Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ezekiel 10;1-22

10  Ndien ami n̄kụt, ndien, sese! ke enyọn̄ ikpaenyọn̄+ oro odude ke enyọn̄ ibuot mme cherub, n̄kpọ odu eke ebietde itiat+ sapphire, ebiet ebekpo,+ odu ke enyọn̄ mmọ.  Ndien enye ọdọhọ owo oro esịnede linen,+ ete: “Dụk ke ufọt mme wheel+ oro ẹyụtde, ke idak mme cherub, nyụn̄ sio mbubek ikan̄+ ke ufọt mme cherub yọhọ ekaubọk fo mbiba nyụn̄ ka kotop suan ke obio.”+ Ntre enye ebe odụk ke iso mi.  Ndien mme cherub oro ẹkeda ke n̄kan̄ nnasia ufọk ke ini emi owo oro ekebede odụk, obubịt enyọn̄ onyụn̄ ọyọhọ okụre oro odude ke esịt esịt.+  Ndien ubọn̄ Jehovah+ adaha ke mme cherub ọdọk aka asan̄udọk ufọk, ndien sụn̄sụn̄ obubịt enyọn̄+ ọyọhọ ufọk oro, uyama ubọn̄ Jehovah onyụn̄ ọyọhọ okụre oro.  Ndien ẹda ke okụre an̄wa ẹkop uyom oro mba mme cherub+ ẹnamde, ebiet uyo Ata Ọkpọsọn̄ Abasi ke ini enye etịn̄de ikọ.+  Ndien edikem ke ini emi enye owụkde owo oro esịnede linen, ete: “Da ikan̄ ke ufọt mme wheel oro ẹyụtde, ke ufọt mme cherub,” enye ebe odụk onyụn̄ akada ekpere wheel.  Ekem cherub osio ubọk esie ke ufọt mme cherub anyan ke ikan̄+ oro odude ke ufọt mme cherub+ onyụn̄ emen ikan̄ oro esịn ke ekaubọk owo oro esịnede linen,+ ndien enye ọbọ ọwọrọ.  Ndien ẹkụt mme n̄kpọ eke ebietde ubọk owo ke idak mba+ mme cherub.  Ndien ami n̄kụt, ndien, sese! wheel inan̄ ẹdu ẹkpere mme cherub, wheel kiet odu ekpere cherub kiet, wheel kiet onyụn̄ odu ekpere cherub enye eken,+ ndien nte mme wheel emi ẹtiede ẹkebiet uyama itiat chrysolite. 10  Ndien amaedi nte mmọ ẹtiede, mmọ mbinan̄ ẹkebiet kiet eken, kpa nte emi wheel odude ke esịt wheel.+ 11  Ke ini mmọ ẹkade, mmọ ẹsan̄a ke n̄kan̄ mmọ mbinan̄. Mmọ iwọn̄ọkede ika ebiet efen ke ini mmọ ẹkade, koro ebiet emi ibuot esede, mmọ ẹyetiene enye ẹka. Mmọ idiwọn̄ọkede ika ebiet efen ke ini mmọ ẹkade.+ 12  Ndien enyịn ẹyọhọ ofụri idem mmọ ye edem mmọ ye ubọk mmọ ye mba mmọ, ye mme wheel ẹkan ẹkụk.+ Mmọ mbinan̄ ẹnyene mme wheel mmọ. 13  Amaedi mme wheel oro, ẹkot mmọ ke utọn̄ mi, “O mme wheel oro ẹyụtde!” 14  Ndien kiet kiet ekenyene iso inan̄.+ Akpa iso ekedi iso cherub, ọyọhọ iso iba ekedi iso owo,+ ọyọhọ ita ekedi iso ekpe, ọyọhọ inan̄ okonyụn̄ edi iso ntrukpom.+ 15  Ndien mme cherub ẹyedaha ke enyọn̄+—emi ekedi ukem odu-uwem edibotn̄kpọ oro n̄kokụtde ke Akpa Chebar+ 16  ndien ke ini mme cherub ẹsan̄ade, mme wheel ẹsan̄a mmọ ke n̄kan̄;+ ke ini mme cherub ẹnyụn̄ ẹmenerede mba mmọ ke enyọn̄ okon̄ akan isọn̄, mme wheel iwọn̄ọkede ika ebiet efen, ikpọn̄ n̄kan̄ mmọ.+ 17  Ke ini mmọ emi ẹtuakde ẹda, mmọ ẹyetuak ẹda; ndien ke ini mmọ emi ẹdahade ke enyọn̄,+ mmọ ẹyetiene mmọ ẹdaha ke enyọn̄, koro spirit emi odude ke odu-uwem edibotn̄kpọ odude mmọ ke idem.+ 18  Ndien ubọn̄+ Jehovah adaha ọkpọn̄ enyọn̄ asan̄udọk ufọk akatuak ada ke enyọn̄ mme cherub.+ 19  Ndien mme cherub ke emi ẹmenede mba mmọ ke enyọn̄ ẹnyụn̄ ẹdaha ẹdọk ẹkpọn̄ isọn̄+ ke iso mi. Ke ini mmọ ẹkade, mme wheel n̄ko ẹsan̄a ẹkpere mmọ ke n̄kan̄; ndien mmọ ẹketuak ẹda ke enyịnusụn̄ inuaotop n̄kan̄ edem usiahautịn ufọk Jehovah, ndien ubọn̄ Abasi Israel odu ke enyọn̄ ofụk mmọ. 20  Emi edi odu-uwem edibotn̄kpọ+ oro n̄kokụtde ke idak Abasi Israel ke Akpa Chebar,+ ntre ami ndifiọk ke mmọ ẹkedi mme cherub. 21  Amaedi mmọ mbinan̄, kiet kiet ekenyene iso inan̄,+ kiet kiet okonyụn̄ enyene mba inan̄, ndien n̄kpọ eke ebietde ubọk owo odu ke idak mba mmọ. 22  Ndien amaedi nte iso mmọ ẹtiede, iso mmọ ẹkebiet n̄kpọ oro n̄kokụtde ke Akpa Chebar, enen̄ede ebiet mmọ.+ Ndien mmọ kiet kiet ẹnen iso ẹka.+

Mme Ikọ Idakisọn̄