Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 18;1-32

18  Ndien uyo Jehovah ọtọn̄ọ ntak esịm mi, ete:  “Ufiet emi mbufo ẹtohode ke isọn̄ Israel ọwọrọ nso ọnọ mbufo, emi ẹdọhọde ẹte, ‘Mme ete ẹdia n̄kịm grape,* edi edet nditọ ẹdoro ediyịk’?+  “‘Ma uwem mi,’ uyo Jehovah Akakan Ọbọn̄ Andikara edi emi, ‘mbufo idikaha aba iso itoho ufiet emi ke Israel.  Sese! Kpukpru ukpọn̄ enyene mi.+ Nte ukpọn̄+ ete edide, ntre n̄ko ke eke eyen edi—mmọ enyene mi.+ Ukpọn̄ eke anamde idiọk+ ayakpa n̄kpa.+  “‘Ndien edieke owo edide edinen owo onyụn̄ ekpede unenikpe onyụn̄ anamde edinen ido;+  mînyụn̄ idiaha udia+ ke enyọn̄ ikpọ obot+ mînyụn̄ imenekede enyịn ise mme mbubiam mbiet ufọk Israel,+ mînyụn̄ isabakede+ n̄wan nsan̄a esie mînyụn̄ isan̄ake ikpere n̄wan ke ini ndek itieisọn̄ esie;+  mînyụn̄ ifiomoke baba owo kiet;+ edi afiakde ayak n̄kpọ ubiọn̄ emi enye ọkọbọde ke ntak isọn ọnọ;+ ibọhọ baba n̄kpọ kiet ke n̄wo;+ ada udia+ esie ọnọ owo ọbiọn̄ onyụn̄ ada ọfọn̄ ofụk owo emi asan̄ade iferi;+  inọhọ baba n̄kpọ kiet ibọ udori+ inyụn̄ ibuọtke owo okụk ibọ akwa udori;+ enye onyụn̄ osio ubọk esie efep ke ukwan̄ikpe;+ onyụn̄ ekpe ata unenikpe ke ufọt owo ye owo;+  enye asan̄a+ ke mme ewụhọ mi onyụn̄ enịm mme ubiereikpe mi man anam akpanikọ,+ enye edi edinen owo.+ Enye iditreke ndidu uwem,’+ uyo Jehovah Akakan Ọbọn̄ Andikara edi emi. 10  “‘Ndien edieke owo edide ete eyen emi edide owo n̄wo,+ ye ọduọk-iyịp,+ onyụn̄ anamde se ibietde kiet ke otu mme n̄kpọ emi 11  (edi enye inamke baba kiet ke otu mme n̄kpọ emi); edieke edide enye ama adia udia ke enyọn̄ ikpọ obot,+ onyụn̄ asabade n̄wan nsan̄a esie;+ 12  onyụn̄ ofiomo owo ukụt ye eyen ubuene;+ ọbọ owo n̄kpọ ke n̄wo,+ inyụn̄ ifiakke iyak se enye ọkọbọde ke ubiọn̄ inọ;+ onyụn̄ emenede enyịn ese mme mbubiam mbiet,+ enye anam mbubiam n̄kpọ.+ 13  Enye ọbuọt owo okụk ọbọ akwa udori,+ onyụn̄ ọbọ udori ke n̄kpọ,+ ndien enye ididehedei idu uwem. Enye amanam kpukpru mme mbubiam n̄kpọ emi.+ Owo iditreke ndiwot enye. Iyịp esie ọyọkọbọ enye.+ 14  “‘Ndien sese! owo omobon eyen, emi okụtde kpukpru mme idiọkn̄kpọ oro ete esie anamde, ndien enye okụt edi inamke mme n̄kpọ eke ẹtiede nte mmọ.+ 15  Enye idiaha udia ke enyọn̄ ikpọ obot, inyụn̄ imenekede enyịn ise mme mbubiam mbiet ufọk Israel;+ inyụn̄ isabakede n̄wan nsan̄a esie;+ 16  inyụn̄ ifiomoke baba owo kiet,+ inyụn̄ ibọhọ baba n̄kpọ kiet ke ubiọn̄,+ inyụn̄ ibọhọ baba n̄kpọ kiet ke n̄wo;+ enye onyụn̄ ada udia esie ọnọ owo ọbiọn̄,+ onyụn̄ ada ọfọn̄ ofụk owo emi asan̄ade iferi;+ 17  enye ifịkke owo ukụt; ibuọtke owo okụk ibọ akwa udori+ inyụn̄ ibọhọ udori+ ke n̄kpọ; enye anam mme ubiereikpe mi;+ onyụn̄ asan̄a ke mme ewụhọ mi;+ enye idikpaha ke ntak ndudue ete esie.+ Enye iditreke ndidu uwem.+ 18  Amaedi ete esie, sia enye okotụkde ata utụk,+ onyụn̄ ọbọde eyenete n̄kpọ ke n̄wo,+ onyụn̄ anamde se ededi eke mîfọnke ke otu ikọt esie,+ sese! enye ayakpa ke ntak ndudue esie.