Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Ephesus 6;1-24

6  Nditọ, ẹkop uyo ẹnọ mme ete ye eka+ mbufo ke Ọbọn̄, koro emi enende:+  “Kpono usọ ye uka”;+ emi edi akpa ibet eke asan̄ade ye un̄wọn̄ọ:+  “Man ọkpọfọn ye afo, afo okponyụn̄ odu uwem ebịghi ke isọn̄.”+  Ndien mbufo mme ete, ẹkûfiomo nditọ+ mbufo, edi ẹka iso ẹkama+ mmọ ke ntụnọ+ ye ke item+ Jehovah.  Mbufo ifịn, ẹkop uyo ẹnọ mbon oro ẹdide mme eteufọk mbufo ke obụkidem,+ ẹnam ntre ke ndịk ye nnyekidem,+ ye ke ofụri esịt mbufo, nte ẹnam ẹnọ Christ,  idịghe ke edinam utom enyịn owo nte mme anam n̄kpọ nnem owo esịt,+ edi ke edinam uduak Abasi ke ofụri ukpọn̄+ nte ifịn Christ.  Ẹdi ifịn ye eti uduak, nte ẹdi ẹnọ Jehovah,+ idịghe inọ owo,  koro mbufo ẹmefiọk ẹte, eti n̄kpọ ekededi oro owo kiet kiet anamde, enye ọyọbọ utịp oto Jehovah,+ edide enye edi ofụn m̀mê amanaisọn̄.+  N̄ko, mbufo mme eteufọk, ẹka iso ẹnam kpa ntem ye mmọ, ẹtre ndisịn mmọ ndịk ke idem,+ koro mbufo ẹmefiọk ẹte Eteufọk mmọ ye eke mbufo+ odu ke heaven, ndien enye inamke asari.+ 10  Ke akpatre, ẹka iso ẹkop odudu+ ke Ọbọn̄ ye ke ọkpọsọn̄ ukeme+ esie. 11  Ẹmen ofụri n̄kpọekọn̄+ Abasi ẹsịne man mbufo ẹkpekeme ndisọn̄ọ nda n̄n̄wana ye n̄kari+ Devil; 12  koro nnyịn imenyene en̄wan+ ndin̄wana, idịghe ye obụk ye iyịp, edi in̄wana ye mme ukara,+ ye mme odudu,+ ye mme andikara+ ekịm ererimbot emi, ye odudu ndiọi spirit+ ke enyọn̄. 13  Ke ntak emi ẹmen ofụri n̄kpọekọn̄ Abasi ẹsịne,+ man mbufo ẹkpekeme ndin̄wana n̄kan ke usen idiọk nnyụn̄ nsọn̄ọ nda+ ke mbufo ẹma ẹkenam kpukpru n̄kpọ ọyọhọ ọyọhọ. 14  Ẹsọn̄ọ ẹda, ndien, ẹda akpanikọ+ ẹbọbọ+ ke isịn, ẹnyụn̄ ẹsịne edinen ido+ nte ukwak ikpanesịt, 15  ẹnyụn̄ ẹda mben̄eidem ndikwọrọ eti mbụk emem+ ẹsịne ke ukot+ nte ikpaukot. 16  Ke akande kpukpru n̄kpọ, ẹda mbuọtidem+ ẹsịne nte akwa otuekọn̄, emi mbufo ẹdikemede ndida nnịme kpukpru enyịm ikan̄+ andidiọk. 17  N̄ko, ẹbọ ndụn+ edinyan̄a ẹyara, ẹnyụn̄ ẹkama akan̄kan̄+ eke spirit,+ oro edi, ikọ Abasi,+ 18  ke adan̄aemi ẹkade iso ẹda kpukpru orụk akam+ ye n̄kpeubọk ẹbọn̄ akam kpukpru ini ke spirit.+ Mmọdo ndien ẹdu ke edidemede kpukpru ini ẹnyụn̄ ẹnam n̄kpeubọk ẹban̄a kpukpru ndisana owo, 19  ẹnyụn̄ ẹnam ẹban̄a mi n̄ko, man ẹnọ mi ukeme nditat inua mi ntịn̄ ikọ+ ifụre ifụre+ man nnam ẹfiọk edisana ndịben̄kpọ eti mbụk,+ 20  emi ami nnamde n̄kpọ nte isụn̄utom+ mban̄a ke n̄kpọkọbi; man n̄kpetịn̄ ikọ uko uko mban̄a enye nte n̄kpetịn̄de.+ 21  Tychicus,+ edima eyenete ye anam-akpanikọ asan̄autom ke Ọbọn̄, ayasian mbufo kpukpru n̄kpọ+ oro aban̄ade mi man mbufo ẹfiọk, ọkọrọ ye nte n̄kpọ etiede ye ami. 22  Nsio enye ndọn̄ edi ke ọtọ mbufo kaban̄a uduak emi, man mbufo ẹkpefiọk mme n̄kpọ oro ẹban̄ade nnyịn, enye okponyụn̄ ọdọn̄ mbufo esịt.+ 23  Nditọete ẹkpekam ẹnyene emem ye ima eke asan̄ade ye mbuọtidem eke ẹtode Abasi Ete ye Ọbọn̄ Jesus Christ. 24  Mfọnido oro owo mîdotke+ akpakam odu ye kpukpru mbon oro ẹmade Ọbọn̄ nnyịn Jesus Christ ima eke mîdibiarake.

Mme Ikọ Idakisọn̄