Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 36;1-38

36  “Ndien afo, O eyen owo, tịn̄ ntịn̄nnịm ikọ ban̄a mme obot Israel,+ nyụn̄ dọhọ ete, ‘O mme obot Israel, ẹkop uyo Jehovah.  Ntem ke Jehovah Akakan Ọbọn̄ Andikara ọdọhọ ete: “Ke ntak emi asua ọdọhọde aban̄a mbufo ete,+ ‘Aha! Idem mme edikon̄ ebiet eset+ ẹmekabade ẹdi inyene nnyịn!’”’+  “Mmọdo tịn̄ ntịn̄nnịm ikọ, nyụn̄ dọhọ ete, ‘Ntem ke Jehovah Akakan Ọbọn̄ Andikara ọdọhọ ete: “Ke ntak emi, ih ke ntak emi ẹnamde mbufo ẹna ndon+ ẹnyụn̄ ẹdade inua ẹkpobi mbufo ke kpukpru edem,+ man mbufo ẹkabade ẹdi inyene mbon oro ẹsụhọde ke otu mme idụt,+ ẹnyụn̄ ẹdade edeme ẹtịn̄ ẹban̄a mbufo,+ idiọk etop onyụn̄ odude ke otu mme owo,+  mmọdo, O mme obot Israel,+ ẹkop uyo Jehovah Akakan Ọbọn̄ Andikara! Ntem ke Jehovah Akakan Ọbọn̄ Andikara ọdọhọ ikpọ ye n̄kpri obot, onyụn̄ ọdọhọ mme isọn̄ mmọn̄ ye mme itịghede ye mme n̄wụre ebiet emi ẹkenamde ẹna ndon+ ye mme obio oro ẹma ẹkewọrọ ẹkpọn̄, emi ẹkabarede ẹdi n̄kpọ mbụme ye n̄kpọ nsahi ẹnọ mbon oro ẹsụhọde ke otu mme idụt oro ẹkande ẹkụk;+  mmọdo ntem ke Jehovah Akakan Ọbọn̄ Andikara ọdọhọ ete, ‘Ke akpanikọ nyada ikan̄-ikan̄ ifịk mi ntịn̄ ikọ+ mban̄a mbon oro ẹsụhọde ke otu mme idụt nnyụn̄ ntịn̄ mban̄a Edom, ofụri ofụri,+ mbon oro ẹmende isọn̄ mi ẹnọ idemmọ nte inyene ke idatesịt ofụri esịt,+ ye ke nsahi ukpọn̄,+ ke ntak in̄wan̄ mbiet ufene esie man ẹbụme enye.’”’+  “Mmọdo tịn̄ ntịn̄nnịm ikọ ban̄a isọn̄ Israel, nyụn̄ dọhọ ikpọ obot ye n̄kpri obot, ye mme isọn̄ mmọn̄ ye mme itịghede ete, ‘Ntem ke Jehovah Akakan Ọbọn̄ Andikara ọdọhọ ete: “Sese! Ami nyada ifịk mi ye ifụtesịt mi ntịn̄ ikọ, ke ntak emi mbufo ẹbiomde esuene mme idụt.”’+  “Mmọdo ntem ke Jehovah Akakan Ọbọn̄ Andikara ọdọhọ ete, ‘Ami mmemenede ubọk mi n̄n̄wọn̄ọ+ nte ke mme idụt oro ẹkande fi ẹkụk ẹyebiom esuene idemmọ.+  Ndien mbufo, O mme obot Israel, ẹyesion̄o mme n̄kọk idem mbufo ẹnyụn̄ ẹn̄wụm mfri idem mbufo ẹnọ ikọt mi Israel,+ koro mmọ ẹmesan̄a ẹkpere tutu ẹkpere ndidụk ndi.+  Koro sese ami nda ye mbufo, ami nyonyụn̄ n̄wọn̄ọde nse mbufo,+ ndien ẹyefụn̄ mbufo ẹnyụn̄ ẹsuan n̄kpasịp ke esịt mbufo.+ 10  Ndien ami nyanam ubonowo ẹwak ke esịt mbufo, ofụri ufọk Israel, kpukpru mmọ,+ ndien ẹyedụn̄ ke mme obio,+ ẹyenyụn̄ ẹfiak ẹbọp mme ebiet oro ẹkewụrede.