Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Eseme 5;1-22

5  O Jehovah, ti se itịbede inọ nnyịn.+ Se nyụn̄ kụt esuene nnyịn.+   Ẹmeyak udeme inyene nnyịn ẹnọ isenowo, ẹyak mme ufọk nnyịn ẹnọ mbon esenidụt.+   Nnyịn imakabade idi nditọakpa emi mînyeneke ete.+ Mme eka nnyịn ẹtie nte mme ebeakpa.+   Nnyịn idedep mmọn̄ nnyịn ke okụk in̄wọn̄.+ Idep ifia nnyịn ke ekọmurua.   Ẹmebịne nnyịn ẹkpere ndimụm nnyịn itọn̄.+ Nnyịn imakpa mba. Nnyịn inyeneke nduọkodudu.+   Nnyịn imayak ubọk+ inọ Egypt;+ imayak inọ Assyria,+ man uyo oyụhọ nnyịn.   Edi mme ete ete nnyịn ẹkenam idiọkn̄kpọ.+ Mmọ idụhe aba. Edi nnyịn imemen mme ndudue mmọ ibiom.+   Ifịn ẹmekara nnyịn.+ Idụhe owo eke awabarede nnyịn osio mmọ ke ubọk.+   Nnyịn imesịn ukpọn̄ nnyịn ke itiendịk, ke ntak akan̄kan̄ wilderness, man ida uyo nnyịn idi.+ 10  Ikpaidem nnyịn ofiop nte akwa ikan̄, ke ntak ọkpọsọn̄ ọbiọn̄.+ 11  Mmọ ẹsabade ibanndọ ke Zion+ ye nditọiban emi mîfiọkke erenowo ke mme obio Judah. 12  Ẹmebọp mbọn̄ ubọk kiet ẹyịre ke enyọn̄.+ Owo inyụn̄ ikponoke n̄kani iren iso.+ 13  N̄kparawa ẹmenede itiat ukọkn̄kpọ,+ n̄kpri nditọiren ẹnyụn̄ ẹtuak ukot ẹduọn̄ọ ye ifia.+ 14  N̄kani iren idụhe aba ke inuaotop,+ n̄kparawa ẹmetre ndibre ikwọ n̄kukwak.+ 15  Idatesịt nnyịn emetre. Ẹmenam unek nnyịn akabade mfụhọ.+ 16  Anyanya ibuot nnyịn ọmọduọ.+ Mbọm nnyịn ke emi, koro nnyịn imanam idiọkn̄kpọ!+ 17  Ke ntak emi esịt nnyịn ọmọdọn̄ọ.+ Ke ntak mme n̄kpọ emi enyịn nnyịn ẹkịm,+ 18  Ke ntak obot Zion emi anade ndon;+ mme ebuaikọt ẹmesan̄a ke esịt.+ 19  Edi afo O Jehovah eyetie ke ebekpo ke nsinsi.+ Ebekpo fo odu ke ofụri emana.+ 20  Ntak emi afo efrede nnyịn ke nsinsi,+ onyụn̄ ọkpọn̄de nnyịn ke anyan ini?+ 21  O Jehovah, fiak da nnyịn+ nọ idemfo, nnyịn idibiatke ini ndifiak ndi. Da mbufa usen sọk nnyịn nte ekedide ke eyo oko.+ 22  Nte ededi, afo emesịn nnyịn ofụri ofụri.+ Afo amayat esịt ata etieti ye nnyịn.+

Mme Ikọ Idakisọn̄