Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Eseme 2;1-22

א [ʼAleph] 2  Kamse nte Jehovah ayatde esịt ada obubịt enyọn̄ ofụk eyenan̄wan Zion!+ Enye omosio uyai Israel+ ke heaven ọduọk ke isọn̄.+ Enye inyụn̄ itịghi udoriukot+ esie ke usen iyatesịt esie. ב [Behth]   Jehovah ememen mme ebietidụn̄+ Jacob emen, inyụn̄ ituaha mmọ mbọm. Enye omowụri mme ebiet ukpeme+ eyenan̄wan Judah ke ifụtesịt esie. Enye amanam obio ubọn̄ ye mbọn̄ esie ẹsụhọde ẹsịm isọn̄, onyụn̄ asabade mmọ.+ ג [Gimel]   Enye emesịbe kpukpru nnụk Israel efep ke ọkpọsọn̄ iyatesịt esie.+ Enye ememen ubọk nnasia esie efep ke iso asua;+ Onyụn̄ asak ke Jacob nte edemeikan̄ eke atade kpukpru n̄kpọ akan okụk.+ ד [Daleth]   Enye ọmọkọk utịgha esie nte asua.+ Ubọk nnasia esie+ odu ke itie esie Nte asua,+ enye onyụn̄ owot kpukpru mbon emi ẹyede owo ke enyịn.+ Enye aman̄wan̄a ifụtesịt esie ofụk tent+ eyenan̄wan Zion nte ikan̄.+ ה [Heʼ]   Jehovah amakabade etie nte asua.+ Enye ememen Israel emen.+ Enye ememen kpukpru tọwa ufọkidụn̄ esie emen;+ enye omowụri mme ebiet ukpeme esie.+ Enye oyonyụn̄ anam mfụhọ ye eseme eyenan̄wan Judah ẹwak.+ ו [Waw]   Enye onyụn̄ anam n̄kpọ afai afai ye ataya+ esie nte enye emi odude ke in̄wan̄.+ Enye amabiat usọrọ esie. Jehovah amanam ẹfre usọrọ+ ye sabbath ke Zion, Ke ikan̄-ikan̄ iyatesịt esie enye ikponoke edidem ye oku.+ ז [Zayin]   Jehovah omotop itieuwa esie ọduọk.+ Enye ese edisana ebiet esie ke ndek.+ Enye amayak mme ibibene tọwa ufọkidụn̄ esie esịn asua ke ubọk.+ Mmọ ẹmemenede uyo mmọ ke ufọk Jehovah, kpa nte ke usen usọrọ.+ ח [Chehth]   Jehovah amaduak ndiwụri ibibene+ eyenan̄wan Zion. Enye emeyịri urụk udomon̄kpọ.+ Enye iwọn̄ọkede ubọk esie itre ndisobo.+ Enye amanam ọkọ ukpeme ye ibibene ẹfụhọ.+ Mmọ ẹmeduọn̄ọ. ט [Tehth]   Mme inuaotop+ esie ẹtịghede ẹdụk esịt isọn̄. Enye amabiat onyụn̄ obụn̄ eto usịnusụn̄ esie mbio mbio. Edidem esie ye mbọn̄ esie ẹdu ke otu mme idụt.+ Ibet ndomokiet idụhe.+ Mme prọfet esie inyụn̄ ikwe n̄kukụt eke otode Jehovah.+ י [Yohdh] 10  Mbiowo eyenan̄wan Zion ẹsụhọde ẹtie ke isọn̄, mmọ isioroke uyo.+ Mmọ ẹwobi ntọn̄ ẹduọk ke ibuot mmọ.+ Mmọ ẹsịne ọfọn̄ ntuan̄a.+ Nditọiban* Jerusalem ẹtụk ibuot mmọ ke isọn̄.+ כ [Kaph] 11  Mmọn̄eyet ekịm mi enyịn.+ Nsia oyomo mi.+ Ẹn̄wan̄a esịt mi ẹduọk ke isọn̄,+ ke ntak iduọ eyenan̄wan ikọt mi,+ Ke ntak emi eyenọwọn̄ ye eyen eke awapde eba ẹkpade mba ke an̄wa obio.+ ל [Lamedh] 12  Mmọ ẹbụp eka mmọ ẹte: “Wheat* ye wine ẹdu m̀mọ̀n̄?”