Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 12;1-28

12  Ndien uyo Jehovah esịm mi, ete:  “Eyen owo, afo odụn̄ ke otu ufọk nsọn̄ibuot,+ oro ẹnyenede enyịn ndikụt n̄kpọ edi ikwe,+ oro ẹnyenede utọn̄ ndikop n̄kpọ edi ikopke,+ koro mmọ ẹdide ufọk nsọn̄ibuot.+  Amaedi afo, O eyen owo, tịm mbiomo uka ntan̄mfep nọ idemfo nyụn̄ ka ntan̄mfep ke uwemeyo ke iso mmọ, afo onyụn̄ enyene ndikpọn̄ ebiet fo n̄ka ntan̄mfep ke ebiet efen ke iso mmọ. M̀mê mmọ ẹyekụt, okposụkedi emi mmọ ẹdide ufọk nsọn̄ibuot.+  Ndien afo enyene ndida mbiomo fo n̄wọrọ ndi ke uwemeyo ke iso mmọ nte mbiomo uka ntan̄mfep, ndien afo ọyọwọrọ ke mbubreyo ke iso mmọ nte mbon oro ẹtan̄de ẹka ntan̄mfep.+  “Tịbi ibibene be ke iso mmọ, nyụn̄ tan̄ n̄kpọ san̄a do wọrọ.+  Afo edibiom n̄kpọ ke afara ke iso mmọ. Afo editan̄ n̄kpọ ọwọrọ ke ekịm. Afo oyofụk iso fo mbak udukụt isọn̄, koro mmanam fi edi idiọn̄ọ+ ọnọ ufọk Israel.”+  Ndien ami nnam kpa nte ẹkewụkde mi.+ Nda mbiomo mi n̄wọrọ ndi, kpa nte mbiomo uka ntan̄mfep, ke uwemeyo; ndien ke mbubreyo ami nda ubọk ntịbi ibibene mbe. Ntan̄ n̄kpọ n̄wọrọ ke ekịm. Mbiom ke afara mi, ke iso mmọ.  Ndien uyo Jehovah esịm mi ke usenubọk, ete:  “Eyen owo, nte mbon ufọk Israel, kpa ufọk nsọn̄ibuot,+ ikobụpke fi, ite, ‘Nso ke afo ananam?’ 10  Dọhọ mmọ ete, ‘Ntem ke Jehovah Akakan Ọbọn̄ Andikara ọdọhọ ete: “Amaedi ọbọn̄,+ odu etop emi aban̄ade Jerusalem onyụn̄ aban̄ade ofụri ufọk Israel emi ẹdude ke esịt mmọ.”’ 11  “Dọhọ ete, ‘Ami ndi idiọn̄ọ+ nnọ mbufo. Kpa nte nnamde, kpa ntre ke ẹdinam ye mmọ. Ẹyemụm mmọ nte mbuotekọn̄ ẹka ntan̄mfep.+ 12  Ndien amaedi ọbọn̄ emi odude ke otu mmọ, enye oyobiom n̄kpọ ke afara ke ekịm ọwọrọ; mmọ ẹyetịbi ibibene man ẹtan̄ n̄kpọ ẹsan̄a do ẹwọrọ.+ Enye oyofụk iso esie mbak enye edida enyịn esie okụt isọn̄.’ 13  Ndien ami nyatat iyịre mi mfụk enye, iyịre ata-ikọt mi oyonyụn̄ omụm enye;+ ndien ami nyada enye ndi Babylon, ke isọn̄ mbon Chaldea,+ edi enye idikwe enye; do ke enye edinyụn̄ akpa.+ 14  Ndien ami nyasuan kpukpru mbon un̄wam oro ẹkande enye ẹkụk, ye kpukpru udịm mbonekọn̄ esie ndọn̄ ke kpukpru ofụm;+ ndien nyodụri akan̄kan̄ nsio nda ntiene mmọ.