Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Ezekiel 17;1-24

17  Ndien uyo Jehovah ọtọn̄ọ ntak esịm mi, ete:  “Eyen owo, top n̄ke+ nyụn̄ toho ufiet ban̄a ufọk Israel.+  Afo nyụn̄ dọhọ ete, ‘Ntem ke Jehovah Akakan Ọbọn̄ Andikara ọdọhọ ete: “Akamba ntrukpom,+ emi enyenede ikpọ mba,+ ye ntan̄ emi ẹniọn̄de, idet onyụn̄ ọyọhọde enye idem, emi onyụn̄ enyenede nsio nsio uduot, edi Lebanon+ onyụn̄ obụn̄ n̄kọk enyọn̄+ eto cedar.+  Enye esịbe etịn̄e nsek n̄kọk esie onyụn̄ ada enye edi isọn̄ Canaan;+ ndien edinịm enye ke obio mme anyamurua.  N̄ko-n̄ko, enye ada ndusụk n̄kpasịp isọn̄+ oro ọkọtọ ke in̄wan̄ n̄kpasịp. Enye ọtọ enye nte eto willow ke mben akamba mmọn̄.+  Ndien enye ọtọn̄ọ nditịbe ndien sụn̄sụn̄ enye akabade vine eke esehede onyụn̄ omụhọde ke idaha,+ onyụn̄ ọdọn̄ enye ndinam mme ikọn̄ esie ẹwọn̄ọde ẹse esịt; ndien amaedi mme orụn̄ esie, sụn̄sụn̄ mmọ ẹdidu enye ke idak. Ndien ke akpatre enye akabade vine onyụn̄ osion̄o emịne onyụn̄ asiaha n̄kọk.+  “‘“Ndien akamba ntrukpom efen odu,+ emi enyenede ikpọ mba, onyụn̄ enyenede ikpọ ntan̄,+ ndien, sese! vine emi anyanade orụn̄ esie ebịne enye ye ọkpọsọn̄ udọn̄.+ Enye onyụn̄ anyanade ikọn̄ esie ebịne enye man ada mmọn̄ ebịt enye, ọkpọn̄ isọn̄ in̄wan̄ emi ẹketọde enye.+  Ẹma ẹdedịbede enye ẹketọ ke eti isọn̄, ke mben akamba mmọn̄,+ man enye okposion̄o n̄kọk onyụn̄ on̄wụm mfri, onyụn̄ akabade edi akamba vine.”’  “Dọhọ ete, ‘Ntem ke Jehovah Akakan Ọbọn̄ Andikara ọdọhọ ete: “Nte enye oyokụt unen?+ Nte owo idisịbeke mme orụn̄+ esie ifep inyụn̄ inam mfri esie etie ikpọk ikpọk? Nte kpukpru nsehe esie oro ẹtetde obufa idinyụn̄ isatke?+ Enye ayasat. Idịghe akamba ubọk m̀mê akwa udịmowo ẹdịbede enye ẹfep ke mme orụn̄ esie. 10  Ndien, sese! okposụkedi emi ẹdịberede enye ẹditọ, nte enye oyokụt unen? Nte enye idisatke ofụri ofụri, idem kpa nte ke ini ofụm edem usiahautịn otụkde enye?+ Enye ayasat ke isọn̄ in̄wan̄ emi enye etịbede.”’”+ 11  Ndien uyo Jehovah ọtọn̄ọ ntak esịm mi, ete: 12  “Mbọk, dọhọ ufọk nsọn̄ibuot+ emi ete, ‘Nte mbufo ifiọkke se mme n̄kpọ emi ẹwọrọde?’ Dọhọ, ete, ‘Sese! Edidem Babylon ama edi Jerusalem onyụn̄ edida edidem+ esie ye mbọn̄ esie ekenịm ọnọ idemesie ke Babylon.