+ 11  Ih, ami nyanam ubonowo ye ufene ẹwak ke esịt mbufo,+ ndien mmọ ẹyewak ẹnyụn̄ ẹtọt, nyonyụn̄ nnam ẹdụn̄ ke esịt mbufo kpa nte ẹkedụn̄de ke mbemiso,+ nyonyụn̄ nnam n̄kpọ enen̄ede ọfọn akan nte ọkọfọnde ke ntọn̄ọ mbufo;+ ndien mbufo ẹyefiọk ẹte ke ami ndi Jehovah.+ 12  Ndien nyanam ubonowo, kpa ikọt mi Israel, ẹsan̄a ke esịt mbufo, ndien mmọ ẹyeda mbufo ẹnyene,+ mbufo ẹyenyụn̄ ẹkabade ẹdi udeme inyene mmọ,+ ndien mbufo iditọn̄ọke aba ntak inam mmọ ẹtaba+ nditọ.’” 13  “Ntem ke Jehovah Akakan Ọbọn̄ Andikara ọdọhọ ete, ‘Ke ntak emi odude mbon oro ẹdọhọde mbufo ẹte: “Afo edi andita ubonowo, afo onyụn̄ edi isọn̄ oro anamde mme idụt fo ẹtaba nditọ,”’+ 14  ‘mmọdo afo udutaha aba ubonowo,+ afo udunyụn̄ unamke aba mme idụt fo ẹtaba nditọ,’+ uyo Jehovah Akakan Ọbọn̄ Andikara edi emi. 15  ‘Ndien ami ndiyakke aba ẹkop ikọ esuene emi mme idụt ẹtịn̄de ẹban̄a fi,+ afo udunyụn̄ ubiomke aba esuene mme owo,+ udunyụn̄ unamke aba mme idụt fo ẹtuak ukot ẹduọn̄ọ,’ uyo Jehovah Akakan Ọbọn̄ Andikara edi emi.” 16  Ndien uyo Jehovah ọtọn̄ọ ntak esịm mi, ete: 17  “Eyen owo, ufọk Israel ẹkedụn̄ ke isọn̄ mmọ, ndien mmọ ẹda usụn̄ mmọ ye mme edinam mmọ ẹnam enye edehe.+ Usụn̄ mmọ amakabade etie nte ndek itieisọn̄ ke iso mi.+ 18  Ndien ami n̄n̄wan̄a mmọ ifụtesịt mi ke idem ke ntak iyịp oro mmọ ẹkeduọkde ke isọn̄,+ kpa isọn̄ emi mmọ ẹkedade mbubiam mbiet mmọ ẹnam edehe.+ 19  Ndien ami nsuan mmọ ndọn̄ ke otu mme idụt, tutu mmọ ẹsuana ẹdọn̄ọ ke mme obio.+ Ami n̄kpe ikpe nnọ mmọ nte ekemde ye usụn̄ mmọ ye mme edinam mmọ.+ 20  Ntre mmọ ẹdụk mme idụt oro, ndien mme owo ẹsabade edisana enyịn̄+ mi ke ndidọhọ mban̄a mmọ ẹte, ‘Mmọ emi ẹdi ikọt Jehovah, mmọ ẹnyụn̄ ẹto idụt esie ẹwọn̄ọ.’+ 21  Ndien ami nyokop mbọm mban̄a edisana enyịn̄ mi, emi ufọk Israel ẹsabarede ke otu mme idụt emi mmọ ẹdụkde ẹdi.”+ 22  “Mmọdo dọhọ ufọk Israel ete, ‘Ntem ke Jehovah Akakan Ọbọn̄ Andikara ọdọhọ ete: “Nnamke n̄kpọ emi ke ntak mbufo, O ufọk Israel, edi nnam ke ntak edisana enyịn̄ mi, emi mbufo ẹsabarede ke otu mme idụt emi mbufo ẹdụkde ẹdi.”’+ 23  ‘Ndien ami nyanam akwa enyịn̄ mi asana,+ emi ẹkesabarede ke otu mme idụt, emi mbufo ẹkesabarede ke ufọt mmọ; ndien mme idụt ẹyefiọk ẹte ke ami ndi Jehovah,’+ uyo Jehovah Akakan Ọbọn̄ Andikara edi emi, ‘ke ini ẹnamde mi nsana ke otu mbufo ke iso mmọ.+ 24  Ndien ami nyemen mbufo nsio ke otu mme idụt nnyụn̄ ntan̄ mbufo ke kpukpru mme obio mbon ọtọkiet nnyụn̄ nda mbufo ndi isọn̄ mbufo.