Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 28;1-26

28  Ndien uyo Jehovah ọtọn̄ọ ntak esịm mi, ete:  “Eyen owo, dọhọ adausụn̄ Tyre ete, ‘Ntem ke Jehovah Akakan Ọbọn̄ Andikara ọdọhọ ete: “‘“Ke ntak emi esịt fo akabarede eseri iseri,+ afo onyụn̄ ọdọhọde ete, ‘Ami ndi abasi.+ Ntie ke itie abasi,+ ke esịt akpa inyan̄,’+ ke adan̄aemi edide afo edi owo,+ udịghe abasi,+ ndien afo anam esịt fo etie nte esịt abasi—  sese! afo emenyene ọniọn̄ akan Daniel.+ Idụhe baba ndịben̄kpọ kiet eke ọsọn̄de akan fi.+  Afo amada ọniọn̄ fo ye mbufiọk fo ọkọ inyene ọnọ idemfo, afo omonyụn̄ enyene gold ye silver ke mme ufọk ubonn̄kpọ fo.+  Afo amada uwak ọniọn̄+ fo, ye mme n̄kpọurua+ fo, anam inyene fo awak,+ ndien esịt fo ọtọn̄ọ ndiseri iseri ke ntak inyene fo.”’+  “‘Mmọdo ntem ke Jehovah Akakan Ọbọn̄ Andikara ọdọhọ ete: “Ke ntak emi afo anamde esịt fo etie nte esịt abasi,+  mmọdo sese ami mmọn̄ nda isenowo ntiene fi,+ kpa mme idụt ufịk,+ ndien mmọ ẹyesio akan̄kan̄ mmọ ẹsịbe uyai ọniọn̄ fo ẹnyụn̄ ẹsabade uyama uyai fo.+  Mmọ ẹyeda fi ẹsụhọde ke obube,+ ndien afo ayakpa n̄kpa nte owo eke ẹwotde ke esịt akpa inyan̄.+  Nte afo ọyọdọhọ ke iso owo oro owotde fi ete,+ ‘Ami ndi abasi,’ ke adan̄aemi afo edide ikpîkpu owo, unyụn̄ udịghe abasi,+ ke ubọk mbon oro ẹsabarede fi?”’ 10  “‘Afo ayakpa n̄kpa nte mbon oro mînaha mbobi ke ubọk isenowo,+ koro ami ndọhọ,’ uyo Jehovah Akakan Ọbọn̄ Andikara edi emi.” 11  Ndien uyo Jehovah ọtọn̄ọ ntak esịm mi, ete: 12  “Eyen owo, sio ikwọ mfụhọ kwọ ban̄a edidem Tyre,+ afo nyụn̄ dọhọ enye ete, ‘Ntem ke Jehovah Akakan Ọbọn̄ Andikara ọdọhọ ete: “‘“Afo amada ufịkn̄kpọ efịk ke uwụtn̄kpọ, ọmọyọhọ ye ọniọn̄+ onyụn̄ eye ama.+ 13  Afo okodu ke Eden, in̄wan̄esa Abasi.+ Kpukpru mme ọsọn̄urua itiat ẹkedi edisịnen̄kpọ fo, ruby, topaz ye jasper; chrysolite, onyx+ ye jade; sapphire, turquoise+ ye emerald; ẹda gold ẹnam mme n̄kpaha ye ndudu emi ẹdọn̄de mme ọsọn̄urua itiat emi. Ẹma ẹnanam mmọ ẹnịm ke usen emi ẹkebotde fi. 14  Afo edi cherub emi ẹyetde aran onyụn̄ ofụkde n̄kpọ, ndien ami mmek fi. Afo okodu ke edisana obot Abasi.+ Afo ama asan̄a ke ufọt mme itiat emi ẹsakde ikan̄. 15  Afo ukûnyeneke ndudue ke mme usụn̄ fo toto ke usen emi ẹkebotde+ fi tutu ẹdikụt fi ukwan̄ido ke idem.