Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Exodus 3;1-22

3  Ndien Moses akabade edi andikpeme otuerọn̄ Jethro,+ oku Midian, kpa ete an̄wan esie.+ Ke adan̄aemi enye adade mme erọn̄ aka edem usoputịn wilderness, enye edisịm Horeb,+ obot ata Abasi.+  Ndien angel Jehovah owụt enye idem ke edemeikan̄ ke eto n̄kukịm.+ Nte enye osụk esede, sese, ikan̄ ke asak ke eto, edi itaha eto oro.  Ndien Moses ọdọhọ ete: “Yak n̄kam n̄waha n̄kese akwa utịben̄kpọ emi, nnyụn̄ mfiọk ntak emi ikan̄ mîtaha eto n̄kukịm oro.”+  Ke ini Jehovah okụtde ke enye amawaha edi ndise, ke ndondo oro Abasi okot enye ke ufọt eto oro ete: “Moses! Moses!” ndien enye ọbọrọ ete: “Se mi mi.”+  Ndien enye ọdọhọ ete: “Kûsan̄a ukpere ebiet emi. Sio ikpaukot fo ke ukot fo fep, koro ebiet emi afo adade edi edisana isọn̄.”+  Enye onyụn̄ ọdọhọ ete: “Ami ndi Abasi ete fo, Abasi Abraham ye Abasi Isaac ye Abasi Jacob.”+ Ndien Moses edịp iso esie, koro ndịk anamde enye ndise ata Abasi.  Jehovah onyụn̄ ọdọhọ ete: “Ke akpanikọ, mmokụt ukụt ikọt mi emi ẹdude ke Egypt, mmonyụn̄ n̄kop eseme emi mmọ ẹsemede ke ntak mbon oro ẹnyịkde mmọ ẹnam utom; koro mmetịm mfiọk ubiak mmọ.+  Mmọn̄ nsụhọde n̄ka n̄kanyan̄a mmọ nsio ke ubọk nditọ Egypt+ nnyụn̄ nda mmọ n̄wọrọ ke isọn̄ oro ndọk n̄ka isọn̄ emi ọfọnde onyụn̄ an̄wan̄ade, kpa isọn̄ emi ọfiọrọde mmọn̄eba ye aranọkwọk,+ ke mbọhọ mbon Canaan ye mme Hittite ye mme Amorite ye mme Perizzite ye mme Hivite ye mbon Jebus.+  Ndien sese! eseme nditọ Israel emesịm mi, mmonyụn̄ n̄kụt ufịk emi nditọ Egypt ẹfịkde mmọ.+ 10  Ndien ke emi di, ndọn̄ fi utom nnọ Pharaoh, man afo okosio ikọt mi, nditọ Israel, ke Egypt.”+ 11  Edi Moses ọdọhọ ata Abasi ete: “Ami ndi anie, eke ndikade ke ọtọ Pharaoh n̄kosio nditọ Israel ke Egypt?”+ 12  Ndien enye ọdọhọ ete: “Ami nyodu ye afo,+ emi onyụn̄ edi idiọn̄ọ emi nnọde fi nte ke edi ami ndọn̄ fi utom:+ Afo ama ada mbon oro ke Egypt ọwọrọ, mbufo ẹyenam n̄kpọ ẹnọ ata Abasi ke obot emi.”+ 13  Edi Moses ọdọhọ ata Abasi ete: “Nso edieke n̄kade n̄kesịm nditọ Israel nnyụn̄ ndọhọde mmọ nte, ‘Abasi mme ete ete mbufo ọdọn̄ mi utom ọnọ mbufo,’ ndien mmọ ẹdọhọ mi ẹte, ‘Enye ekere didie?’+ Ndidọhọ mmọ didie?” 14  Ndien Abasi ọdọhọ Moses ete: “AMI NYAKABADE NDI SE NDIKABAREDE NDI.”+ Enye onyụn̄ adian do ete: “Ntem ke afo edidọhọ nditọ Israel ete, ‘AMI NYAKABADE NDI ọdọn̄ mi utom ọnọ mbufo.’”+ 15  Ndien Abasi ọtọn̄ọ ntak ọdọhọ Moses ete: “Ntem ke afo edidọhọ nditọ Israel ete, ‘Jehovah Abasi mme ete ete mbufo, Abasi Abraham+ ye Abasi Isaac+ ye Abasi Jacob,+ ọdọn̄ mi utom ọnọ mbufo.’ Emi edi enyịn̄ mi ke nsinsi,+ emi onyụn̄ edi se ẹdade ẹti mi ke kpukpru emana.+ 16  Ka kosop mbiowo Israel ọtọkiet, nyụn̄ dọhọ mmọ ete, ‘Jehovah Abasi mme ete ete mbufo, Abasi Abraham ye eke Isaac ye eke Jacob okowụt mi idem,+ onyụn̄ ọdọhọ ete: “Nditreke nditịn̄ enyịn nse+ mbufo ye se ẹnamde mbufo ke Egypt. 17  Nnyụn̄ ndọhọ nte, Nyosio mbufo ke ukụt+ emi nditọ Egypt ẹnamde mbufo ẹkụt, nda n̄ka isọn̄ mbon Canaan ye mme Hittite ye mme Amorite+ ye mme Perizzite ye mme Hivite ye mbon Jebus,+ kpa isọn̄ emi ọfiọrọde mmọn̄eba ye aranọkwọk.”’+ 18  “Ndien mmọ ẹyekop uyo fo,+ ndien afo ye mbiowo Israel ẹka ke ọtọ edidem Egypt, ẹkedọhọ enye ẹte, ‘Jehovah Abasi mme Hebrew+ omosobo ye nnyịn,+ mbọk, nnyịn iyom ndinam isan̄ usen ita n̄ka wilderness, n̄kawa uwa nnọ Jehovah Abasi nnyịn.’+ 19  Ndien ami mmetịm mfiọk nte ke edidem Egypt idinyịmeke mbufo ẹka, ibọhọke ebe ke ọkpọsọn̄ ubọk.+ 20  Ndien nyanyanade ubọk mi+ nda kpukpru mme utịbe edinam mi emi ndinamde mmia Egypt ufen; ndien ekem enye ayayak mbufo ẹnyọn̄ọ.+ 21  Nyonyụn̄ nnam nditọ Egypt ẹfọn mbon emi mfọn; ndien ekem ke ini mbufo ẹdinyọn̄de, mbufo idinyọn̄ke ubọk ubọk.+ 22  Ndien n̄wan kiet kiet eyeben̄e mbọhọidụn̄ esie ye n̄wan eke odụn̄de nte esenowo ke ufọk esie mme n̄kpọ silver ye mme n̄kpọ gold ye ọfọn̄, ndien mbufo ẹyeda mmọ ẹsịne nditọiren mbufo ye nditọiban mbufo; mbufo ẹyenyụn̄ ẹbụme n̄kpọ nditọ Egypt.”+

Mme Ikọ Idakisọn̄