Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Esther 7;1-10

7  Ekem edidem ye Haman+ ẹdi ndidia usọrọ ye Esther ọbọn̄ an̄wan.  Ndien ke udiana usen n̄ko, edidem ọdọhọ Esther ke ini un̄wọn̄ wine+ ete: “O Esther ọbọn̄ an̄wan, nso ke afo ekpe ubọk oyom?+ Ẹyenọ fi.+ Nso inyụn̄ idi eben̄e fo? Ẹyenam ẹnọ fi—idem ekpedi ubọn̄+ ubak edem kiet!”  Ntem Esther ọbọn̄ an̄wan ọbọrọ ete: “Edieke n̄kụtde mfọn ke iso fo, O edidem, edieke onyụn̄ ọfọnde edidem ke enyịn, n̄kpe ubọk nyom ẹnọ mi ukpọn̄+ mi nnyụn̄ mben̄e nte ẹnyan̄a orụk+ mi.  Koro ẹmenyam+ nnyịn, ami ye orụk mi, man ẹsọhi, ẹwot, ẹnyụn̄ ẹsobo nnyịn ẹfep.+ Ndien edieke ekpedide ẹkam ẹnyam nnyịn nte ikpîkpu ifịn+ iren ye ikpîkpu ifịn iban, n̄kposioroke uyo. Edi nnanenyịn emi imenke udomo ye se iditakde edidem.”  Ndien Edidem Ahasuerus obụp Esther ọbọn̄ an̄wan ete: “Owo emi edi anie,+ owo emi onyụn̄ enyenede uko+ anam utọ n̄kpọ emi odu m̀mọ̀n̄?”  Ndien Esther ọbọrọ ete: “Owo ubi+ ye asua+ oro edi idiọk Haman emi.” Ndien idem enyek+ Haman ke ntak edidem ye ọbọn̄ an̄wan.  Edi edidem ofụt+ esịt adaha ọkpọn̄ usọrọ wine odụk in̄wan̄esa ufọk ubọn̄; ndien Haman adaha ke enyọn̄ ndiben̄e ukpọn̄ esie ke ubọk Esther ọbọn̄ an̄wan,+ koro enye okụtde ke edidem+ ebiere+ ndinam imọ idiọk.  Ekem edidem oto in̄wan̄esa ufọk ubọn̄ afiak edi ufọk akamba usọrọ wine;+ ndien sese Haman ama ọduọ ana ke n̄kpana+ emi Esther etiede. Mmọdo, edidem obụp ete: “Nte onyụn̄ oyom ndidan̄ ọbọn̄ an̄wan ke n̄kanubọk, ke ini ndude ke ufọk?” Ikọ emi ndisụk n̄wọwọrọ edidem ke inua,+ mmọ ẹfụk Haman iso.  Harbona,+ kiet ke otu mme adaidaha+ ke okụre edidem, ọdọhọ ete: “Sese n̄ko eto+ emi Haman akanamde ndiyịri Mordecai, emi eketịn̄de se ifọnde aban̄a edidem,+ mmọko owụhọ ke ufọk Haman—okon̄ cubit aba ye duop.” Ntem edidem ọdọhọ ete: “Mbufo ẹyịri enye do.”+ 10  Ndien mmọ ẹyịri Haman ke eto+ oro enye akanamde ndiyịri Mordecai;+ ndien ifụtesịt edidem osụhọ.

Mme Ikọ Idakisọn̄