Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 19;1-14

19  “Ndien amaedi afo, kwọ ikwọ mfụhọ+ ban̄a mbọn̄ Israel,+  nyụn̄ dọhọ ete, ‘Eka fo ekedi nso? Uman ekpe ke otu mme ekpe.+ Enye osụhọde ana ke otu mme abak nyara ekpe. Enye ọbọk nditọ esie.  “‘Ndien sụn̄sụn̄ enye ese aban̄a eyen esie kiet.+ Eyen emi akabade abak ayara ekpe, onyụn̄ ọtọn̄ọ ndikpep nte awaide se enye omụmde.+ Enye akam atata owo.  Ndien mme idụt ẹkop ẹban̄a enye. Ẹmụm enye ke obube mmọ, ẹnyụn̄ ẹda enye ke uwam ẹdi isọn̄ Egypt.+  “‘Ke ini enye okụtde ete imọ imebet, idotenyịn imọ omonyụn̄ atak, enye omụm eyen esie efen.+ Enye enịm enye nte abak ayara ekpe.  Ndien enye ọtọn̄ọ ndisan̄a ke otu mme ekpe. Enye akabade abak ayara ekpe. Ndien sụn̄sụn̄ enye ekpep nte awaide se enye omụmde.+ Enye akam atata owo.+  Ndien enye edi edifiọk mme tọwa ufọkidụn̄ esie, onyụn̄ osobo mme obio mmọ,+ tutu isọn̄ ana ndon, enye onyụn̄ anam enye ọyọhọ ye uyom n̄kụni+ esie.  Ndien mme idụt oro ẹdude ẹkan enye ẹkụk, ọtọn̄ọde ke mme ikpehe obio ukara, ẹtọn̄ọ ndin̄wana ye enye+ ẹnyụn̄ ẹtat iyịre mmọ ẹfụk enye.+ Ẹmụm enye ke obube mmọ.+  Ke akpatre, mmọ ẹda enye ke uwam ẹdisịn ke efọk ẹnyụn̄ ẹda enye ẹsọk edidem Babylon.+ Mmọ ẹda enye ke iyịre ata-ikọt ẹsọk enye, mbak ẹdikop aba uyo esie ke mme obot Israel.+ 10  “‘Eka+ fo eketie nte vine ke iyịp fo,+ eke ẹtọde ke mben mmọn̄. Enye on̄wụm mfri onyụn̄ enyene ediwak n̄kọk ke ntak ediwak mmọn̄.+ 11  Ndien mmọ ẹkabade ẹdi eto eke ẹsọn̄de idem ẹnọ enye, emi ẹdade ẹnam esan̄ ubọn̄ mme andikara.+ Ndien nte ini akade enye ọniọn̄ ọwọrọ ada ke otu mme n̄kọk, ndien ẹkeme ndida n̄kụt enye ke ntak emi enye ọniọn̄de, ke ntak ediwak ikọn̄ esie.+ 12  Edi ke akpatre, ẹdịbede enye ke ifụtesịt.+ Ẹtop enye ẹduọk ke isọn̄, ofụm edem usiahautịn onyụn̄ anam mfri esie asat.+ Ndien ẹbụn̄ eto esie emi ọsọn̄de idem enye onyụn̄ asat.+ Ikan̄ ata enye.+ 13  Ndien ke emi, ẹmetọ enye ke wilderness,+ ke edisat isọn̄ emi mmọn̄ mîdụhe.+ 14  Ndien ikan̄ oto ke eto esie ọwọrọ.+ Enye ata mme n̄kọk esie, ata mfri esie, eto eke onyụn̄ ọsọn̄de idem idụhe aba ke enye, esan̄ ubọn̄ ndida n̄kara inyụn̄ idụhe.+ “‘Oro edi ikwọ mfụhọ, enye oyonyụn̄ akabade edi ikwọ mfụhọ.’”+

Mme Ikọ Idakisọn̄