Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 11;1-25

11  Ndien spirit+ emen mi ọdọk+ onyụn̄ ada mi edi inuaotop n̄kan̄ edem usiahautịn ufọk Jehovah emi esede edem usiahautịn,+ ndien sese! irenowo edịp ye ition+ ẹdu ke enyịnusụn̄ inuaotop, ndien ami n̄kụt Jaazaniah eyen Azzur ye Pelatiah eyen Benaiah, mbọn̄ mbio obio, ke otu mmọ.+  Ekem enye ọdọhọ mi ete: “Eyen owo, mmọ emi ẹdi irenowo oro ẹduakde ibak ẹnyụn̄ ẹnọde idiọk item ẹban̄a obio emi;+  oro ẹdọhọde ẹte, ‘Nte ini ndibọp mme ufọk inen̄ekede ikpere?+ Enye edi an̄wan̄a-inua eso utemudia,+ nnyịn inyụn̄ idi unam.’  “Mmọdo tịn̄ ntịn̄nnịm ikọ ban̄a mmọ. O eyen owo, tịn̄ ntịn̄nnịm ikọ.”+  Ekem spirit Jehovah odoro mi ke idem,+ enye onyụn̄ ọdọhọ mi ete: “Dọhọ ete, ‘Ntem ke Jehovah ọdọhọ ete:+ “O ufọk Israel, mbufo ẹmetịn̄ nnennen n̄kpọ; ndien amaedi mme n̄kpọ oro ẹdụkde mbufo ekikere,* ami mmọfiọk+ enye.  Mbufo ẹmenam ikọt mbufo oro ẹwotde ke obio emi ẹwak, mbufo ẹmenyụn̄ ẹda mbon oro ẹwotde ẹyọhọ mme efak esie.”’”+  “Mmọdo ntem ke Jehovah Akakan Ọbọn̄ Andikara ọdọhọ ete, ‘Amaedi ikọt mbufo emi ẹwotde, emi mbufo ẹbonde ke ufọt esie, mmọ ẹdi obụk,+ enye onyụn̄ edi an̄wan̄a-inua eso utemudia;+ ndien ẹyeda mbufo ẹwọrọ ke esịt esie.’”+  “‘Mbufo ẹfehe akan̄kan̄,+ ami nyonyụn̄ nda akan̄kan̄ ntiene mbufo,’ uyo Jehovah Akakan Ọbọn̄ Andikara edi emi.+  ‘Ndien ami nyada mbufo n̄wọrọ ke esịt esie nnyụn̄ nyak mbufo nsịn ke ubọk isenowo+ nnyụn̄ n̄kpe ikpe nnọ mbufo.+ 10  Mbufo ẹyeduọn̄ọ ke akan̄kan̄.+ Ami nyekpe ikpe mbufo ke adan̄a Israel;+ ndien mbufo ẹyefiọk ẹte ke ami ndi Jehovah.+ 11  Enye ididịghe an̄wan̄a-inua eso utemudia+ inọ mbufo, mbufo idinyụn̄ idịghe unam ke esịt esie. Ami nyekpe ikpe mbufo ke adan̄a Israel, 12  ndien mbufo ẹyefiọk ẹte ke ami ndi Jehovah, koro mbufo mîkasan̄ake ke mme ewụhọ mi mîkonyụn̄ inamke mme ubiereikpe mi,+ edi mbufo ẹkenam nte ekemde ye ubiereikpe mme idụt oro ẹkande mbufo ẹkụk.’”+ 13  Ndien edikem ke ndondo oro ntịn̄de ntịn̄nnịm ikọ mma, Pelatiah eyen Benaiah akpa,+ ndien ami nduọ n̄kịbi iso ke isọn̄ nnyụn̄ mfiori ke ọkpọsọn̄ uyo+ nte: “O, Jehovah Akakan Ọbọn̄ Andikara!+ Nte afo oyom ndisobo nsụhọ Israel mma?”+ 14  Ndien uyo Jehovah esịm mi, ete: 15  “Eyen owo, amaedi nditọete+ fo, nditọete fo, irenowo oro ẹnyenede udọn̄ ke unen oro afo enyenede ndifak, ye ofụri ufọk Israel, kpukpru mmọ, ẹdi mbon oro mme andidụn̄ Jerusalem ẹdọhọde ẹte, ‘Ẹka nsannsan ẹkpọn̄ Jehovah. Koro enye enyene nnyịn; ẹmeyak isọn̄ oro ẹnọ nnyịn ẹte ida inyene’;+ 16  mmọdo dọhọ ete, ‘Ntem ke Jehovah Akakan Ọbọn̄ Andikara ọdọhọ ete: “Okposụkedi emi nnịmde mmọ nsannsan ke otu mme idụt, okposụkedi emi nnyụn̄ nsuande mmọ ndọn̄ ke otu mme idụt,+ kpa ye oro ami nyakabade ndi edisana ebiet nnọ mmọ ke esisịt ini ke otu mme idụt emi mmọ ẹkade.”’+ 17  “Mmọdo dọhọ ete, ‘Ntem ke Jehovah Akakan Ọbọn̄ Andikara ọdọhọ ete: “Ami n̄ko nyatan̄ mbufo ke otu mme owo nnyụn̄ nsion̄o mbufo ke mme idụt emi n̄kasuande mbufo ndọn̄, nyonyụn̄ nnọ mbufo isọn̄ Israel.+ 18  Ndien mmọ ẹyedi do ẹdision̄o kpukpru mbubiam n̄kpọ esie ye kpukpru n̄kpọ itekesịt esie ẹfep ke esịt esie.+ 19  Ndien ami nyọnọ mmọ esịt+ kiet, nnyụn̄ nsịn mmọ obufa spirit ke idem;+ ndien nyosio esịt itiat ke obụkidem+ mmọ mfep nnyụn̄ nnọ mmọ mmemmem esịt,+ 20  man mmọ ẹkpesan̄a ke mme ewụhọ mi ẹkpenyụn̄ ẹnịm mme ubiereikpe mi ẹnyụn̄ ẹnam mmọ;+ man mmọ ẹkpedi ikọt mi,+ ami n̄kponyụn̄ ndi Abasi mmọ.”’+ 21  “‘“Edi amaedi mbon oro esịt mmọ asan̄ade ke mme mbubiam n̄kpọ mmọ ye ke mme n̄kpọ itekesịt mmọ,+ ami nyada usụn̄ mmọ ndori mmọ ke ibuot,” uyo Jehovah Akakan Ọbọn̄ Andikara edi emi.’”+ 22  Ndien ke emi mme cherub+ ẹmenede mba mmọ, mme wheel ẹnyụn̄ ẹdu ẹkpere mmọ,+ ubọn̄+ Abasi Israel onyụn̄ odu ke enyọn̄ ofụk mmọ.+ 23  Ndien ubọn̄ Jehovah+ adaha ọdọk ọkpọn̄ ufọt obio onyụn̄ akada ke enyọn̄ akamba obot+ oro odude ke n̄kan̄ edem usiahautịn obio.+ 24  Ekem spirit+ emen mi ọdọk+ onyụn̄ ada mi edi Chaldea ebịne mbon ntan̄mfep,+ ke n̄kukụt oro spirit Abasi owụtde; ndien n̄kukụt oro n̄kokụtde adaha ọdọk ọkpọn̄ mi. 25  Ndien ami mmen kpukpru n̄kpọ oro Jehovah akanamde mi n̄kụt ntịn̄ nnọ mbon ntan̄mfep.+

Mme Ikọ Idakisọn̄

At. Ed., “spirit.”