Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Exodus 37;1-29

37  Ndien Bezalel+ ada eto acacia anam Ekebe.+ Cubit iba ye ubak ke uniọn̄ ye cubit kiet ye ubak ke ubom, enye onyụn̄ okon̄ ke cubit kiet ye ubak.+  Ekem enye ada ata gold ofụk enye ke esịt ye ke edem onyụn̄ ada gold anam mben akanade.+  Ndien enye ada gold anam ekara n̄kpọ inan̄ ọdọn̄ ke enyọn̄ ukot esie mbinan̄, ekara n̄kpọ iba ke n̄kan̄ kiet, ekara n̄kpọ iba ke n̄kan̄ eken.+  Ekem enye ada eto acacia anam nnyan eto onyụn̄ ada gold ofụk mmọ.+  Ndien enye ada nnyan eto oro ọdọn̄ ke mme ekara n̄kpọ oro ke n̄kan̄ esie mbiba ke Ekebe emi man ẹkeme ndida mmọ mmen Ekebe emi.+  Ndien enye ada ata gold anam okukịp.+ Cubit iba ye ubak ke uniọn̄ ye cubit kiet ye ubak ke ubom.+  Enye onyụn̄ ada gold anam cherub iba. Enye odom mmọ eyịri ke utịt mbiba ke enyọn̄ okukịp oro.+  Cherub kiet odu ke utịt n̄kan̄ kiet, cherub enye eken onyụn̄ odu ke utịt n̄kan̄ eken. Enye anam mme cherub emi odori ke utịt mbiba ke enyọn̄ okukịp oro.+  Ndien mme cherub emi ẹtat mba mmọ mbiba ke enyọn̄, ẹda mba mmọ ẹfụk okukịp oro,+ mmọ mbiba ẹdu ẹsak iso ẹse kiet eken. Iso mme cherub emi ẹse okukịp oro.+ 10  Ndien enye ada eto acacia anam okpokoro.+ Cubit iba ke uniọn̄ ye cubit kiet ke ubom, enye onyụn̄ okon̄ ke cubit kiet ye ubak.+ 11  Ekem enye ada ata gold ofụk enye onyụn̄ ada gold anam mben esie akanade.+ 12  Ndien enye anam mben emi okponde ke ubara ekaubọk kiet akanade onyụn̄ ada gold anam isọn̄ mben oro akanade.+ 13  Ekem enye ada gold anam ekara n̄kpọ inan̄ onyụn̄ ọdọn̄ ekara n̄kpọ emi ke inụk ukot mbinan̄.+ 14  Mme ekara n̄kpọ oro ẹdu ẹkpere mben, nte itie ndisịn nnyan eto nda mmen okpokoro emi.+ 15  Ndien enye ada eto acacia anam nnyan eto onyụn̄ ada gold ofụk mmọ, man ẹda ẹmen okpokoro emi.+ 16  Ekem enye ada ata gold+ anam n̄kpoduoho emi ẹdoride ke okpokoro, mme usan ye mme cup ye mme eso ye mme osioinua emi ẹdidade ẹtọhọ edin̄wọn̄ uwa. 17  Ekem enye ada ata gold anam uwụk utuenikan̄.+ Enye ododom uwụk utuenikan̄ emi. Ekpatidem esie ye n̄kọk ye cup ye ekop ye flawa esie ẹto ke enye ẹwọrọ.+ 18  Ndien n̄kọk itiokiet ẹsiaha ke uwụk utuenikan̄ emi ke n̄kan̄ esie mbiba, n̄kọk ita ke n̄kan̄ kiet, n̄kọk ita ke n̄kan̄ eken.+ 19  Cup ita emi ẹbietde mfri almond ẹdu ke n̄kọk kiet, ekop ye flawa ẹtiene kiet eken; cup ita emi ẹbietde mfri almond ẹnyụn̄ ẹdu ke n̄kọk eken, ekop ye flawa ẹtiene kiet eken. Ntem ke edi ye n̄kọk itiokiet emi ẹsiahade ẹwọrọ ke uwụk utuenikan̄ emi.+ 20  Ndien cup inan̄ emi ẹbietde mfri almond ẹdu ke uwụk utuenikan̄ emi, ekop ye flawa ẹtiene kiet eken.+ 21  Ndien ekop odu ke idak n̄kọk iba emi asiahade oto enye, ekop onyụn̄ odu ke idak n̄kọk iba efen emi enye asiahade, ekop onyụn̄ odu ke idak n̄kọk iba eken emi asiahade oto enye, emi edi n̄kọk itiokiet emi ẹsiahade ẹwọrọ ke uwụk utuenikan̄ emi.+ 22  Ekop mmọ ye n̄kọk mmọ ẹsiaha ke enye. Ẹda ata gold ẹdom mmọ nte n̄kpọ kiet.+ 23  Ndien enye ada ata gold anam utuenikan̄ itiaba ye ufatikan̄ ye n̄kpọ ufọp incense esie.+ 24  Enye ada ata gold emi odobide ke talent kiet anam enye ye kpukpru n̄kpoduoho emi. 25  Ndien enye ada eto acacia+ anam itieuwa ufọp incense.+ Uniọn̄ esie edi cubit kiet, ubom esie onyụn̄ edi cubit kiet, ukem ukem ke n̄kan̄ mbinan̄, enye onyụn̄ okon̄ ke cubit iba. Nnụk esie ẹwọrọ enye ke idem.+ 26  Ekem enye ada ata gold ofụk enye, ofụk enyọn̄ ye n̄kan̄ esie akanade ọkọrọ ye nnụk esie, onyụn̄ ada gold anam mben akanade.+ 27  Ndien enye ada gold anam ekara n̄kpọ iba ekpere mben enyọn̄ esie ke n̄kan̄ mbiba emi ẹsakde iso ẹse kiet eken, nte itie eke ẹsịnde nnyan eto emi ẹdidade ẹmen enye.+ 28  Ekem enye ada eto acacia anam nnyan eto onyụn̄ ada gold ofụk mmọ.+ 29  Enye onyụn̄ anam edisana aran oro ẹsidade ẹyet owo+ ye ata eti edifuọn̄ incense,+ nte emi anam edifuọn̄ aran anamde.

Mme Ikọ Idakisọn̄