Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Eseme 1;1-22

א [ʼAleph] 1  O se nte obio emi akawakde owo+ akabarede etie ndobo ndobo!+ Se nte enye emi akawakde owo ke otu mme idụt+ akabarede etie nte ebeakpa!+ Se nte enye emi ekedide ọbọn̄ an̄wan ke ikpehe obio ukara akabarede edi enye emi ẹnyịkde anam ọkpọsọn̄ utom!+ ב [Behth]   Enye atua eyet etieti ke okoneyo,+ mmọn̄eyet esie odu enye ke mfụk.+ Idụhe owo eke ọdọn̄de enye esịt ke otu kpukpru mbon ima esie.+ Kpukpru nsan̄a esie ẹmebian̄a enye.+ Mmọ ẹmekabade ẹdi mme asua esie.+ ג [Gimel]   Judah amaka ntan̄mfep ke ntak ukụt+ ye ọkpọsọn̄ ufụn.+ Enye ekenyene ndidụn̄ ke otu mme idụt.+ Enye inyụn̄ inyeneke ebiet nduọkodudu. Kpukpru mbon oro ẹkekọbọde enye ẹmesịm enye ke itie nnanenyịn.+ ד [Daleth]   Mme usụn̄ Zion ke ẹfụhọ, koro baba owo kiet idụhe eke edide usọrọ.+ Kpukpru mme inuaotop esie ẹmewụre;+ mme oku esie ke ẹseme.+ Nditọiban esie emi mîfiọkke erenowo ẹmefụhọ, ndien enye odu ke ọkpọsọn̄ ubiak.+ ה [Heʼ]   Mme asua esie ẹmekabade ẹdi ibuot.+ Mbon oro ẹsuade enye idọn̄ke enyịn.+ Koro Jehovah amanam enye ofụhọ ke ntak akpakịp idiọkido esie,+ Nditọ esie ẹsan̄a nte mbuotekọn̄ ke iso asua.+ ו [Waw]   Ndien ofụri uyai eyenan̄wan Zion emenịme.+ Mbọn̄ esie ẹbiet nyara edop emi mîkwe mbiet ita;+ Ndien mmọ ẹsan̄a inyụn̄ inyeneke odudu ke iso andibịne mmọ.+ ז [Zayin]   Jerusalem emeti mme usen ukụt esie ye eke ikọt esie emi mînyeneke ebietidụn̄ Kpukpru n̄kpọuto esie emi ẹkedude toto ke eyo oko.+ Ke ini ikọt esie ẹkeduọde ẹdụk ubọk asua, enye ikonyụn̄ inyeneke andin̄wam,+ Mme asua ẹkụt enye. Mmọ ẹsak ẹban̄a n̄wụre esie.+ ח [Chehth]   Jerusalem amanam idiọkn̄kpọ ata etieti.+ Ntak edi oro enye akabarede edi n̄kpọ itekesịt.+ Kpukpru mbon oro ẹkekponode enye idaha enye aba ke n̄kpọ,+ koro mmọ ẹmekụt enye iferi.+ Enye n̄ko ke eseme+ onyụn̄ ọwọn̄ọde edem. ט [Tehth]   Ndek esie odu ke isọn̄ọfọn̄ esie.+ Enye iketịghi ini iso oro ẹkenịmde ẹnọ enye,+ Ndien enye osụhọde ke utịbe utịbe usụn̄. Inyeneke andidọn̄ enye esịt.+ O Jehovah, se ukụt mi,+ koro asua omokohode idem.+ י [Yohdh] 10  Asua amatat ubọk esie otụk kpukpru n̄kpọuto esie.+ Koro enye omokụt mme idụt oro ẹdụkde ẹdi edisana ebiet esie,+ Emi afo okowụkde mmọ ete ẹkûdụk ẹdi esop fo. כ [Kaph] 11  Kpukpru ikọt esie ke ẹseme; mmọ ke ẹyom uyo.+ Mmọ ẹnọ n̄kpọuto mmọ ẹbọ se ẹdiade, man ukpọn̄ mmọ afiak okop odudu.+ O Jehovah, se nyụn̄ kụt, koro mmakabade ntie nte n̄wan eke mînyeneke ufọn.