Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Exodus 39;1-43

39  Ndien mmọ ẹda blu blu ndidi ye idet erọn̄ emi enyenede uduot mmọn̄ibọn̄ ye ididuot ndidi+ ẹnam mme ọfọn̄+ eke ẹdọkde-dọk ndisịne nnam utom ke edisana ebiet.+ Ntre ke mmọ ẹnam ndisana ọfọn̄+ ẹnọ Aaron, kpa nte Jehovah eketemede Moses.  Ndien enye ada gold ye blu blu ndidi ye idet erọn̄ emi enyenede uduot mmọn̄ibọn̄ ye ididuot ndidi ye eti linen oro ẹfiakde-fiak anam ephod.+  Ekem mmọ ẹtara gold ẹnam edi mfefere mfefere, ndien enye esịbe enye nte ndidi adian ye blu blu ndidi ye idet erọn̄ emi enyenede uduot mmọn̄ibọn̄ ye ididuot ndidi ye eti linen ọdọk, nte utom andikịm fansi.+  Mmọ ẹnam mbak ọfọn̄ emi ẹkịmde ẹdian ke afara. Ẹkịm mmọ ẹdian kiet ke utịt mbiba.  Ndien ẹkeda ukem uduot ẹnam mbọbọ emi ẹyịride ndida ntebe enye, oro edi, gold ye blu blu ndidi ye idet erọn̄ emi enyenede uduot mmọn̄ibọn̄ ye ididuot ndidi ye eti linen oro ẹfiakde-fiak,+ kpa nte Jehovah eketemede Moses.  Ndien mmọ ẹnam itiat onyx+ ẹsịn ke n̄kpaha gold, ẹnyụn̄ ẹkap enyịn̄ nditọ Israel+ ẹsịn kpa nte emi ẹkapde ufịkn̄kpọ.  Ntre enye eyịri mmọ ke mbak ọfọn̄ afara ephod ete edi itiat editi+ ọnọ nditọ Israel, kpa nte Jehovah eketemede Moses.  Ekem enye anam andikịm fansi ọdọk mbana ikpanesịt+ adian, nte ẹnamde ephod, ke gold ye blu blu ndidi ye idet erọn̄ emi enyenede uduot mmọn̄ibọn̄ ye ididuot ndidi ye eti linen oro ẹfiakde-fiak.+  Enye edi ukem ukem ke n̄kan̄ mbinan̄ ke ini ẹfụtde enye iba. Mmọ ẹnam mbana ikpanesịt emi okpon nte udomo ubọk* kiet ke uniọn̄ ye udomo ubọk kiet ke ubom+ ke ini ẹfụtde enye iba. 10  Ndien mmọ ẹda itiat ẹdọn̄ ke enye, udịm inan̄. Akpa udịm edi ruby ye topaz ye emerald.+ 11  Ndien ọyọhọ udịm iba+ edi turquoise ye sapphire+ ye jasper.+ 12  Ọyọhọ udịm ita+ edi itiat leshem ye agate ye amethyst. 13  Ndien ọyọhọ udịm inan̄+ edi chrysolite ye onyx+ ye jade. Ẹkedọn̄ mmọ ke mme ndudu oro ẹnamde ke gold. 14  Ndien itiat emi ẹkem ye enyịn̄ nditọ Israel. Mmọ ẹkedi duopeba nte enyịn̄ mmọ ẹdide, ẹkap enyịn̄ mmọ kiet kiet, kpa nte emi ẹkapde ufịkn̄kpọ, ekem ye esien duopeba.+ 15  Ndien mmọ ẹda ata gold ẹnam urụk eke ẹwan̄de-wan̄ ke mbana ikpanesịt oro.+ 16  Mmọ ẹnyụn̄ ẹda gold ẹnam ndudu iba ye ekara n̄kpọ iba ẹnyụn̄ ẹyịri ekara n̄kpọ iba oro ke utịt mbiba ke mbana ikpanesịt oro.+ 17  Ekem mmọ ẹsịn urụk gold mbiba oro ke ekara n̄kpọ iba oro ke utịt mbana ikpanesịt oro.+ 18  Ndien mmọ ẹsịn utịt urụk mbiba ke ndudu iba oro. Ekem mmọ ẹyịri mmọ ke iso mbak ọfọn̄ afara ephod oro.+ 19  Ndien mmọ ẹda gold ẹnam ekara n̄kpọ iba ẹyịri ke utịt mbiba ke mbana ikpanesịt ke mben n̄kan̄ emi adianade ke ephod.+ 20  Ekem mmọ ẹda gold ẹnam ekara n̄kpọ iba ẹyịri ke isọn̄ mbak ọfọn̄ afara ephod oro mbiba, ke iso, ekpere itie emi mmọ ẹsobode, ke enyọn̄ mbọbọ ephod.+ 21  Ndien mmọ ẹda blu blu urụk ẹtebe ekara mbana ikpanesịt oro ẹdian ye ekara n̄kpọ oro odude ke ephod, man enye odu ke enyọn̄ mbọbọ ephod, mbana ikpanesịt oro okûnyụn̄ esịk ọkpọn̄ enyọn̄ ephod, kpa nte Jehovah eketemede Moses.