+ 16  “‘“Ke ntak uwak n̄kpọurua+ fo, mmọ ẹda afai ẹyọhọ fi ke esịt, afo onyụn̄ ọtọn̄ọ ndinam idiọkn̄kpọ.+ Ndien ami nyosio fi mfep ke obot Abasi nte n̄kpọ oro asabarede, nyonyụn̄ nsobo fi+ mfep ke ufọt mme itiat emi ẹsakde ikan̄, O cherub eke ofụkde n̄kpọ. 17  “‘“Esịt fo ama akabade eseri iseri ke ntak uyai fo.+ Afo ama abiat ọniọn̄ fo ke ntak uyama uyai fo.+ Nyosio fi nduọk ke isọn̄.+ Nyenịm fi ke iso ndidem, man mmọ ẹse fi.+ 18  “‘“Ke ntak uwak ndudue fo,+ ke ntak ukwan̄n̄kpọ emi aban̄ade mme n̄kpọurua+ fo, afo amasabade ndisana ebiet fo. Ndien ami nyanam ikan̄ ọwọrọ fi ke esịt. Ndien edi enye edita fi.+ Ami nyonyụn̄ nnam fi edi ntọn̄ ke isọn̄ ke iso kpukpru mbon oro ẹkụtde fi.+ 19  Amaedi kpukpru mbon emi ẹfiọkde fi ke otu mme owo, mmọ ẹyewụk enyịn ẹse fi ke n̄kpaidem.+ Afo ayakabade edi mbabuat n̄kpọndịk, udunyụn̄ udụhe aba ke nsinsi.”’”+ 20  Ndien uyo Jehovah ọtọn̄ọ ntak esịm mi, ete: 21  “Eyen owo, wụk iso fo se Sidon,+ nyụn̄ tịn̄ ntịn̄nnịm ikọ ban̄a enye. 22  Afo nyụn̄ dọhọ ete, ‘Ntem ke Jehovah Akakan Ọbọn̄ Andikara ọdọhọ ete: “Sese ami mmọn̄ nnam ikọ ye afo,+ O Sidon, ẹyenyụn̄ ẹnọ mi ubọn̄ ke esịt fo;+ ndien mme owo ẹyefiọk ẹte ke ami ndi Jehovah ke ini mbierede ikpe+ ke esịt esie ẹnyụn̄ ẹnamde mi nsana ke esịt esie.+ 23  Ndien ami nyọdọn̄ idiọk udọn̄ọ etiene enye nnyụn̄ nnam iyịp ọfiọrọ ke mme efak esie.+ Ndien mmọ eke ẹwotde ke akan̄kan̄ oro an̄wanade ye enye ke kpukpru edem ẹyeduọn̄ọ ke esịt esie;+ ndien mme owo ẹyefiọk ẹte ke ami ndi Jehovah.+ 24  Ndien ata idiọk n̄kukịm+ m̀mê ubiak ubiak n̄kukịm eke otode mbon oro ẹkande mmọ ẹkụk, kpa mbon oro ẹdade mmọ ẹnam n̄kpọ nsahi, ididụhe aba ke ufọk Israel; ndien mme owo ẹyefiọk ẹte ke ami ndi Jehovah Akakan Ọbọn̄ Andikara.”’ 25  “‘Ntem ke Jehovah Akakan Ọbọn̄ Andikara ọdọhọ ete: “Ke ini nditan̄de ufọk Israel ke otu mbon oro ẹkesuande mmọ ẹdọn̄, mbon ọtọkiet,+ ẹyenam mi n̄ko nsana ke otu mmọ ke iso mme idụt.+ Ndien mmọ ẹyedụn̄ ke isọn̄+ mmọ oro n̄kọnọde Jacob, asan̄autom mi.+ 26  Ndien mmọ ẹyedụn̄ ke esịt esie ke ifụre+ ẹnyụn̄ ẹbọp ufọk+ ẹnyụn̄ ẹtọ in̄wan̄ vine,+ ndien mmọ ẹyedụn̄ ke ifụre+ ke ini mbierede ikpe nnọ kpukpru mbon oro ẹdade mmọ ẹnam n̄kpọ nsahi, emi ẹdude ẹkan mmọ ẹkụk;+ ndien mmọ ẹyefiọk ẹte ke ami ndi Jehovah Abasi mmọ.”’”

Mme Ikọ Idakisọn̄