Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Ephesus 1;1-23

1  Ami Paul, emi ndide apostle+ Christ Jesus ebe ke uduak Abasi,+ nnọ n̄wed emi ẹsọk ndisana owo emi ẹdude ke Ephesus ye mme anam-akpanikọ+ emi ẹdide mme andibuana n̄kpọ+ ye Christ Jesus:  Mfọnido oro owo mîdotke+ ye emem+ emi ẹtode Abasi Ete nnyịn ye Ọbọn̄ Jesus Christ ẹkpekam ẹdu ye mbufo.  Itoro enyene Abasi ye Ete Ọbọn̄ nnyịn Jesus Christ,+ koro enye adade kpukpru edidiọn̄ eke spirit ke mme itie+ eke heaven ọdiọn̄ nnyịn+ ke Christ,  kpa nte enye ekemekde+ nnyịn ke Christ mbemiso editọn̄ọ+ ererimbot, man nnyịn ikpenyene ima+ inyụn̄ isana inyụn̄ inana ndo+ ke iso esie.  Koro enye ekebemde iso emek+ nnyịn enịm ndida nnyene+ ke idemesie nte nditọ,+ ebe ke Jesus Christ, nte asan̄ade ekekem ye se enye amade ye uduak+ esie,  man ẹtoro+ ubọn̄ ubọn̄ mfọnido esie oro owo mîdotke+ emi enye ọkọfọnde ye nnyịn ebe ke owo emi enye amade.+  Nnyịn inyene ubọhọ-ufụn ke enye ebe ke ufak oto ke iyịp+ owo oro, kpa edifen+ mme idiọkn̄kpọ nnyịn, nte asan̄ade ekekem ye akpakịp mfọnido esie oro owo mîdotke.+  Enye anam emi awak ọnọ nnyịn ke kpukpru ọniọn̄+ ye asian,  ke enye ndikanam nnyịn ifiọk edisana ndịben̄kpọ+ uduak esie. Emi asan̄a ekekem ye se itịmde inem enye esịt, emi enye akaduakde ke idemesie+ 10  ndinam ndutịm+ ke adan̄aemi edimek ini+ ekemde ọyọhọ ọyọhọ, oro edi, ndifiak ntan̄+ kpukpru n̄kpọ ndọn̄ ọtọkiet ke Christ,+ mme n̄kpọ eke ẹdude ke heaven+ ye mme n̄kpọ eke ẹdude ke isọn̄.+ Ih, ke enye 11  ke ẹnam nnyịn itiene ida udeme inyene,+ sia edide ẹma ẹbem iso ẹmek nnyịn ẹnịm nte asan̄ade ekekem ye uduak enye emi anamde kpukpru n̄kpọ nte ekemde ye usụn̄ emi uduak esie etemede,+ 12  man nnyịn emi ikedide akpa ndidori enyịn ke Christ+ ikpotoro ubọn̄+ esie. 13  Edi mbufo n̄ko ẹma ẹdori enyịn ke enye ke mbufo ẹma ẹkekop ikọ akpanikọ,+ kpa eti mbụk emi aban̄ade edinyan̄a+ mbufo. N̄ko ebede ke enye, ke mbufo ẹma ẹkenịm ke akpanikọ, ẹma ẹfịk mbufo idiọn̄ọ+ ke edisana spirit+ oro ẹken̄wọn̄ọde, 14  emi edide idiọn̄ọ+ udeme+ emi ẹbemde iso ẹnọ nnyịn, emi uduak edide ndisio inyene+ Abasi ke ufụn ebe ke ufak,+ man ada itoro ye ubọn̄ ọsọk enye. 15  Ntak edi oro ami n̄ko, tọn̄ọ nte n̄kokop mban̄a mbuọtidem oro mbufo ẹnyenede ke Ọbọn̄ Jesus ye ke kpukpru ndisana owo,+ 16  ntreke ndinọ ekọm mban̄a mbufo. Mmaka iso ndisiak mbufo enyịn̄ ke akam+ mi, 17  nte Abasi Ọbọn̄ nnyịn Jesus Christ, Ete ubọn̄, akpakam ọnọ mbufo spirit ọniọn̄+ ye ediyarade ke nnennen ifiọk aban̄ade enye;+ 18  ke ẹma ẹkenam enyịn+ esịt mbufo an̄wan̄a,+ man mbufo ẹkpefiọk se idide idotenyịn+ emi enye okokotde mbufo ẹdibọ, ye se idide ubọn̄ ubọn̄ inyene+ emi enye omụmde akama nte udeme ọnọ ndisana owo,+ 19  ye se akakan akwa odudu+ esie edide ọnọ nnyịn mme andinịm ke akpanikọ. Emi asan̄a ekekem ye utom+ ọkpọsọn̄ ukeme esie, 20  emi enye akadade anam utom ke idem Christ ke ini anamde enye eset ke n̄kpa+ onyụn̄ anamde enye etie ke ubọk nnasia+ esie ke mme itie+ eke heaven, 21  emi etịmde okon̄ akan kpukpru ukara ye odudu ye itie ubọn̄+ ye kpukpru enyịn̄+ eke ẹsiakde, idịghe sụk ke editịm n̄kpọ emi,+ edi n̄ko ke editịm n̄kpọ emi edidide.+ 22  Enye n̄ko ama ada kpukpru n̄kpọ esịn enye ke idak ikpat,+ onyụn̄ anam enye edi ibuot kpukpru n̄kpọ+ ọnọ esop, 23  emi edide idem+ esie, emi enye onyụn̄ ọyọhọde,+ sia enye ọyọhọde ke kpukpru n̄kpọ.+

Mme Ikọ Idakisọn̄