+ 22  Ndien enye ada blu blu ndidi anam anana-ubọk kod+ ephod, nte ọfọn̄ emi ẹdọkde-dọk. 23  Ndien ẹsio itọn̄ ke ufọt ufọt enyọn̄ esie, nte itọn̄ kod ukwak. Ẹdọk mben itọn̄ oro ẹkanade mbak ediwaha.+ 24  Ndien mmọ ẹda blu blu ndidi ye idet erọn̄ emi enyenede uduot mmọn̄ibọn̄ ye ididuot ndidi ẹdọk pomegranate ẹyịri ẹkanade mben isọn̄ esie.+ 25  N̄ko, mmọ ẹda ata gold ẹnam n̄kanika ẹnyụn̄ ẹyịri n̄kanika emi ke ufọt mme pomegranate+ ke mben isọn̄ anana-ubọk kod ẹkanade, ke ufọt mme pomegranate; 26  n̄kanika kiet ye pomegranate kiet, n̄kanika kiet ye pomegranate kiet akanade mben isọn̄ anana-ubọk kod emi,+ man ẹsịne ẹnam utom, kpa nte Jehovah eketemede Moses. 27  Ekem mmọ ẹda eti linen ẹdọk ewụra,+ nte ọfọn̄ emi ẹdọkde-dọk, ẹnọ Aaron ye nditọiren esie, 28  ye mbọbọ ibuot+ emi ẹnamde ke eti linen ye uyaraibuot+ eti linen emi ẹbanade ye ibio ọfọn̄ukot+ eti linen oro ẹfiakde-fiak, 29  ye ubọpisịn+ eti linen oro ẹfiakde-fiak ye blu blu ndidi ye idet erọn̄ emi enyenede uduot mmọn̄ibọn̄ ye ididuot ndidi, kpa utom ọdọk-ọfọn̄, kpa nte Jehovah eketemede Moses. 30  Ekem mmọ ẹnam nsemnsem ubak ata gold, kpa edisana idiọn̄ọ uyakidem nnọ, ẹnyụn̄ ẹkap ke enye, kpa nte emi ẹkapde ufịkn̄kpọ: “Jehovah edi Edisana.”+ 31  Ndien mmọ ẹda blu blu urụk ẹtebe enye ẹdian ke mbọbọ ibuot,+ kpa nte Jehovah eketemede Moses. 32  Ntre ke ofụri utom tent utuakibuot, oro edi, tent usopidem, edisịm utịt, koro nditọ Israel ẹnamde kpa nte Jehovah eketemede Moses.+ Mmọ ẹnam kpa ntre. 33  Ndien mmọ ẹda tent utuakibuot+ emi ẹsọk Moses, tent+ ye kpukpru ikpehe esie ye kpukpru n̄kpoduoho esie,+ ekọp,+ obubọk,+ mbiọn̄ eto+ ye adaha ye etak esie,+ 34  ye ikpa okukịm erọn̄ emi ẹsịnde uduot+ ẹnam eyịbe ye ikpa seal+ ye ikpehe emi ekwide,+ 35  ye ekebe+ ntiense ye nnyan eto+ esie ye okukịp,+ 36  ye okpokoro+ ye kpukpru n̄kpoduoho esie+ ye uyo iso Abasi, 37  ye uwụk utuenikan̄+ eke ẹnamde ke ata gold, ye mme utuenikan̄+ ye kpukpru n̄kpoduoho+ esie ye aran ikan̄,+ 38  ye itieuwa+ oro ẹnamde ke gold ye aran oro ẹsidade ẹyet owo+ ye edifuọn̄ incense+ ye ọfọn̄+ enyịnusụn̄ tent, 39  ye itieuwa+ okpoho ye n̄kpọ un̄wan n̄kpọ+ emi ẹnamde ke okpoho, emi esịnede ke itieuwa ye nnyan eto+ esie ye kpukpru n̄kpoduoho+ esie ye besịn+ ye n̄kpọ udori besịn,+ 40  ye ọfọn̄ ikpehe+ okụre ye mme adaha+ esie ye mme etak+ esie ye ọfọn̄ enyịnusụn̄+ inuaotop okụre ye mme urụk tent+ ye mme ọkpọhọ tent+ ye kpukpru n̄kpoduoho+ emi ẹdade ẹnam utom ke tent utuakibuot, ye ke tent usopidem, 41  ye mme ọfọn̄+ eke ẹdọkde-dọk ndisịne nnam utom edisana ebiet ye ndisana+ ọfọn̄ Aaron oku ye mme ọfọn̄ nditọiren esie ndisịne nnam utom nte mme oku.+ 42  Kpa nte Jehovah eketemede Moses, ntre ke nditọ Israel ẹkenam ofụri utom emi.+ 43  Ndien Moses ese kpukpru utom oro, ndien, sese! mmọ ẹma ẹnam kpa nte Jehovah eketemede. Ntem ke mmọ ẹkenam. Ntre Moses ọdiọn̄ mmọ.+

Mme Ikọ Idakisọn̄

“Udomo ubọk” edi uniọn̄ emi ọtọn̄ọde ke ibuot akpan nnuenubọk esịm ibuot akpatre nnuenubọk ke ini ẹtian̄arede ofụri nnuenubọk.