Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ecclesiastes 8;1-17

8  Anie odu emi ebietde owo ọniọn̄?+ Anie onyụn̄ odu emi ọfiọkde ndisiak se n̄kpọ ọwọrọde?+ Ọniọn̄ owo esịn iso esie ayama, onyụn̄ anam nsọn̄iso esie akabade ọfọn.+  Ami ndọhọ nte: “Nịm ewụhọ edidem,+ nyụn̄ nam emi ke ntak un̄wọn̄ọ Abasi.+  Kûwara ndidaha ke iso esie.+ Kûda ke idiọkn̄kpọ.+ Koro enye ayanam kpukpru se inemde enye ndinam,+  koro ikọ edidem enyenede odudu;+ ndien anie ekeme ndidọhọ enye: ‘Nso ke afo ananam?’”  Owo eke enịmde ewụhọ idikwe afanikọn̄ ekededi,+ ndien esịt ọniọn̄ ọyọfiọk ini ye ikpe.+  Koro ini ye ikpe ẹdude ẹnọ kpukpru n̄kpọ,+ koro afanikọn̄ ubonowo awakde.+  Koro baba owo kiet mîfiọkke se iditịbede,+ koro anie ekeme ndisian enye nte emi edikam etịbede?  Baba owo kiet idụhe emi enyenede odudu ndimụm spirit;+ inyụn̄ idụhe odudu ekededi eke akarade usen n̄kpa;+ baba owo kiet inyụn̄ ikemeke ndikpọn̄ ekọn̄ emi.+ Idiọkido inyụn̄ inamke mbon oro ẹsịnde idem ke enye ẹbọhọ.+  Mmokụt kpukpru emi, nnyụn̄ nsịn esịt mi ke kpukpru utom emi ẹnamde ke idak utịn, ke ini emi owo akarade owo tutu ọnọ enye unan.+ 10  Ndien okposụkedi emi edide ntre, ami mmokụt ẹbụkde mme idiọkowo,+ nte mmọ ẹkedụkde ye nte mmọ ẹkewọrọde ke edisana ebiet+ ndien ẹfre mmọ ke obio emi mmọ ẹkenamde oro.+ Emi n̄ko edi ikpîkpu. 11  Sia mîwarake ndinọ ufen ke idiọk edinam,+ ntak edi oro esịt nditọ owo ọsọn̄ọde eyịre ke ndinam idiọk.+ 12  Okposụkedi anamidiọk anamde idiọk+ utịm ike-ikie onyụn̄ akade iso ke anyan ini ndinam nte enemde enye, mmọfiọk n̄ko nte ke edifọn ye mmọ emi ẹbakde ata Abasi,+ koro mmọ ẹbakde enye.+ 13  Edi idifọnke-fọn inọ idiọkowo,+ enye idinyụn̄ ikemeke ndinam mme usen esie emi ẹbietde mbukpọn̄ ẹbịghi,+ koro enye mîbakke Abasi.+ 14  Odu ikpîkpu n̄kpọ emi ẹnamde ke isọn̄, nte ke odu ndinen owo emi se itịbede inọ mmọ ekpetịbede ọnọ mme idiọkowo ke ntak edinam mmọ,+ onyụn̄ odu mme idiọkowo emi se itịbede inọ mmọ ekpetịbede ọnọ ndinen owo ke ntak edinam mmọ.+ Ndọhọ ke emi n̄ko edi ikpîkpu. 15  Ndien ami ntoro idatesịt,+ koro ubonowo mînyeneke se ifọnde ke idak utịn ikan ndidia nnyụn̄ n̄n̄wọn̄ nnyụn̄ ndat esịt, ndien emi ekpenyene ndidi udeme mmọ ke ofụri ọkpọsọn̄ utom mmọ ke mme usen uwem mmọ,+ emi ata Abasi ọnọde mmọ ke idak utịn.+ 16  Ntem ami nsịn esịt+ ndinyene ọniọn̄ ndinyụn̄ n̄kụt utom emi ẹnamde ke isọn̄,+ koro odu owo emi mîkwe idap ke okoneyo m̀mê ke uwemeyo.+ 17  Ndien n̄kụt kpukpru utom ata Abasi,+ nte ubonowo mîkemeke ndifiọk utom emi ẹnamde ke idak utịn;+ koro ubonowo ẹsịnde idem ọkpọsọn̄ ẹyom ndifiọk, edi mmọ ifiọkke.+ Ndien ọkpọkọm mmọ ẹdọdọhọ ke imenyene ọniọn̄ ikem ndifiọk,+ mmọ idikemeke ndifiọk.+

Mme Ikọ Idakisọn̄