Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 35;1-15

35  Ndien uyo Jehovah ọtọn̄ọ ntak esịm mi, ete:  “Eyen owo, wụk iso+ fo se obot obot ikpehe Seir+ nyụn̄ tịn̄ ntịn̄nnịm ikọ ban̄a enye.+  Afo nyụn̄ dọhọ enye ete, ‘Ntem ke Jehovah Akakan Ọbọn̄ Andikara ọdọhọ ete: “Sese ami mmọn̄ nnam ikọ ye afo, O obot obot ikpehe Seir,+ nyonyụn̄ nnyanade ubọk mi n̄n̄wana ye afo+ nnyụn̄ nnam fi edi ndon ye n̄wụre ebiet.+  Nyanam mme obio fo ẹdi n̄wụre ebiet, afo oyonyụn̄ akabade edi ata ndon;+ ndien afo ọyọfiọk ete ke ami ndi Jehovah,+  ke ntak emi afo ekenyenede nsinsi usua+ okonyụn̄ ayakde nditọ Israel ọnọ odudu akan̄kan̄,+ ke ini afanikọn̄ mmọ,+ ke ini akpatre ndudue mmọ.”’+  “‘Mmọdo ma uwem mi,’ uyo Jehovah Akakan Ọbọn̄ Andikara edi emi, ‘koro n̄ketịmde fi nnịm nnọ iyịp, iyịp eyebịne fi n̄ko.+ Ke akpanikọ, iyịp ke afo akasua, iyịp oyonyụn̄ ebịne fi.+  Ndien ami nyanam obot obot ikpehe Seir edi ndon ye n̄wụre ebiet,+ ami nyonyụn̄ nsịbe owo eke asan̄ade ebe ye owo eke ọnyọn̄de edi mfep ke esịt esie.+  Ndien ami nyada ikọt esie eke ẹwotde nyọhọ ikpọ obot esie; amaedi n̄kpri obot fo ye mme itịghede fo ye kpukpru isọn̄ mmọn̄ fo, mbon emi ẹwotde ke akan̄kan̄ ẹyeduọn̄ọ ke esịt mmọ.+  Nyanam fi edi nsinsi ndon, owo idinyụn̄ idụn̄ke ke mme obio fo;+ ndien mbufo ẹyefiọk ẹte ke ami ndi Jehovah.’+ 10  “Ke ntak emi afo ọdọhọde ete, ‘Idụt iba emi ye obio iba emi—mmọ ẹyekabade ẹdi okịm, nnyịn iyonyụn̄ ida obio emi kiet kiet inyene,’+ ke adan̄aemi edide Jehovah odu do,+ 11  ‘mmọdo ma uwem mi,’ uyo Jehovah Akakan Ọbọn̄ Andikara edi emi, ‘ami nyanam n̄kpọ n̄ko nte ekemde ye iyatesịt fo ye nte ekemde ye ufụp oro afo efịbede ke ntak usua emi afo asuade mmọ;+ ndien ami nyanam ẹdiọn̄ọ mi ke otu mmọ ke ini n̄kpede ikpe fo.+ 12  Ndien afo ọyọfiọk ete ke ami, Jehovah, mmokop kpukpru ikọ unana ukpono eke afo etịn̄de aban̄a mme obot Israel,+ ete: “Ẹmenam mmọ ẹdi ndon. Ẹmeda mmọ ẹnọ nnyịn ke udia.”+ 13  Ndien mbufo ẹma ẹda inua mbufo ẹtịn̄ ikpọ ikọ ẹdian mi,+ ẹnyụn̄ ẹnam ikọ eke ẹtịn̄de ẹdian mi ẹwak.+ Ami mmokop mmọ.’+ 14  “Ntem ke Jehovah Akakan Ọbọn̄ Andikara ọdọhọ ete, ‘Ke ukem ini emi ofụri isọn̄ adatde esịt, ami nyanam fi edi ndon. 15  Kpa nte afo akadatde esịt aban̄a udeme ufọk Israel koro ẹkenamde enye edi ndon, ami nyanam fi ukem n̄kpọ oro.+ Afo ayakabade ndon ofụri ofụri, O obot obot ikpehe Seir ye ofụri Edom;+ ndien mmọ ẹyefiọk ẹte ke ami ndi Jehovah.’”+

Mme Ikọ Idakisọn̄