Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Eseme 3;1-66

א [ʼAleph] 3  Ami ndi owo emi okụtde ukụt+ ke ntak esan̄ ifụtesịt esie.   Enye ada mi usụn̄ onyụn̄ anam nsan̄a ke ekịm, n̄kûsan̄a ke un̄wana.+   Ke akpanikọ, enye ọwọn̄ọde ubọk esie ndien ndien odori mi ofụri usen.+ ב [Behth]   Enye amanam obụkidem mi ye ikpaidem mi ẹyemede.+ Enye omobụn̄ mme ọkpọ mi.+   Enye ọmọbọp ọkọ abaha mi, man ada eto ibọkn̄kpa+ ye ukụt akan mi okụk.+   Enye amanam mi nsụhọde ntie ke n̄kịmn̄kịm ebiet+ nte mme owo oro ẹma ẹkekpan̄a ke anyan ini.+ ג [Gimel]   Enye omokụk mi esịn nte n̄kpọ eke adade ibibene itiat, mbak ndiwọrọ.+ Enye amanam ebuka okpoho+ mi odobi.   N̄ko, ke ini nsemede nnyụn̄ ntuade nyom un̄wam, enye ọbiọn̄ọ akam mi.+   Enye amada itiat eke ẹsọide esịri mme usụn̄ mi.+ Enye amanam mme ọkpọusụn̄ mi ẹkwan̄a.+ ד [Daleth] 10  Enye etie ye ami nte bear eke edịbede ebet,+ ye nte ekpe ke ebiet udịbe.+ 11  Enye emetịmede mme usụn̄ mi, onyụn̄ anam mi nna ndon. Enye amanam mi ntie nte owo emi ẹkpọn̄de.+ 12  Enye ọmọkọk utịgha+ esie, onyụn̄ eket idan̄ ese mi.+ ה [Heʼ] 13  Enye amanam nditọ odịp-idan̄ esie ẹdụk mi ekpụt.+ 14  Mmakabade ndi n̄kpọ nsahi+ nnọ kpukpru owo eke ẹsuade mi, nnyụn̄ ndi ikwọ mmọ ofụri usen.+ 15  Enye ọmọnọ mi ndotndot n̄kpọ ẹwak ẹkem.+ Enye ọmọnọ mi etidot n̄n̄wọn̄ nyụhọ.+ ו [Waw] 16  Enye onyụn̄ anam n̄kwaitiat obụn̄ mi edet.+ Enye anam mi n̄n̄wịne ke ntọn̄ ke ntak ndịk.+ 17  Afo n̄ko ememen mi ọduọk mbak ukpọn̄ mi edinyene emem. Mmefre se idide eti n̄kpọ.+ 18  Ndien ndọhọ nte: “Ubọn̄ mi amatak, idotenyịn mi ke Jehovah omonyụn̄ atak.”+ ז [Zayin] 19  Ti ukụt mi ye nte mmenyeneke ebietidụn̄,+ ti etidot ye eto ibọkn̄kpa.+ 20  Ukpọn̄ fo iditreke nditi nnyụn̄ nnụhọ mfụk mi.+ 21  Emi ke nditi ke esịt mi.+ Ntak edi oro ndinyenede edu editie mbet.+ ח [Chehth] 22  Edi mme edinam ima-mfọnido+ Jehovah ẹnam nnyịn ikûkpan̄a ima,+ koro mbọm esie mîdikụreke.+ 23  Mmọ ẹdi mbufa kpukpru usenubọk.+ Akpanikọ fo ẹmewak.+ 24  Ukpọn̄ mi ọdọhọ ete, “Jehovah edi udeme mi,+ oro edi ntak ndinyenede edu editie mbet enye.”+ ט [Tehth] 25  Jehovah ọfọn ye owo eke odoride enyịn ke enye,+ onyụn̄ ọfọn ye ukpọn̄ eke oyomde enye.+ 26  Ọfọn owo ndidop uyo+ ntie mbet+ edinyan̄a Jehovah.+ 27  Ọfọn owo ndibiom ọkpọnọ ke uyen esie.+ י [Yohdh] 28  Yak enye etie ikpọn̄ onyụn̄ odop uyo,+ koro enye emende n̄kpọ odori enye ke idem.+ 29  Yak enye otụk inua esie ke ntọn̄.+ M̀mê oyoto do idotenyịn odu.+ 30  Yak enye ọwọn̄ọde mfụk esie ọnọ owo eke eyịbide enye.+ Yak enye ọbọ esuene oyụhọ enye.+ כ [Kaph] 31  Koro Jehovah idimenke nnyịn iduọk ke nsinsi.+ 32  Koro okposụkedi enye anamde mfụhọ odu,+ enye n̄ko iditreke nditua mbọm nte ekemde ye uwak ima-mfọnido esie.