ẹdi, emi ẹkesion̄ode ke otu ediwak owo+ ẹbon ọtọkiet ke mme obot Israel, emi edide n̄wụre ebiet kpukpru ini; kpa isọn̄ emi ẹkesiode ke otu mme owo, emi mmọ ẹkedụn̄de ke ifụre, kpukpru mmọ.+  Ndien afo udutreke ndidọk ndi. Afo oyodụk edi nte oyobio.+ Afo eyetie nte obubịt enyọn̄ man ofụk isọn̄,+ afo ye kpukpru mme udịmekọn̄ fo ye ediwak owo emi ẹdude ye afo.”’ 10  “Ntem ke Jehovah Akakan Ọbọn̄ Andikara ọdọhọ ete, ‘Ndien ama ekem ke usen oro, mme n̄kpọ ẹyedụk fi esịt,+ afo oyonyụn̄ aduak idiọk uduak;+ 11  ndien afo ọyọdọhọ ete: “Ami nyọdọk n̄kan̄wana ye obio-in̄wan̄ emi mînyeneke ibibene.+ Nyodụk mbịne mbon oro mînyeneke afanikọn̄, emi ẹdụn̄de ke ifụre, kpukpru mmọ ẹdụn̄ inyeneke ibibene,+ inyeneke eto usịnusụn̄ inyụn̄ inyeneke usụn̄ufọk.” 12  Afo edinam emi man obụme ediwak mbụme+ onyụn̄ owo n̄wo, man ọwọn̄ọde ubọk fo odori ke mme n̄wụre ebiet emi ẹfiakde ẹdụn̄+ onyụn̄ odori mbon oro ẹtan̄de ke otu mme idụt ẹbon ọtọkiet,+ mbon oro ẹkọde inyene ye ediwak n̄kpọ,+ mmọ oro ẹdụn̄de ke ufọt+ isọn̄. 13  “‘Sheba+ ye Dedan+ ye mbonurua Tarshish+ ye kpukpru abak nyara ekpe+ esie—mmọ ẹyedọhọ fi ẹte: “Nte afo odụk edi man edibụme ediwak mbụme? Nte edi man ediwo n̄wo ke afo osop esop fo, man ada silver ye gold adaha, man atan̄ inyene ye ediwak n̄kpọ, man obụme ata ediwak mbụme?”’ 14  “Mmọdo tịn̄ ntịn̄nnịm ikọ, O eyen owo, nyụn̄ dọhọ Gog ete, ‘Ntem ke Jehovah Akakan Ọbọn̄ Andikara ọdọhọ ete: “Ke usen oro ke ini ikọt mi Israel ẹdụn̄de ke ifụre, nte afo udufiọkke?+ 15  Ndien afo oyoto ke ebiet fo edi, ke mme ata nsannsan ikpehe edem edere,+ afo ye ediwak owo emi ẹdude ye afo, kpukpru mmọ ẹwat ke enan̄-mbakara, kpa akwa esop, ata ediwak udịmekọn̄.+ 16  Ndien afo udutreke ndidọk ndin̄wana ye ikọt mi Israel, nte obubịt enyọn̄ man ofụk isọn̄.+ Emi editịbe ke mme akpatre usen, ndien ami nyada fi ndi man edin̄wana ye isọn̄ mi,+ man mme idụt ẹkpefiọk mi ke ini ndade fi nnam idemmi asana ke iso mmọ, O Gog.”’+ 17  “Ntem ke Jehovah Akakan Ọbọn̄ Andikara ọdọhọ ete, ‘Nte afo+ osụk edi owo oro n̄kadade mme asan̄autom mi mme prọfet Israel ntịn̄ mban̄a ke eyo oko, emi mmọ ẹketịn̄de ntịn̄nnịm ikọ ke mme usen oro—ke ediwak isua—ndida fi ntiene mmọ?’+ 18  “‘Ndien ama ekem ke usen oro, ke usen emi Gog edidụkde edin̄wana ye isọn̄ Israel,’ uyo Jehovah Akakan Ọbọn̄ Andikara edi emi, ‘ifụtesịt mi ọyọdọk odụk mi ibuo.+ 19  Ndien ke ifiopesịt mi,+ ke ikan̄ ifụtesịt mi, ami nyetịn̄ ikọ.+ Ke akpanikọ, ke usen oro akwa unyekisọn̄ eyetịbe ke isọn̄ Israel.+ 20  Ndien ke ntak mi, iyak ke inyan̄ ye mme edibotn̄kpọ emi ẹfede ke enyọn̄ ye mme unam ikọt ye kpukpru mme andinyọni eke ẹnyọnide ke isọn̄ ye ofụri ubonowo emi ẹdude ke iso isọn̄ iditreke ndinyek,+ ndien ẹyewụri mme obot,+ mme usụn̄ emi ẹtiede ebeden̄ ebeden̄ ẹyenyụn̄ ẹduọ, ndien kpukpru ibibene ẹyeduọn̄ọ ke isọn̄.’ 21  “‘Ndien ami nyokot akan̄kan̄ ke ofụri ikpehe mi oro ẹtiede obot obot nte edin̄wana ye enye,’ uyo Jehovah Akakan Ọbọn̄ Andikara edi emi.+ ‘Akan̄kan̄ owo kiet kiet ayan̄wana ye eyenete esie.+ 22  Ndien ami nyada idiọk udọn̄ọ+ ye iyịp+ nda ke ikpe+ ye enye; ndien nyanam ọkpọsọn̄ edịm ye akwa edịm itiat+ ye ikan̄+ ye sulphur ẹdep enye ke idem ye ke idem udịmekọn̄ esie ye ke idem ediwak owo oro ẹdidude ye enye.+ 23  Ndien ami nyemenede idemmi ke enyọn̄ nnyụn̄ nnam idemmi+ asana nnyụn̄ nnam ẹfiọk mi ke iso ediwak idụt; ndien mmọ ẹyefiọk ẹte ke ami ndi Jehovah.’+

Mme Ikọ Idakisọn̄