Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Esther 3;1-15

3  Ke mme n̄kpọ emi ẹma ẹkebe, Edidem Ahasuerus okpono Haman+ eyen Hammedatha Agagite,+ ndien emenede+ enye itie onyụn̄ anam ebekpo esie okon̄ akan eke kpukpru mbọn̄ eken emi ẹdude ye enye.+  Ndien kpukpru mme asan̄autom edidem emi ẹdude ke inuaotop+ edidem ẹsinụhọ ẹnyụn̄ ẹduọ ke isọn̄ ẹnọ Haman, koro ntem ke edidem okowụk ete ẹnam ye enye. Edi Mordecai inụhọke inyụn̄ iduọhọ ke isọn̄.+  Ndien mme asan̄autom edidem emi ẹdude ke inuaotop edidem ẹdọhọ Mordecai ẹte: “Nso inam afo abiatde ewụhọ edidem?”+  Edikem ke adan̄aemi mmọ ẹdọhọde enye ntem kpukpru usen, enye mînyụn̄ ikopke uyo mmọ, mmọ ndien ẹketịn̄ ẹnọ Haman man ẹse nte ikọ Mordecai ediwọrọde;+ koro enye akasiande mmọ ete ke imọ idi eyen Jew.+  Ekem ke ini Haman okụtde ke Mordecai inụhọke inyụn̄ iduọhọ ke isọn̄ inọ imọ,+ esịt ofụt+ Haman.  Edi enye abat ke ekpri akaha ndinyan ubọk ntụk Mordecai ikpọn̄, koro mmọ ẹketịn̄de ẹnọ enye ẹban̄a orụk Mordecai; ndien Haman oyom usụn̄ ndisobo+ kpukpru mme Jew emi ẹkedude ke ofụri ikpehe obio ukara Ahasuerus, kpa orụk+ Mordecai.  Ke akpa ọfiọn̄,+ oro edi, ke ọfiọn̄ Nisan, ke ọyọhọ isua+ duopeba emi Edidem Ahasuerus akarade, owo esịn Pur,+ oro edi, Afia,+ ke iso Haman, ke usen ke usen ye ke ọfiọn̄ ke ọfiọn̄, tutu esịm ọyọhọ ọfiọn̄ duopeba, oro edi, ọfiọn̄ Adar.+  Ekem Haman ọdọhọ Edidem Ahasuerus ete: “Odu mme owo emi ẹsuanade+ ẹyọhọ ẹnyụn̄ ẹbaharede ẹda ke otu mme owo emi ẹdude ke ofụri ikpehe obio ukara fo;+ ndien mme ibet mmọ ẹdi isio ye eke kpukpru owo eken, mmọ inyụn̄ inamke+ mme ibet edidem, ntre ifọnke edidem asana mmọ ayak.  Edieke ọfọnde edidem ke enyịn, yak ẹwet ẹte ẹsobo mmọ ẹfep; ndien nyodomo silver talent tọsịn+ duop nsịn ke ubọk mme anamutom+ man ẹda ẹsịn ke itie unịm inyene edidem.” 10  Ntem edidem osio n̄kpanuen+ ufịk idiọn̄ọ ke ubọk esie, ọnọ Haman+ eyen Hammedatha Agagite,+ emi asuade mme Jew.+ 11  Ndien edidem ọdọhọ Haman ete: “Ẹnọ fi silver+ oro ye mbon oro n̄ko man anam ye mmọ nte ọfọnde fi ke enyịn.”+ 12  Ndien ẹkot mme ewetn̄wed+ edidem ẹdi ke akpa ọfiọn̄ ke ọyọhọ usen duopeta, ẹnyụn̄ ẹwet+ kpukpru se Haman eketemede mme satrap edidem ye mme andikara emi ẹkarade nsio nsio ikpehe obio ukara+ ye mbọn̄ nsio nsio idụt, eke ikpehe obio ukara kiet kiet, ke ido uwetn̄kpọ+ mmọ, ye idụt kiet kiet ke usem mmọ; ẹwet enye ke enyịn̄+ Edidem Ahasuerus ẹnyụn̄ ẹda n̄kpanuen edidem ẹfịk idiọn̄ọ.+ 13  Ndien mmọ ẹda mme leta emi ẹsịn mme ọnọ-etop+ ke ubọk ẹte ẹda ẹka kpukpru ikpehe obio ukara edidem, ẹte ẹsọhi, ẹwot, ẹnyụn̄ ẹsobo kpukpru mme Jew, n̄kparawa ye n̄kani iren, nditọwọn̄ ye iban, ke usen kiet,+ ke ọyọhọ usen duopeta ke ọyọhọ ọfiọn̄ duopeba, oro edi, ọfiọn̄ Adar,+ ẹnyụn̄ ẹbụme inyene mmọ.+ 14  Ndien ẹmen se ẹwetde ke n̄wed emi ẹnam edi ibet+ ke kpukpru ikpehe obio ukara+ ẹnyụn̄ ẹtan̄a ẹnọ kpukpru obio, ẹte mmọ ẹben̄e idem ẹbet usen oro. 15  Mme ọnọ-etop ẹwọn̄ọ, koro uyo edidem esịnde mmọ ẹsọp ukot,+ ẹnyụn̄ ẹtan̄a ibet emi ke akwa ufọk ubọn̄ Shushan.+ Edi edidem ye Haman ẹsụhọde ẹtetie ẹn̄wọn̄ n̄kpọ;+ edi obio Shushan+ odu ke ndutịme.+

Mme Ikọ Idakisọn̄