Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 15;1-8

15  Ndien uyo Jehovah ọtọn̄ọ ntak esịm mi, ete:  “Eyen owo, ke nso usụn̄ ke eto vine,+ m̀mê n̄kọk esie ke otu mme eto akai, okpụhọde ye kpukpru mme eto eken ke akai?  Nte ẹkeme ndida eto ke enye nnam utom? Mîdịghe nte mme owo ẹkeme ndida enye nnam ntok n̄kọn̄ orụk n̄kpọ ekededi?  Sese! Ẹnyene ndisịn enye ke ikan̄ nte ifia.+ Ndien ikan̄ ata utịt esie mbiba, ufọt esie onyụn̄ ọfọbọ.+ Nte enye ọfọn se ẹdade ẹnam utom ekededi?  Sese! Ke ini enye edide ofụri, owo idaha enye inam utom ekededi. N̄wan̄wadise ndida enye nnam utom efen ekededi ke ini ikan̄ ama akata enye, enye onyụn̄ ọfọbọde!”+  “Mmọdo ntem ke Jehovah Akakan Ọbọn̄ Andikara ọdọhọ ete, ‘Kpa nte eto vine ke otu mme eto akai, oro ami nyakde nnọ ikan̄ nte ifia, kpa ntre ke nyak mme andidụn̄ Jerusalem nnọ.+  Ami mmọwọn̄ọde iso n̄n̄wana ye mmọ.+ Mmọ ẹmewọrọ ke ikan̄, edi ikan̄ ayata mmọ.+ Ndien mbufo ẹyefiọk ẹte ke ami ndi Jehovah, ke ini n̄wụkde iso mi nse mmọ.’”+  “‘Ndien ami nyanam isọn̄ edi ndon,+ ke ntak emi mmọ mînamke akpanikọ,’+ uyo Jehovah Akakan Ọbọn̄ Andikara edi emi.”

Mme Ikọ Idakisọn̄