Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 2;1-10

2  Ndien enye ọdọhọ mi ete: “Eyen owo,+ daha da ke ukot fo man ntịn̄ ikọ ye afo.”+  Ndien spirit odụk mi idem ndondo oro enye etịn̄de ikọ ye ami,+ ndien enye anam mi ndaha nda ke ukot man n̄kpokop se Enye emi etịn̄de ikọ ye ami ọdọhọde.+  Ndien enye ọdọhọ mi ete: “Eyen owo, ami mmọn̄ ndọn̄ fi aka ebịne nditọ Israel,+ ebịne mme idụt nsọn̄ibuot emi ẹsọn̄de ibuot ye ami.+ Mmọ ye mme ete ete mmọ ẹmebiat ibet mi tutu esịm mfịn emi.+  Ndien nditọ emiom+ ye mbon isọn̄esịt+ ke ami ndọn̄ fi utom nnọ, afo nyụn̄ dọhọ mmọ ete, ‘Ntem ke Jehovah Akakan Ọbọn̄ Andikara ọdọhọ.’  Ndien amaedi mmọ, edide mmọ ẹyekop+ m̀mê idikopke+—koro mmọ ẹdide ufọk nsọn̄ibuot+—mmọ ẹyefiọk n̄ko ẹte ke prọfet ama odu ke otu mmimọ.+  “Ndien afo, O eyen owo, kûfehe mmọ;+ kûnyụn̄ uyak ikọ mmọ anam fi ndịk, okposụkedi emi mbon isọn̄esịt+ ye mme n̄kpọ eke ẹkịmde+ fi ẹdude, afo onyụn̄ odụn̄de ke otu mme ikpeyen.+ Kûyak ikọ mmọ anam fi ndịk,+ kûnyụn̄ uyak iso mmọ anam fi edịghe,+ koro mmọ ẹdide ufọk nsọn̄ibuot.+  Afo nyụn̄ sian mmọ ikọ mi, edide mmọ ẹyekop m̀mê idikopke, koro mmọ ẹdide mbon nsọn̄ibuot.+  “Ndien afo, O eyen owo, kop se ndọhọde fi. Kûnyụn̄ usọn̄ ibuot nte ufọk nsọn̄ibuot emi.+ Tat inua fo ta se nnọde fi.”+  Ndien ami n̄kụt, ndien sese! ubọk anyanade ebịne mi,+ ndien sese! ikpan̄wed+ esịne ke ubọk oro. 10  Ndien enye atat ikpan̄wed oro ke iso mi, ẹnyụn̄ ẹwet n̄kpọ ke esịt ye ke edem;+ ndien ẹwet ikwọ mfụhọ ye ntuan̄a ye eseme ke esịt.+

Mme Ikọ Idakisọn̄