Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Eseme 4;1-22

א [ʼAleph] 4  Kamse nte gold emi esemde, ata eti gold,+ akabarede ebre!Kamse nte ẹn̄wan̄ade ndisana itiat+ ẹduọk ke ibuot kpukpru efak!+ ב [Behth]   Amaedi ndiye nditọiren Zion,+ emi ẹmende ẹdomo ye gold emi ẹdụhọrede,Kamse nte ẹdade mmọ nte ikpọ aban̄ mbat, kpa utom ubọk oboteso!+ ג [Gimel]   Idem mme Jackal ẹnọ eba. Mmọ ẹmenọ nditọ mmọ eba.Adiaha ikọt mi amakabade abak ibak,+ nte mme ostrich wilderness.+ ד [Daleth]   Edeme eyen eke awapde eba ọsọn̄ọ adiana ke nsịn̄ ke ntak nsatitọn̄.+Nditọwọn̄ ẹyom uyo.+ Edi idụhe owo eke ọnọde mmọ.+ ה [Heʼ]   Mmọ oro ẹkesidiade ndinem udia ẹmekop n̄kpaidem ke mme efak.+Mmọ oro ẹkebọkde ke ididuot+ ẹmefat ifụm ntọn̄.+ ו [Waw]   Ufen ndudue eyenan̄wan ikọt mi omokpon n̄ko akan ufen idiọkn̄kpọ Sodom,+Emi ẹkesobode ke idaha kiet, ndien ubọk eke anyan̄ade idụhe.+ ז [Zayin]   Mme Nazirite+ esie ẹma ẹsana ẹkan snow;+ mmọ ẹma ẹfia ẹkan mmọn̄eba.Ke akpanikọ, mmọ ẹma ẹyịbe+ ẹkan eme; ẹketụk mmọ ẹsem nte sapphire.+ ח [Chehth]   Mmọ ẹbre ẹkan ubịt. Owo idiọn̄ọke mmọ aba ke mme efak.+Ikpaidem mmọ ẹfịmi ẹdiana mmọ ke ọkpọ.+ Enye amakabade asat nte eto. ט [Tehth]   Ọfọn ye mmọ eke akan̄kan̄+ owotde akan mmọ eke akan̄ owotde,+Koro mmọ ẹkpade mba ke ntak unana mbun̄wụm in̄wan̄ nte n̄kpọ eke ẹkịmde-kịm mmọ. י [Yohdh] 10  Ubọk iban oro ẹnyenede esịtmbọm ẹtem nditọ mmọ.+Mmọ ẹmekabade ẹtie nte uyo ndọn̄esịt ẹnọ owo ke ini n̄wụre eyenan̄wan ikọt mi.+ כ [Kaph] 11  Jehovah omowụt ifụtesịt esie.+ Enye aman̄wan̄a ikan̄-ikan̄ iyatesịt esie ọduọk.+Ndien enye ekịm ikan̄ ke Zion, emi atade itiat idakisọn̄ esie.+ ל [Lamedh] 12  Ndidem isọn̄ ye kpukpru mme andidụn̄ isọn̄ ikenịmke ke akpanikọ+Ite ke andibiọn̄ọ ye asua ẹyedụk ẹdi inuaotop Jerusalem.+ מ [Mem] 13  Ke ntak mme idiọkn̄kpọ mme prọfet esie, ye ndudue mme oku esie,+Mbon oro ẹkeduọkde iyịp ndinen owo ẹma ẹdu ke esịt esie.+ נ [Nun] 14  Mmọ ẹmeyo nte nnan+ ke mme efak.+ Iyịp amanam mmọ ẹdehe,+Tutu baba owo kiet ikemeke nditụk ọfọn̄idem mmọ.+ ס [Samekh] 15  Mmọ ẹdọhọ mmọ ke ọkpọsọn̄ uyo ẹte: “Ẹdaha ke usụn̄! Mbufo emi ẹdehede!+ Ẹdaha ke usụn̄! Ẹdaha ke usụn̄! Ẹkûtụk nnyịn!”+Koro mmọ mînyeneke ebietidụn̄.+ Mmọ ẹmeyo n̄ko.+ Mme owo ẹdọhọ ke otu mme idụt ẹte: “Mmọ ididụn̄ke aba nte isenowo.+ פ [Peʼ] 16  Iso Jehovah amabahade mmọ.+ Enye iditọn̄ọke aba ntak ise mmọ.+Mme owo idikam ikereke iban̄a mme oku.+ Mmọ idinyụn̄ ituaha n̄kani iren mbọm.”+ ע [ʽAyin] 17  Ke adan̄aemi nnyịn isụk idude, enyịn ekịm nnyịn ke ikpîkpu ke ntak un̄wam oro iyomde.+Ke ini isede ikanade, nnyịn idori enyịn ke idụt oro mîkemeke ndida edinyan̄a ndi.+ צ [Tsadheh] 18  Mmọ ẹmeyom ebiet oro isịnde ikpat+ tutu owo isan̄ake aba ke mme an̄wa obio nnyịn.Utịt nnyịn emekpere. Mme usen nnyịn ẹmekem, koro utịt nnyịn emedi.+ ק [Qohph] 19  Mme andibịne nnyịn ẹsọp itọk ẹkan ntrukpom ke ikpaenyọn̄.+Mmọ ẹmebịne nnyịn ekọn̄ ekọn̄ ẹdọk mme obot.+ Mmọ ẹmedịbe ẹbet nnyịn ke wilderness.+ ר [Rehsh] 20  Ẹmemụm ibifịk ibuo+ nnyịn, enye oro Jehovah eyetde aran,+ ke akamba obube mmọ,+Enye emi nnyịn idọhọde iban̄a ite: “Nnyịn iyodụn̄ ke mfụt+ esie ke otu mme idụt.”+ ש [Sin] 21  Dara nyụn̄ dat esịt,+ O eyenan̄wan Edom,+ afo emi odụn̄de ke isọn̄ Uz.+Cup eyebe fi n̄ko.+ Afo ayakpa mmịn onyụn̄ asan̄a iferi.+ ת [Taw] 22  O eyenan̄wan Zion, ndudue fo omokụre.+ Enye idimenke fi aba ika ntan̄mfep.+O eyenan̄wan Edom, enye ọmọwọn̄ọde enyịn esie ese ndudue fo. Enye amayarade mme idiọkn̄kpọ fo.+

Mme Ikọ Idakisọn̄