+ Ke ntak emi mmọ ẹkpade mba nte owo emi ẹwotde ke an̄wa obio, Ke ntak emi mmọ ẹkpan̄ade* ke ikpanesịt mme eka mmọ. מ [Mem] 13  Nso ke n̄keme ndida nnọ fi uwụtn̄kpọ? O eyenan̄wan Jerusalem, ndida fi ndomo ye nso?+ O eyenan̄wan* Zion, ndida nso nnam edi ukem ye afo, man ndọn̄ fi esịt?+ Koro n̄wụre+ fo okponde nte inyan̄. Anie ekeme ndikọk fi?+ נ [Nun] 14  Mme prọfet fo ẹkụt ikpîkpu n̄kukụt emi mîwọrọke n̄kpọ, ẹnọ fi,+ Mmọ inyụn̄ iyarakede ndudue fo man ẹkpan fi ndika ntan̄mfep,+ Edi mmọ ẹkụt n̄kukụt ẹnọ fi emi etop esie edide ikpîkpu onyụn̄ otụnde owo usụn̄.+ ס [Samekh] 15  Kpukpru mbon oro ẹsan̄ade ke usụn̄ ẹbe ẹmia ubọk ẹban̄a fi.+ Mmọ ẹfri inụk+ ẹnyụn̄ ẹfụn̄ ibuot+ ẹban̄a eyenan̄wan Jerusalem, ẹte: “Nte emi edi obio oro mmọ ẹkesidọhọde ẹte, ‘Enye eye anana ndo, onyụn̄ edi idara ofụri isọn̄’?”+ פ [Peʼ] 16  Kpukpru mme asua fo ẹmetat inua mmọ ẹban̄a fi.+ Mmọ ẹfri inụk ẹnyụn̄ ẹta edet.+ Mmọ ẹdọhọ ẹte: “Nnyịn iyemen enye imen.+ Ke akpanikọ, emi edi usen oro nnyịn ikodoride enyịn iban̄a.+ Nnyịn imedisịm! Nnyịn imokụt!”+ ע [ʽAyin] 17  Jehovah amanam se enye akaduakde.+ Enye amanam se enye ọkọdọhọde,+ Se enye okowụkde toto ke eyo oko.+ Enye omowụri inyụn̄ ituaha mbọm.+ Ndien enye anam asua adat esịt aban̄a fi.+ Onyụn̄ anam nnụk mme asua fo okon̄.+ צ [Tsadheh] 18  Esịt mmọ ofiori okot Jehovah,+ O ibibene eyenan̄wan Zion.+ Nam mmọn̄eyet ewet osụhọde nte idịm uwemeyo ye okoneyo.+ Kûnam ubịghi. Kûyak eyen enyịn fo odop. ק [Qohph] 19  Daha ke enyọn̄! Tua ke okoneyo ke ntọn̄ọ ini ukpeme usenubọk.+ N̄wan̄a esịt+ fo duọk ke iso+ Jehovah nte mmọn̄. Menede ekaubọk+ fo ke enyọn̄ nọ enye ke ntak ukpọn̄ nditọ fo, Emi ẹkpade mba ke ntak akan̄ ke ibuot kpukpru efak.+ ר [Rehsh] 20  O Jehovah, se nyụn̄ kụt+ owo emi afo ọsọn̄de ido ntem ye enye. Nte iban ẹdika iso ẹta mfri idịbi mmọ, kpa nditọ oro ẹmanade ye nsọn̄idem,+ Mîdịghe nte ẹkpewot oku ye prọfet ke edisana ebiet Jehovah?+ ש [Shin] 21  Eyenọwọn̄ ye akani eren+ ẹmesụhọde ẹna ke ntan ke mme efak.+ Nditọiban emi mîfiọkke erenowo ye n̄kparawa iren ẹmeduọn̄ọ ke akan̄kan̄.+ Afo omowot mmọ ke usen iyatesịt fo.+ Afo omowot;+ unyụn̄ utuaha mbọm.+ ת [Taw] 22  Afo omokot mme ebiet mi emi isenowo ẹdụn̄de ẹkan ẹkụk, kpa nte ẹsikotde ke usen usọrọ.+ Ndien idụhe owo eke efehede m̀mê eke ọbọhọde ke usen iyatesịt Jehovah;+ Asua mi owot mbon oro n̄kamande ye nsọn̄idem nnyụn̄ mbọkde.+

Mme Ikọ Idakisọn̄

At. Ed., “nditọiban emi mîfiọkke erenowo.”
Mîdịghe, emi ekeme ndidi “barley.”
At. Ed., “ẹn̄wan̄ade ukpọn̄ mmọ ẹduọk.”
At. Ed., “eyenan̄wan emi mîfiọkke erenowo.”