Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Esther 6;1-14

6  Ke okoneyo oro edidem ikemeke ndide idap.+ Ntre enye ọdọhọ ete ẹda n̄wed emi ẹwetde+ n̄kpọntịbe eyo oro ẹdi. Ndien ẹkot n̄wed oro ke iso edidem.  Ndien ẹkụt ebiet emi ẹwetde se Mordecai eketịn̄de+ aban̄a Bigthana ye Teresh, adaidaha+ iba ke okụre edidem, kpa mme ekpeme-usụn̄, emi ẹkeyomde usụn̄ ndiwot Edidem Ahasuerus.  Ndien edidem obụp ete: “Nso n̄kpọ ukpono ye akwa n̄kpọ ke ẹkenam ẹnọ Mordecai ẹban̄a emi?” Ndien mme adaidaha edidem, kpa mme asan̄autom esie, ẹbọrọ ẹte: “Owo ikanamke n̄kpọ baba kiet inọ enye.”+  Ekem edidem obụp ete: “Anie odu ke okụre?” Ndien Haman ama odụk edi okụre+ an̄wa ufọk edidem ete ididọhọ edidem eyịri Mordecai ke eto+ emi enye okowụkde eben̄e enye.  Ndien mme adaidaha edidem ẹbọrọ enye ẹte: “Sese Haman+ adade ke okụre mi.” Ntre edidem ọdọhọ ete: “Yak enye odụk edi.”  Ke ini Haman odụkde edi, edidem obụp enye ete: “Nso ke ẹkpenam ẹnọ owo emi edidem amade ndikpono?”+ Ndien Haman ekere ke esịt esie ete: “Anie ke edidem ama ndikpono akan mi?”+  Ntre Haman ọbọrọ edidem ete: “Amaedi owo emi edidem amade ndikpono,  yak ẹda ọfọn̄ ubọn̄+ emi edidem esisịnede ye enan̄-mbakara emi edidem esiwatde,+ emi onyụn̄ ayarade anyanya ubọn̄ ke ibuot.  Yak ẹnyụn̄ ẹda ọfọn̄ emi ye enan̄-mbakara emi ẹsịn owo kiet ke otu ikpọ mbọn̄ edidem ke ubọk;+ ndien yak mmọ ẹsịne owo emi edidem amade ndikpono ọfọn̄ emi, ndien yak mmọ ẹnam enye awat ke enan̄-mbakara oro asan̄a ke an̄wa obio,+ yak mmọ ẹnyụn̄ ẹdu enye ke iso ẹfiori ẹte, ‘Ntem ke ẹnam ye owo emi edidem amade ndikpono.’”+ 10  Kpa idaha oro, edidem ọdọhọ Haman ete: “Wara da ọfọn̄ oro ye enan̄-mbakara, kpa nte afo ọdọhọde, nyụn̄ nam kpa ntre ye Mordecai, eyen Jew, emi etiede ke inuaotop edidem. Kûtre ndinam ndomo n̄kpọ kiet ke otu kpukpru se afo etịn̄de.”+ 11  Ndien Haman ada ọfọn̄+ oro esịne Mordecai+ onyụn̄ anam enye awat ke enan̄-mbakara asan̄a ke an̄wa obio+ onyụn̄ odu enye ke iso ofiori ete:+ “Ntem ke ẹnam ye owo emi edidem amade ndikpono.”+ 12  Ekem Mordecai afiak ke inuaotop+ edidem. Edi Haman awara ọnyọn̄ ufọk esie, ofụhọ onyụn̄ ada ọfọn̄ ofụk ibuot esie.+ 13  Ndien Haman emen kpukpru se ikọwọrọde enye obụk ọnọ Zeresh+ n̄wan esie ye kpukpru mme ufan esie. Ntem mbon ọniọn̄+ esie ye Zeresh n̄wan esie ẹdọhọ enye ẹte: “Edieke Mordecai, emi afo ọtọn̄ọde ndiduọ ke iso esie mi, edide mfri mme Jew, afo udukemke ubọk ye enye, udunyụn̄ utreke ndiduọ.”+ 14  Ke adan̄aemi mmọ ẹsụk ẹtịn̄de ikọ ye enye, mme adaidaha ke okụre edidem ẹdi ẹdisịm ẹnyụn̄ ẹwara+ ẹda Haman ẹdaha ndia+ emi Esther akanamde.

Mme Ikọ Idakisọn̄