Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 30;1-26

30  Ndien uyo Jehovah ọtọn̄ọ ntak esịm mi, ete:  “Eyen owo, tịn̄ ntịn̄nnịm ikọ, nyụn̄ dọhọ ete,+ ‘Ntem ke Jehovah Akakan Ọbọn̄ Andikara ọdọhọ ete: “Mbufo ẹfiori ẹte, ‘Mbọm usen oro!’+  koro usen emekpere, ih, usen oro enyenede Jehovah emekpere.+ Usen obubịt enyọn̄,+ enye edidi ini oro ẹkenịmde ẹnọ mme idụt.+  Ndien akan̄kan̄ oyodụk edi Egypt,+ ọkpọsọn̄ ubiak oyonyụn̄ odu ke Ethiopia ke ini owo ọduọde akpa ke Egypt ndien mmọ ẹtan̄ inyene esie ẹnyụn̄ ẹwụri mme itiat idakisọn̄ esie.+  Ethiopia+ ye Put+ ye Lud ye kpukpru mbuaha udịmowo+ ye Chub ye nditọ idụt ediomi—mmọ ẹyeduọn̄ọ ye mmọ ke akan̄kan̄.”’+  “Ntem ke Jehovah ọdọhọ ete, ‘Mbon oro ẹnọde Egypt ibetedem ẹyeduọn̄ọ n̄ko, ndien ntan̄idem odudu esie oyosụhọde.’+ “‘Ọtọn̄ọde ke Migdol+ tutu esịm Syene,+ mmọ ẹyeduọn̄ọ ke esịt esie ke akan̄kan̄,’ uyo Jehovah Akakan Ọbọn̄ Andikara edi emi.  ‘Ẹyenam mmọ ẹna ndon ke otu mme obio emi ẹnade ndon, ndien mme obio esie ẹyedi ẹdidu ke otu mme obio oro ẹwụrede.+  Ndien mmọ ẹyefiọk ẹte ke ami ndi Jehovah ke ini n̄kịmde ikan̄ ke Egypt, kpukpru mbon oro ẹn̄wamde enye ẹnyụn̄ ẹbụn̄ọde.+  Ke usen oro mme isụn̄utom ẹyeto iso mi ẹsan̄a ke mme nsụn̄ikan̄ ẹwọrọ ẹka, man ẹkenam Ethiopia emi ọbuọtde idem ke idemesie akaha enyek.+ Ndien enye oyokop ọkpọsọn̄ ubiak ke usen Egypt, koro, sese! enye enyene ndidi.’+ 10  “Ntem ke Jehovah Akakan Ọbọn̄ Andikara ọdọhọ ete, ‘Ami nyada n̄ko ubọk Nebuchadrezzar edidem Babylon nnam otuowo Egypt ẹtre ndidu.+ 11  Ẹmeda enye ye ikọt esie emi ẹdude ye enye, kpa mbon ufịk mme idụt,+ ẹdi man ẹdisobo isọn̄ oro. Ndien mmọ ẹyesio akan̄kan̄ mmọ ẹn̄wana ye Egypt ẹnyụn̄ ẹda mbon oro ẹwotde ẹyọhọ isọn̄ oro.+ 12  Ndien ami nyanam mme edịk Nile+ ẹdi edisat isọn̄ nnyụn̄ nnyam isọn̄ oro nsịn mme idiọkowo ke ubọk,+ nyonyụn̄ nda ubọk isenowo nsobo isọn̄ oro ye kpukpru se iyọhọde ke esịt esie.+ Ami, Jehovah, ndọhọ.’+ 13  “Ntem ke Jehovah Akakan Ọbọn̄ Andikara ọdọhọ ete, ‘Ami nyosobo n̄ko mme mbubiam mbiet+ nnyụn̄ nnam mme abasi emi mînyeneke ufọn ẹtre ndidu ke Noph,+ ndien ọbọn̄ eke otode isọn̄ Egypt ididụhe aba; ami nyonyụn̄ nsịn ndịk ke isọn̄ Egypt.+ 14  Ndien ami nyosobo Pathros+ nnyụn̄ n̄kịm ikan̄ ke Zoan+ nnyụn̄ mbiere ikpe nnọ No.+ 15  Ndien ami nyan̄wan̄a ifụtesịt+ mi mfụk Sin, kpa ọkpọsọn̄ ebiet Egypt, nnyụn̄ nsịbe otuowo mfep ke No.+ 16  Ndien ami nyekịm ikan̄ ke Egypt. Sin iditreke ndikop ọkpọsọn̄ ubiak, ndien ẹyeto mme nsiaha ibibene ẹdụk ẹdikan No; ndien amaedi Noph—mme asua ẹyedu ke uwemeyo! 17  Ndien n̄kparawa On+ ye Pibeseth ẹyeduọn̄ọ ke akan̄kan̄, mme obio ẹyenyụn̄ ẹka ntan̄mfep. 18  Ndien usen eyekịm ke Tehaphnehes,+ ke ini ndibụn̄de mme ọkpọnọ Egypt do.+ Ndien ẹyenam ntan̄idem odudu esie etre.+ Amaedi enye, obubịt enyọn̄ oyofụk enye,+ n̄kpri obio esie ẹyenyụn̄ ẹka ntan̄mfep.+ 19  Ndien ami nyebiere ikpe nnọ Egypt;+ ndien mmọ ẹyefiọk ẹte ke ami ndi Jehovah.’” 20  Ndien edikem ke ọyọhọ isua duopekiet, ke akpa ọfiọn̄, ke ọyọhọ usen itiaba ke ọfiọn̄ oro, uyo Jehovah esịm mi, ete: 21  “Eyen owo, ami nyobụn̄ Pharaoh edidem Egypt ubọk,+ ndien, sese! owo ididehedei ibọp enye man ẹkọk enye ke ndida ubọpn̄kpọ mbọp enye,+ man enye akabade ọsọn̄ onyụn̄ omụm akan̄kan̄.” 22  “Mmọdo ntem ke Jehovah Akakan Ọbọn̄ Andikara ọdọhọ ete, ‘Sese ami mmọn̄ nnam ikọ ye Pharaoh edidem Egypt,+ ndien ami nyobụn̄ enye ubọk,+ enye emi ọsọn̄de ye enye emi obụn̄ọde,+ ndien nyanam akan̄kan̄ ọbọhọ enye ke ubọk ọduọ.+ 23  Ndien ami nyasuan nditọ Egypt ndọn̄ ke otu mme idụt nnyụn̄ mbịn mmọ ndọn̄ ke otu mme obio.+ 24  Ndien ami nyọsọn̄ọ edidem Babylon+ ubọk nnyụn̄ nyak akan̄kan̄ mi nsịn enye ke ubọk,+ ndien ami nyobụn̄ Pharaoh ubọk, enye oyonyụn̄ omụm ọkpọsọn̄ mmụm ke iso esie nte owo emi adade unan n̄kpa.+ 25  Ndien ami nyọsọn̄ọ edidem Babylon ubọk, ubọk Pharaoh oyonyụn̄ ọduọ; ndien mmọ ẹyefiọk ẹte ke ami ndi Jehovah ke ini nyakde akan̄kan̄ mi nsịn edidem Babylon ke ubọk, ndien enye anyanade enye ada an̄wana ye isọn̄ Egypt.+ 26  Ndien nyasuan nditọ Egypt ndọn̄ ke otu mme idụt+ nnyụn̄ mbịn mmọ ndọn̄ ke otu mme obio; ndien mmọ ẹyefiọk ẹte ke ami ndi Jehovah.’”

Mme Ikọ Idakisọn̄