+ 13  N̄ko-n̄ko, enye ada kiet ke otu mfri+ ubon edidem onyụn̄ odiomi ediomi ye enye onyụn̄ anam enye ada un̄wọn̄ọ;+ enye onyụn̄ atan̄ ikpọ owo isọn̄ oro adaha,+ 14  man obio ubọn̄ okposụhọde,+ okûmenede idem ke enyọn̄, man enye ọkpọsọn̄ọ ada ke ndinịm ewụhọ esie.+ 15  Edi ke akpatre enye ọsọn̄ ibuot+ ye enye ke ndidọn̄ mme isụn̄utom esie ẹka Egypt, ete ọnọ imọ mme enan̄-mbakara+ ye akwa udịmowo. Nte enye oyokụt unen? Nte enye emi anamde mme n̄kpọ emi onyụn̄ abiatde ediomi eyefehe ọbọhọ? Nte enye eyefehe ọbọhọ?’+ 16  “‘“Ma uwem mi,”+ uyo Jehovah Akakan Ọbọn̄ Andikara edi emi, “ke ebiet oro edidem emi ekemende owo oro esede un̄wọn̄ọ+ esie ke ndek onyụn̄ abiatde ediomi esie enịm nte edidem, enye ayakpa ye enye ke Babylon.+ 17  Ndien Pharaoh ididaha akwa udịmekọn̄ ye akwa esop inam enye okụt unen ke ekọn̄,+ ke ndikịbi ibombom nnyụn̄ mbọp ibibene n̄kanade, man ẹsịbe ediwak ukpọn̄ ẹfep.+ 18  Ndien enye ese un̄wọn̄ọ+ ke ndek ke ndibiat ediomi, ndien, sese! enye ọnọ ubọk+ esie, onyụn̄ anam kpukpru n̄kpọ emi. Enye idifeheke ibọhọ.”’+ 19  “‘Mmọdo ntem ke Jehovah Akakan Ọbọn̄ Andikara ọdọhọ ete: “Ma uwem mi, amaedi un̄wọn̄ọ mi oro enye esede ke ndek+ ye ediomi mi oro enye abiatde—ami nditreke ndida enye ndori enye ke ibuot. 20  Ndien nyatat iyịre mi mfụk enye, ẹyenyụn̄ ẹmụm enye ke iyịre ata-ikọt mi;+ ndien ami nyada enye ndi Babylon nyonyụn̄ n̄kpe ikpe ye enye do mban̄a unana edinam akpanikọ esie ye ami.+ 21  Ndien amaedi kpukpru mbon nyon̄ esie emi ẹdude ke kpukpru udịmekọn̄ esie, mmọ ẹyeduọn̄ọ ke akan̄kan̄, ndien mbon oro ẹyakde ẹsụhọ ẹyesuana ke esenidụt, idem ke kpukpru ofụm.+ Ndien mbufo ẹyefiọk ẹte ke ami, Jehovah, ndọhọ.”’+ 22  “‘Ntem ke Jehovah Akakan Ọbọn̄ Andikara ọdọhọ ete: “Ami n̄ko nyada ndusụk edikon̄ n̄kọk eto cedar ndinịm;+ nyesịbe nsehe+ ke etịn̄e n̄kọk esie nyonyụn̄ ndịbede enye n̄kọtọ ke enyọn̄ obot+ emi okon̄de onyụn̄ emenerede ke enyọn̄. 23  Nyedịbede enye n̄kọtọ ke edikon̄ obot Israel,+ ndien enye ayasiaha n̄kọk onyụn̄ on̄wụm mfri+ onyụn̄ akabade akamba cedar.+ Ndien kpukpru inuen eke kpukpru orụk mba ẹyedụn̄ ke idak esie; mmọ ẹyedụn̄ ke mfụt ikọn̄ esie.+ 24  Ndien kpukpru eto ke ikọt ẹyefiọk ẹte ke ami, Jehovah,+ nsụhọde edikon̄ eto nnịm,+ nnyụn̄ mmenede usụhọde eto nnịm ke enyọn̄,+ nnam eto+ oro esehede asat nnyụn̄ nnam nsat eto esehe. Ami, Jehovah, ndọhọ nnyụn̄ nnam+ emi.”’”

Mme Ikọ Idakisọn̄