+ 19  “‘Ndien mbufo ẹyedọhọ ẹte: “Ntak emi owo mîbiomke eyen ikpe ke ntak ndudue ete esie?”+ Ndien amaedi eyen, koro enye ekpede edinen ikpe onyụn̄ anamde edinen ido,+ enịmde kpukpru mme ewụhọ mi onyụn̄ anamde mmọ.+ Enye iditreke ndidu uwem.+ 20  Ukpọn̄ eke anamde idiọk ayakpa n̄kpa.+ Owo idibiomke eyen ikpe ke ntak ndudue ete esie, owo idinyụn̄ ibiomke ete ikpe ke ntak ndudue eyen.+ Edinen ido edinen owo oyodoro enye ke idem,+ idiọkido idiọkowo oyonyụn̄ odoro enye ke idem.+ 21  “‘Ndien amaedi idiọkowo, edieke enye ọwọn̄ọrede ọkpọn̄ kpukpru idiọkn̄kpọ emi enye anamde+ onyụn̄ enịmde kpukpru mme ewụhọ mi onyụn̄ ekpede unenikpe onyụn̄ anamde edinen ido,+ enye iditreke ndidu uwem. Enye idikpaha.+ 22  Kpukpru ubiatibet emi enye akabiatde—owo iditịghi mmọ ibat inọ enye.+ Ke ntak edinen ido esie, enye oyodu uwem.’+ 23  “‘Nte n̄kpa idiọkowo adat mi esịt,’+ uyo Jehovah Akakan Ọbọn̄ Andikara edi emi, ‘nte ndatke esịt ke enye ndiwọn̄ọde n̄kpọn̄ mme usụn̄ esie nnyụn̄ ndu uwem?’+ 24  “‘Ndien ke ini edinen owo ọwọn̄ọrede ọkpọn̄ edinen ido esie onyụn̄ anamde se ikwan̄ade;+ anamde nte ekemde ye kpukpru mbubiam n̄kpọ oro idiọkowo anamde+ ndien enye osụk odu uwem, owo iditịghi baba n̄kpọ kiet ke otu kpukpru ndinen edinam esie emi enye akanamde.+ Enye ayakpa ke ntak unana edinam akpanikọ esie ye ke ntak idiọkn̄kpọ emi enye anamde.+ 25  “‘Ndien mbufo ẹyedọhọ ẹte: “Owo inen̄ekede usụn̄ Jehovah enen.”+ Mbọk, ẹkop O ufọk Israel. Nte usụn̄ mi ke owo mînen̄ekede enen?+ Nte ikam idịghe usụn̄ mbufo ke owo mînen̄ekede enen?+ 26  “‘Ke ini edinen owo ọwọn̄ọrede ọkpọn̄ edinen ido esie onyụn̄ anamde se ikwan̄ade+ ndien akpa ke ntak mmọ, enye ayakpa ke ntak emi enye anamde se ikwan̄ade.+ 27  “‘Ndien ke ini idiọkowo ọwọn̄ọrede ọkpọn̄ idiọkido esie oro enye anamde onyụn̄ ekpede unenikpe onyụn̄ anamde edinen ido,+ enye eyenịm ukpọn̄ esie uwem.+ 28  Ke ini enye okụtde+ onyụn̄ ọwọn̄ọrede ọkpọn̄ kpukpru ubiatibet oro enye akabiatde,+ enye iditreke ndidu uwem. Enye idikpaha.+ 29  “‘Ndien ufọk Israel ẹyedọhọ ẹte: “Owo inen̄ekede usụn̄ Jehovah enen.”+ O ufọk Israel, nte owo inen̄ekede mme usụn̄ mi enen?+ Nte ikam idịghe usụn̄ mbufo ke owo mînen̄ekede enen?’+ 30  “‘Mmọdo nyekpe ikpe mbufo owo kiet kiet nte ekemde ye mme usụn̄ mbufo,+ O ufọk Israel,’ uyo Jehovah Akakan Ọbọn̄ Andikara edi emi.+ ‘Ẹfiak edem, ẹkam ẹfiak edem ẹkpọn̄ kpukpru ubiatibet oro mbufo ẹbiatde,+ ẹkûnyụn̄ ẹyak baba n̄kpọ kiet edi n̄kpọ iduọ oro anamde mbufo ẹdue.+ 31  Ẹsio kpukpru ubiatibet eke mbufo ẹbiatde+ ẹfep ke idem mbufo ẹnyụn̄ ẹnam obufa esịt+ ye obufa spirit+ ẹnọ idem mbufo, koro ntak emi mbufo ẹkpekpan̄ade,+ O ufọk Israel?’ 32  “‘Koro ndatke esịt ke owo ndikpa,’+ uyo Jehovah Akakan Ọbọn̄ Andikara edi emi. ‘Ntre mbufo ẹfiak edem ẹnyụn̄ ẹdu uwem.’”+

Mme Ikọ Idakisọn̄

“Mfri vine.”