+ 33  Koro idịghe uduak esịt esie nditụhọde m̀mê ndinam nditọ owo ẹfụhọ.+ ל [Lamedh] 34  Ndinuak kpukpru mbon n̄kpọkọbi isọn̄+ ke idak ikpat esie,+ 35  Ndiwọn̄ọde ubiereikpe owo mfep ke iso Ata Edikon̄,+ 36  Koro Jehovah imaha ẹkwan̄a ikpe owo.+ מ [Mem] 37  Anie ndien ọdọhọ n̄kpọ etịbe ke ini Jehovah mîwụkke?+ 38  Ndiọi n̄kpọ ye nti n̄kpọ isiwọrọke ke inua Ata Edikon̄.+ 39  Ntak emi odu-uwem owo ekpesemede eseme,+ okponyụn̄ okụnide aban̄a idiọkn̄kpọ esie?+ נ [Nun] 40  Ẹyak nnyịn iyom mme usụn̄ nnyịn inyụn̄ idụn̄ọde mmọ,+ ẹnyụn̄ ẹyak nnyịn ifiak itiene Jehovah.+ 41  Ẹyak nnyịn imenede esịt ye ekaubọk nnyịn inọ Abasi ke heaven:+ 42  “Nnyịn imabiat ibet, inyụn̄ isọn̄ ibuot.+ Afo unyụn̄ ufenke.+ ס [Samekh] 43  Afo amada iyatesịt ọbiọn̄ọ nnyịn ndisan̄a n̄kpere fi,+ onyụn̄ ebịne nnyịn.+ Afo omowot; unyụn̄ utuaha mbọm.+ 44  Afo amada obubịt enyọn̄ ofụk idem mbak nnyịn idisan̄a ikpere fi,+ mbak akam edibe esịm fi.+ 45  Afo amanam nnyịn idi ndek ye mbio ke otu mme owo.”+ פ [Peʼ] 46  Kpukpru mme asua nnyịn ẹtat inua mmọ ẹban̄a nnyịn.+ 47  Ndịk ye ukpe ẹmekabade ẹdi eke nnyịn,+ ọkọrọ ye nsobo ye n̄wụre.+ 48  Mmọn̄ ewet nte idịm osụhọde mi ke enyịn ke ntak n̄wụre eyenan̄wan ikọt mi.+ ע [ʽAyin] 49  Mmọn̄eyet ọwọrọ mi ke enyịn, inyụn̄ isatke,+ 50  Tutu Jehovah etie ke heaven osụk iso ese onyụn̄ okụt.+ 51  Enyịn mi ọsọn̄ ido ye ukpọn̄ mi,+ ke ntak kpukpru nditọiban obio mi.+ צ [Tsadheh] 52  Mme asua mi ẹyịre ẹbịne mi nte owo ebịne inuen,+ ke unana ntak.+ 53  Mmọ ẹmesobo uwem mi ke obube,+ ẹnyụn̄ ẹtọn̄ọ mi ke itiat. 54  Mmọn̄ ọmọtọ ofụk mi ibuot.+ Ndọhọ nte: “Ẹyesịbe mi ẹfep!”+ ק [Qohph] 55  O Jehovah nsịne ke ata editụn̄ọ obube nseme n̄kot enyịn̄ fo.+ 56  Kop uyo mi.+ Kûmen utọn̄ fo ufep utre ndin̄wam mi kûnyụn̄ utre ndikop eseme oro nsemede nyom un̄wam.+ 57  Afo ama asan̄a ekpere ke usen oro n̄kokotde fi.+ Afo ọdọhọ ete: “Kûfehe ndịk.”+ ר [Rehsh] 58  O Jehovah, afo ọmọbọ en̄wan ukpọn̄ mi an̄wana.+ Afo amafak uwem mi.+ 59  O Jehovah, afo omokụt idiọk oro ẹnamde mi.+ Mbọk kpe ikpe mi.+ 60  Afo omokụt kpukpru usiene oro mmọ ẹsiode mi, ye kpukpru se mmọ ẹkerede ẹban̄a mi.+ ש [Sin] m̀mê [Shin] 61  O Jehovah, afo omokop esuene oro mmọ ẹsuenede mi, ye kpukpru se mmọ ẹkerede ẹban̄a mi,+ 62  N̄kpọkinua mbon oro ẹdahade ẹda ẹn̄wana ye ami+ ye odu oro mmọ ẹdụkde ẹban̄a mi ofụri usen.+ 63  Se nte mmọ ẹsụhọrede ẹtie ye nte mmọ ẹdahade ẹda.+ Ami ndidi ikwọ mmọ.+ ת [Taw] 64  O Jehovah, afo ọyọtọn̄ọ ntak anam ye mmọ nte ekemde ye utom ubọk mmọ.+ 65  Afo ọyọnọ mmọ esịt emiom,+ kpa isụn̄i fo.+ 66  Afo eyebịne mmọ ke iyatesịt onyụn̄ osobo mmọ efep+ ke idak ikpaenyọn̄ Jehovah.+

Mme Ikọ Idakisọn̄