Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Exodus 27;1-21

27  “Ndien afo enyene ndida eto acacia nnam itieuwa, uniọn̄ esie edidi cubit ition, ubom esie onyụn̄ edi cubit ition. Nam itieuwa+ oro edi ukem ukem ke n̄kan̄ mbinan̄, onyụn̄ okon̄ ke cubit ita.  Nyụn̄ nam nnụk+ ke inụk esie mbinan̄. Mme nnụk esie ẹdiwọrọ enye ke idem, nyụn̄ da okpoho fụk enye.+  Nyụn̄ nam eso ntọn̄ ye udọk usio ntọn̄ ye usan ye fork ye n̄kpọ ufọp incense esie; nyụn̄ da okpoho nam kpukpru n̄kpoduoho esie.+  Nyụn̄ nam n̄kpọ un̄wan n̄kpọ+ nọ enye, da okpoho nam enye; nyụn̄ da okpoho nam ekara n̄kpọ inan̄ ke inụk esie mbinan̄.  Nyụn̄ sịn enye ke idak mben inua itieuwa, nyụn̄ sịn n̄kpọ un̄wan n̄kpọ oro ke ufọt ufọt itieuwa.+  Nyụn̄ da eto acacia nam nnyan eto nọ itieuwa, nyụn̄ da okpoho fụk mmọ.+  Ẹnyene ndisịn nnyan eto emi ke mme ekara n̄kpọ oro, ndien nnyan eto oro ẹnyene ndidu ke n̄kan̄ mbiba ke itieuwa emi ke ini ẹmende enye.+  Da obukpọk nam ana-in̄wan̄ ekebe. Kpa nte enye okowụtde fi ke obot oro, ntre ke edinam.+  “Nyụn̄ nam tent utuakibuot oro enyene okụre.+ Da eti linen oro ẹfiakde-fiak+ nam ọfọn̄ ikpehe eke ọniọn̄de ke cubit ikie ke n̄kan̄ kiet oro esede Negeb, ke edem usụk. 10  Nyụn̄ da okpoho nam adaha edịp ye etak edịp. Da silver nam mme ntok enyọn̄ adaha ye mme ikek mmọ.+ 11  Kpasụk ntre n̄ko ye uniọn̄ n̄kan̄ edem edere, ọfọn̄ ikpehe esie edi cubit ikie ke uniọn̄, nyụn̄ da okpoho nam adaha edịp ye etak edịp, nyụn̄ da silver nam mme ntok enyọn̄ adaha ye mme ikek mmọ.+ 12  Nam ubom okụre oro ke n̄kan̄ edem usoputịn enyene ọfọn̄ ikpehe emi edide cubit aba ye duop, adaha mmọ ẹdi duop, etak mmọ ẹnyụn̄ ẹdi duop.+ 13  Nam ubom okụre ke n̄kan̄ edem usiahautịn edi cubit aba ye duop.+ 14  Nam ọfọn̄ ikpehe n̄kan̄ kiet edi cubit efịt, adaha mmọ ẹdi ita, etak mmọ ẹnyụn̄ ẹdi ita.+ 15  Nyụn̄ nam ọfọn̄ ikpehe n̄kan̄ eken edi cubit efịt, adaha mmọ ẹdi ita, etak mmọ ẹnyụn̄ ẹdi ita.+ 16  “Nam ọfọn̄ enyịnusụn̄ inuaotop okụre ọniọn̄ ke cubit edịp, da blu blu ndidi ye idet erọn̄ emi enyenede uduot mmọn̄ibọn̄ ye ididuot ndidi ye eti linen oro ẹfiakde-fiak, kpa utom ọdọk-ọfọn̄,+ nam adaha mmọ ẹdi inan̄, etak mmọ ẹnyụn̄ ẹdi inan̄.+ 17  Nam kpukpru adaha okụre emi ẹdude ẹkanade ẹnyene n̄kpaha emi ẹdide silver ye mme ntok emi ẹdide silver, edi yak mme etak mmọ ẹdi okpoho.+ 18  Nam uniọn̄ okụre edi cubit ikie,+ ubom onyụn̄ edi cubit aba ye duop, nyụn̄ nam enye okon̄ ke cubit ition, nyụn̄ da eti linen oro ẹfiakde-fiak nam enye, da okpoho nam etak mmọ. 19  Nyụn̄ da okpoho nam kpukpru n̄kpoduoho tent utuakibuot emi ẹdade ẹnam kpukpru utom esie, ye kpukpru ọkpọhọ tent ye kpukpru ọkpọhọ okụre.+ 20  “Nyụn̄ teme nditọ Israel ete mmọ ẹda ata eti aran emi ẹnyịmide ẹsio ke olive ẹsọk fi, emi ẹdidade ẹnọ un̄wana, man ẹda ẹdomo utuenikan̄ kpukpru ini.+ 21  Ndien yak Aaron ye nditọ esie ẹnịm mmọ ke tent usopidem ke iso ikpehe+ emi odude ekpere Ntiense, ke iso Jehovah, ọtọn̄ọde ke mbubreyo tutu esịm usenubọk.+ Emi edi nsinsi ewụhọ ke ofụri emana mmọ,+ emi nditọ Israel ẹnyenede ndinịm.+

Mme Ikọ Idakisọn̄