Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Ephesus 2;1-22

2  N̄ko-n̄ko, edi mbufo ke Abasi akanam ẹdu uwem okposụkedi mbufo ẹma ẹkekpan̄a ke ndudue ye mme idiọkn̄kpọ+ mbufo,  emi mbufo ẹkesan̄ade ke esịt ini kiet ko nte ekemde ye editịm+ n̄kpọ ererimbot emi, nte asan̄ade ekekem ye andikara+ odudu ofụm, kpa spirit+ oro anamde utom ke emi ke esịt nditọ ntụtutọn̄.+  Ih, kpukpru nnyịn ikasan̄a ye mmọ ini kiet ko nte ekemde ye se idọn̄de obụkidem nnyịn,+ inamde mme n̄kpọ oro obụkidem+ ye ekikere nnyịn ẹduakde, ikonyụn̄ idi nditọ iyatesịt+ ke uduot nnyịn kpa nte mmọ eken.  Edi Abasi, emi awakde mbọm,+ oto ke akwa ima eke enye amade nnyịn,+  akanam nnyịn idu uwem ye Christ, idem ke ini nnyịn ima ikakpan̄a ke mme idiọkn̄kpọ+—ẹma ẹnyan̄a mbufo oto ke mfọnido oro owo mîdotke+  enye ama onyụn̄ anam nnyịn iset+ ọtọkiet onyụn̄ anam nnyịn itie ọtọkiet ke mme itie+ eke heaven ke Christ Jesus,  man ke editịm n̄kpọ emi edide+ enye akpada akakan+ mfọnido esie oro owo mîdotke ọfọn nnyịn emi ibuanade n̄kpọ+ ye Christ Jesus mfọn.  Ke akpanikọ, otode ke mfọnido oro owo mîdotke mi, ẹma ẹnyan̄a mbufo ebe ke mbuọtidem;+ emi inyụn̄ itoho mbufo,+ edi edi enọ Abasi.+  Baba, itoho ke mme utom,+ mbak owo baba kiet edinyene ntak ndibụre mbụre.+ 10  Koro nnyịn idi mbun̄wụm utom+ esie, ẹkenyụn̄ ẹbot+ nnyịn emi ibuanade n̄kpọ+ ye Christ Jesus ndinam nti utom,+ emi Abasi ekebemde iso+ enịm ọnọ nnyịn ete nnyịn ikpasan̄a ke esịt. 11  Ke ntre, ẹti ẹte mbufo ẹkedi mbon idụt ke obụkidem ke mbemiso;+ ndien mmọ emi ẹkotde mme “ana mbobi” eke ẹdade ubọk ẹnịm ke obụkidem ẹkekot mbufo mbon oro “mînaha mbobi”+ 12  nte ke mbufo ikenyeneke Christ ke ini oro,+ ẹma ẹdian̄ade+ ẹkpọn̄ obio Israel ẹnyụn̄ ẹdi isenowo ẹnọ mme ediomi un̄wọn̄ọ,+ ikenyeneke idotenyịn,+ ikonyụn̄ inyeneke Abasi ke ererimbot.+ 13  Edi idahaemi sia mbufo ẹdide mme anditiene Christ Jesus, mbufo emi ẹkedude nsannsan ini kiet ko ẹmesịk ẹkpere ebe ke iyịp+ Christ. 14  Koro enye edi emem+ nnyịn, kpa enye emi akanamde otu+ mbiba emi ẹdi kiet+ onyụn̄ owụri ibibene+ oro okodude ke ufọt abahade+ mmọ. 15  Ebede ke obụkidem+ esie enye ama abiat usua,+ kpa Ibet emi esịnede mme ewụhọ ye mme item,+ man enye okpobot otu mbiba+ emi ẹdude ke enye anam ẹkabade ẹdi obufa owo+ kiet onyụn̄ anam emem; 16  man enye akpada eto ndutụhọ+ anam otu mbiba emi ẹfiak ẹtie ke emem+ ọyọhọ ọyọhọ ye Abasi ke idem kiet,+ koro ebede ke idemesie enye ama owot usua+ oro. 17  Ndien enye ama edi editan̄a eti mbụk emem+ ọnọ mbufo, emi ẹdude nsannsan, onyụn̄ atan̄a emem ọnọ mbon oro ẹdude ẹkpere,+ 18  koro ebede ke enye, nnyịn otu mbiba emi,+ imenyene usụn̄ ndisan̄a+ ke spirit kiet+ nsịm Ete. 19  Ke akpanikọ, mbufo idịghe aba isenowo+ ye mme odudụn̄,+ edi ẹmetiene ndisana owo+ ẹdi nditọ isọn̄+ ẹnyụn̄ ẹdi mbonufọk+ Abasi, 20  ẹma ẹnyụn̄ ẹbọp mbufo ẹdori ke itiat idakisọn̄+ mme apostle+ ye mme prọfet,+ ke adan̄aemi Christ Jesus edide itiat inụk.+ 21  Ke enye ke ofụri ufọk emi akpaha adiana kiet,+ ọkọri akabade edi edisana temple ọnọ Jehovah.+ 22  Sia ẹbuanade n̄kpọ ye enye,+ ẹkebọp mbufo n̄ko ẹdian ọtọkiet ẹte ẹkabade ẹdi ebiet emi Abasi odụn̄de ke spirit.+

Mme Ikọ Idakisọn̄