Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Ezekiel 26;1-21

26  Edikem ke ọyọhọ isua duopekiet, ke akpa usenọfiọn̄, uyo Jehovah esịm mi, ete:  “Eyen owo, ke ntak emi Tyre+ ọdọhọde aban̄a Jerusalem+ ete, ‘Aha! Ẹmebụn̄ enye,+ kpa mme usụn̄ufọk mme owo!+ Mme n̄kpọ ẹyewọn̄ọde ẹtiene mi. Ami nyọyọhọ—ẹmesobo enye,’+  mmọdo ntem ke Jehovah Akakan Ọbọn̄ Andikara ọdọhọ ete, ‘Sese ami mmọn̄ nnam ikọ ye afo, O Tyre, nyonyụn̄ nda ediwak idụt ndọk ndi ẹdin̄wana ye afo,+ kpa nte inyan̄ osiode mbufụt esie.+  Ndien mmọ ẹyenụk mme ibibene Tyre ẹduọn̄ọ+ ẹnyụn̄ ẹwụri mme tọwa esie,+ ami nyonyụn̄ n̄kwat ntan esie mfep ke enye nnyụn̄ nnam enye edi nsemnsem enyọn̄ akwa itiat.  Enye ayakabade edi itie un̄wan iyịre+ ke ufọt inyan̄.’+ “‘Koro ami ndọhọ,’ uyo Jehovah Akakan Ọbọn̄ Andikara edi emi, ‘enye oyonyụn̄ akabade edi n̄kpọ mbụme ọnọ mme idụt.  Ndien amaedi n̄kpri obio esie emi ẹdude ke obio-in̄wan̄—ẹyewot mmọ ke akan̄kan̄, ndien mme owo ẹyefiọk ẹte ke ami ndi Jehovah.’+  “Koro ntem ke Jehovah Akakan Ọbọn̄ Andikara ọdọhọ ete, ‘Sese ami mmọn̄ nda Nebuchadrezzar edidem Babylon, edidem ndidem,+ emi asan̄ade ye mme enan̄-mbakara+ ye mme chariot+ ekọn̄ ye mbonekọn̄ emi ẹwatde ke mme enan̄-mbakara ye esop+ ediwak owo, kpa akwa udịmowo, nto ke edem edere+ ndi man edin̄wana ye Tyre.  Enye oyowot n̄kpri obio fo emi ẹdude ke mme obio-in̄wan̄ ke akan̄kan̄, oyonyụn̄ ọbọp ibibene akan fi okụk onyụn̄ okụbi ibombom+ akanade fi onyụn̄ emenede akwa otuekọn̄ an̄wana ye afo;  ndien enye ọyọwọn̄ọde iyụrọ masịn ekọn̄ esie ese mme ibibene fo, onyụn̄ ada mme akan̄kan̄ esie owụri mme tọwa fo. 10  Ke ntak akwa udịm enan̄-mbakara esie ntọn̄ mmọ oyofụk fi.+ Mme ibibene fo ẹyenyek ke ntak uyom owoekọn̄ emi awatde enan̄-mbakara ye wheel ye chariot ekọn̄, ke ini enye ebede ke mme inuaotop fo odụk edi, nte ke ini emi ẹdụkde obio eke ibibene asiahade. 11  Enye eyedịghi kpukpru efak fo ke nnụkikpat enan̄-mbakara esie.+ Enye oyowot ikọt fo ke akan̄kan̄, mme adaha odudu fo ẹyenyụn̄ ẹduọn̄ọ ke isọn̄. 12  Ndien mmọ ẹyewo mme inyene+ fo ẹnyụn̄ ẹbụme mme n̄kpọurua+ fo, ẹnyụn̄ ẹwụri mme ibibene fo, ẹnyụn̄ ẹwụri ndiye ufọk fo. Ndien mmọ ẹyenịm mme itiat fo ye mme obukpọk fo ye ntọn̄ fo ke ufọt mmọn̄.’ 13  “‘Ndien ami nyanam uyom ikwọ fo odobo,+ owo idinyụn̄ ikopke aba uyom mme harp fo.+ 14  Ndien ami nyanam fi edi nsemnsem enyọn̄ akwa itiat.+ Afo ayakabade edi itie un̄wan iyịre.+ Owo iditọn̄ọke aba ntak ibọp fi; koro ami, Jehovah, ndọhọ,’ uyo Jehovah Akakan Ọbọn̄ Andikara edi emi.+ 15  “Ntem ke Jehovah Akakan Ọbọn̄ Andikara ọdọhọ Tyre ete, ‘Ke ini ẹkopde uyom iduọ fo, ke ini owo oro adade unan n̄kpa omụmde mmụm, ke ini ẹwotde ediwak owo ke esịt fo, nte mme isuo idinyekke?+ 16  Ndien kpukpru mbọn̄ inyan̄ ẹyeto mme ebekpo+ mmọ ẹsụhọde ẹdi,+ ẹnyụn̄ ẹsion̄o mme anana-ubọk kod mmọ, ndien mmọ ẹyesion̄o mme ọfọn̄ mmọ oro ẹkịmde ẹdọn̄ fansi. Mmọ ẹyesịne nnyekidem nte ọfọn̄. Mmọ ẹyesụhọde ẹtie ke isọn̄,+ ẹnyụn̄ ẹnyek idem kpukpru ini+ ẹnyụn̄ ẹse fi ke n̄kpaidem. 17  Ndien mmọ ẹyesio ikwọ mfụhọ+ ẹkwọ ẹban̄a fi ẹte: “‘“Se nte afo atakde, afo emi mme owo ẹkesitode inyan̄ ẹdidụn̄ ke esịt fo,+ O obio emi ẹketorode, emi ekedide ọkpọsọn̄ obio ke inyan̄,+ enye ye mbon oro ẹkedụn̄de ke enye, mbon oro ẹkenamde ndịk mmọ omụm kpukpru mme andidụn̄ isọn̄! 18  Ke emi, idem eyenyek mme isuo ke usen iduọ fo. Ndien mme isuo emi ẹdude ke inyan̄ ẹyedu ke ndutịme ke ntak emi afo mûdụhe aba.”’+ 19  “Koro ntem ke Jehovah Akakan Ọbọn̄ Andikara ọdọhọ ete, ‘Ke ini nnamde fi edi obio emi ẹwụride, nte mme obio emi owo mîdụn̄ke ke esịt, ke ini nnamde udem ọtọ ofụk fi, akamba mmọn̄ onyụn̄ ofụkde fi,+ 20  ami n̄ko nyanam fi osụhọde ye mbon oro ẹsụhọrede ke obube ẹtiene mbon eset,+ ndien nyanam fi odụn̄ ke ata idak isọn̄,+ nte mme ebiet emi ẹma ẹkewụre ke anyan ini, ọkọrọ ye mbon oro ẹsụhọrede ke obube,+ mbak ẹdidụn̄ fi ke esịt; ndien nyenịm n̄kpọmbana ke isọn̄ mme odu-uwem.+ 21  “‘Nyanam mbabuat ndịk esịm fi,+ afo udunyụn̄ udụhe aba; ndien ẹyeyom fi,+ edi owo idikwe fi aba ke nsinsi,’+ uyo Jehovah Akakan Ọbọn̄ Andikara edi emi.”

Mme Ikọ Idakisọn̄