+ 25  Ndien ami nyesịme mbufo edisana mmọn̄, mbufo ẹyenyụn̄ ẹkabade ẹsana;+ nyanam mbufo ẹsana ẹbọhọ kpukpru ndek+ mbufo ye kpukpru mme mbubiam mbiet mbufo.+ 26  Ami nyonyụn̄ nnọ mbufo obufa esịt,+ nnyụn̄ nsịn mbufo obufa spirit ke idem,+ ndien ami nyosio esịt itiat ke obụkidem mbufo mfep nnyụn̄ nnọ mbufo mmemmem esịt.+ 27  Ndien ami nyesịn mbufo spirit mi ke idem,+ nyonyụn̄ nnam n̄kpọ man mbufo ẹsan̄a ke mme ewụhọ mi,+ ndien mbufo ẹyenịm mme ubiereikpe mi ẹnyụn̄ ẹnam mmọ.+ 28  Ndien mbufo ẹyedụn̄ ke isọn̄ oro n̄kọnọde mme ete ete mbufo,+ mbufo ẹyedi ikọt mi, ami nyonyụn̄ ndi Abasi mbufo.’+ 29  “‘Ndien ami nyanyan̄a mbufo nsio ke kpukpru ndek+ mbufo nnyụn̄ n̄kot wheat* edi nnyụn̄ nnam enye awak, ndinyụn̄ ndaha akan̄ ntiene mbufo.+ 30  Ndien ami nyanam mbun̄wụm eto awak, ọkọrọ ye mbun̄wụm in̄wan̄, mbak mbufo ẹdibọ aba esuene akan̄ ke otu mme idụt.+ 31  Ndien mbufo iditreke nditi mme idiọk usụn̄ mbufo ye mme edinam mbufo oro mîkọfọnke,+ mbufo idinyụn̄ itreke ndikop itekesịt mban̄a idem mbufo ke ntak mme ndudue mbufo ye ke ntak mme mbubiam n̄kpọ mbufo.+ 32  Mbufo ẹfiọk ẹte ke nnamke n̄kpọ emi ke ntak mbufo,’+ uyo Jehovah Akakan Ọbọn̄ Andikara edi emi. ‘Ẹdia bụt ye esuene ke ntak mme usụn̄ mbufo, O ufọk Israel.’+ 33  “Ntem ke Jehovah Akakan Ọbọn̄ Andikara ọdọhọ ete, ‘Ke usen oro ndinamde mbufo ẹsana ẹbọhọ kpukpru mme ndudue mbufo, ami nyanam n̄ko ẹdụn̄ ke mme obio,+ ndien ẹyefiak ẹbọp mme ebiet oro ẹkewụrede.+ 34  Ndien ẹyetọ n̄kpọ ke isọn̄ oro akanade ndon, okposụkedi emi enye ekedide ndon ke enyịn kpukpru owo emi ẹsan̄ade ẹbe.+ 35  Ndien mme owo ẹyedọhọ ẹte: “Isọn̄ oko, emi ẹkenamde ana ndon amakabade etie nte in̄wan̄ Eden,+ ẹmenyụn̄ ẹbọp ibibene ukpeme ẹkanade mme obio oro ẹkenade ukpọk ẹkenyụn̄ ẹnamde ẹna ndon, oro ẹkenyụn̄ ẹwụride; ẹmedụn̄ ke mmọ.”+ 36  Ndien mme idụt emi ẹdiyakde ẹsụhọ ẹkan mbufo ẹkụk ẹyefiọk ẹte ke ami, Jehovah, mbọp mme n̄kpọ oro ẹkewụride,+ ntọ se ẹkenamde ana ndon. Ami, Jehovah, ndọhọ nnyụn̄ nnam.’+ 37  “Ntem ke Jehovah Akakan Ọbọn̄ Andikara ọdọhọ ete, ‘N̄kpọ emi ke ami ndisụk nyak ufọk Israel ẹyom mi ẹkụt man nnam nnọ mmọ:+ nyanam mmọ ẹwak owo nte otuerọn̄.+ 38  Kpa nte otuerọn̄ ndisana owo, nte otuerọn̄ Jerusalem ke mme ini usọrọ esie,+ ntem ke mme obio oro ẹkenade ukpọk ẹdikabade ẹyọhọ ye mme owo;+ ndien mme owo ẹyefiọk ẹte ke ami ndi Jehovah.’”

Mme Ikọ Idakisọn̄

Mîdịghe, emi ekeme ndidi “barley.”