+ 15  Ndien mmọ ẹyefiọk ẹte ke ami ndi Jehovah ke ini mbịnde mmọ ndọn̄ ke otu mme idụt nnyụn̄ nsuande mmọ ndọn̄ ke otu mme obio.+ 16  Ndien ami nyayak esisịt ibat owo emi ẹbọhọde akan̄kan̄+ ye akan̄ ye idiọk udọn̄ọ ẹsụhọ ke otu mmọ, man mmọ ẹkpebụk kpukpru mbubiam+ n̄kpọ mmọ ke otu mme idụt oro mmọ ẹkade;+ ndien mmọ ẹyefiọk ẹte ke ami ndi Jehovah.” 17  Ndien uyo Jehovah esịm mi, ete: 18  “Eyen owo, ta uyo fo ke nnyekidem, nyụn̄ n̄wọn̄ mmọn̄ fo ke ndutịme ye ndịk.+ 19  Afo nyụn̄ dọhọ mbio obio ete, ‘Ntem ke Jehovah Akakan Ọbọn̄ Andikara ọdọhọ mme andidụn̄ Jerusalem ke isọn̄ Israel ete:+ “Mmọ ẹyeta uyo mmọ ke nnyekidem, ẹnyụn̄ ẹn̄wọn̄ mmọn̄ mmọ ke ndịk, man ẹkpesobo kpukpru se iyọhọde+ isọn̄ esie ke ntak afai oro kpukpru mbon emi ẹdụn̄de ke esịt esie ẹnamde.+ 20  Ndien ẹyesobo mme obio oro ẹdụn̄de,+ isọn̄ oyonyụn̄ ana ndon;+ ndien mbufo ẹyefiọk ẹte ke ami ndi Jehovah.”’”+ 21  Ndien uyo Jehovah ọtọn̄ọ ntak esịm mi, ete: 22  “Eyen owo, nso idi ufiet emi mbufo ẹtohode ẹban̄a isọn̄ Israel,+ ẹte, ‘Ẹmenam mme usen ẹbịghi,+ kpukpru n̄kukụt ẹmenyụn̄ ẹtak’?+ 23  Mmọdo dọhọ mmọ ete, ‘Ntem ke Jehovah Akakan Ọbọn̄ Andikara ọdọhọ ete: “Nyanam ufiet emi etre, mmọ idinyụn̄ itohoke aba enye nte ufiet ke Israel.”’+ Edi dọhọ mmọ ete, ‘Mme usen ẹmesan̄a ẹkpere,+ ọkọrọ ye se ofụri n̄kukụt aban̄ade.’ 24  Koro n̄kukụt ekededi oro mînyeneke ufọn+ m̀mê abian̄a abian̄a idiọn̄ mîdidụhe aba ke otu ufọk Israel.+ 25  “Koro ami, Jehovah, nyetịn̄ ikọ eke nditịn̄de, ndien ẹyenam enye.+ Owo iditọn̄ọke aba ntak isịk inịm,+ koro ke mme usen mbufo,+ O ufọk nsọn̄ibuot, nyetịn̄ ikọ nnyụn̄ nnam enye,” uyo Jehovah Akakan Ọbọn̄ Andikara edi emi.’” 26  Ndien uyo Jehovah esịm mi, ete: 27  “Eyen owo, sese! mbon ufọk Israel ẹdọhọ ẹte, ‘N̄kukụt oro enye okụtde ke osụk ebebịghi ke ediwak usen ndisu, enye onyụn̄ etịn̄ ntịn̄nnịm ikọ aban̄a anyan ini.’+ 28  Mmọdo dọhọ mmọ ete, ‘Ntem ke Jehovah Akakan Ọbọn̄ Andikara ọdọhọ ete: “‘Owo iditọn̄ọke aba ntak isịk ikọ mi ekededi inịm.+ Ẹyenam ikọ eke ntịn̄de,’+ uyo Jehovah Akakan Ọbọn̄ Andikara edi emi.”’”+

Mme Ikọ Idakisọn̄