+ ל [Lamedh] 12  Nte emi idịghe n̄kpọ ndomokiet inọ kpukpru mbufo emi ẹsan̄ade ẹbe ke usụn̄? Ẹse ẹnyụn̄ ẹkụt.+ Nte odu ubiak ekededi emi ebietde ubiak mi emi ẹtịmde ẹnam abiak mi,+ Emi Jehovah anamde mfụhọ odu ke usen ikan̄-ikan̄ iyatesịt esie?+ מ [Mem] 13  Enye etie ke enyọn̄ esịn ikan̄ ke mme ọkpọ mi,+ onyụn̄ akan mmọ. Enye emesịn iyịre ọnọ ikpat mi.+ Onyụn̄ anam mi mfiak edem. Enye amanam mi ndi n̄wan eke ẹkpọn̄de. Ndọn̄ọ kpukpru usen.+ נ [Nun] 14  Enye eyet enyịn ese mme idiọkido mi.+ Mmọ ẹwan̄a kiet eken ke ubọk esie. Mmọ ẹdọk ẹsịm mi itọn̄.+ Odudu omokụre mi ke idem. Jehovah amayak mi esịn ke ubọk mbon oro mmen̄kemeke ndida en̄wan.+ ס [Samekh] 15  Jehovah onụk kpukpru mme okopodudu ikọt mi efep ke ufọt mi.+ Enye omosop esop aban̄a mi, man anuak n̄kparawa mi n̄ken̄e n̄ken̄e.+ Jehovah emedịghi obube unyịmi wine+ eyenan̄wan* Judah.+ ע [ʽAyin] 16  Mme n̄kpọ emi ẹnam mi ntua nte n̄wan.+ Mmọn̄ ọmọwọrọ mi ke enyịn.+ Koro andidọn̄ owo esịt, kpa owo eke akpanamde ukpọn̄ mi afiak okop odudu, odude nsannsan ọkpọn̄ mi. Nditọiren mi ẹmekabade ẹdi mbon oro ẹkpọn̄de,+ koro asua okohorede idem.+ פ [Peʼ] 17  Zion amatat ubọk esie.+ Inyeneke andidọn̄ enye esịt.+ Jehovah ọmọnọ ewụhọ emi aban̄ade Jacob ẹsọk kpukpru mbon oro ẹkande enye ẹkụk nte mme asua esie.+ Jerusalem amakabade edi n̄kpọ itekesịt ke ufọt mmọ.+ צ [Tsadheh] 18  Jehovah emenen,+ edi ami nnamke ikọ eke otode enye inua.+ Kpukpru mbufo, ẹkpan̄ utọn̄ ke emi, ẹnyụn̄ ẹkụt ubiak mi. Nditọiban mi ye n̄kparawa mi ẹmeka ntan̄mfep.+ ק [Qohph] 19  Mmokot mmọ oro ẹnen̄erede ẹma mi.+ Mmọ ẹmebre mi n̄kari. Mme oku mi ye n̄kani iren mi ẹmekpan̄a ke obio,+ Ke adan̄aemi ẹyomde se ẹdiade man ukpọn̄ mmọ afiak okop odudu.+ ר [Rehsh] 20  O Jehovah, se, koro ami ndude ke nnanenyịn. Koro nsia oyomo mi.+ Esịt etịmede mi,+ koro n̄kọsọn̄de ibuot etieti.+ Akan̄kan̄ esịn nditọ ẹkpan̄a ke an̄wa.+ N̄kpan̄a odu n̄ko ke esịtufọk.+ ש [Shin] 21  Mme owo ẹmekop nte ami nsiamade nte n̄wan.+ Nnyeneke andidọn̄ mi esịt.+ Kpukpru mme asua mi ẹmekop ẹban̄a afanikọn̄ mi.+ Mmọ ẹmedara, koro afo anamde emi.+ Afo ayada usen oro akatan̄ade edi,+ man mmọ ẹkabade ẹtie nte ami.+ ת [Taw] 22  Kpukpru ndiọi n̄kpọ mmọ ẹkpekam ẹdi ke iso fo, nyụn̄ sọn̄ ido ye mmọ,+ Kpa nte afo ọsọn̄de ido ye ami ke ntak kpukpru mme idiọkido mi.+ Koro nsiama mi ẹwakde,+ esịt mi onyụn̄ ọdọn̄ọde.+

Mme Ikọ Idakisọn̄

At. Ed., “eyenan̄wan emi mîfiọkke erenowo.”