Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ecclesiastes 7;1-29

7  Eti enyịn̄ ọfọn akan eti aran,+ usen n̄kpa onyụn̄ ọfọn akan usen emana.+  Ọfọn ndika ufọk ntuan̄a akan ndika ufọk usọrọ,+ koro oro edide utịt ofụri ubonowo; ndien odu-uwem ekpenyene ndikere emi ke esịt esie.  Mfụhọ ọfọn akan imam,+ koro iso mfụhọ anamde esịt akabade ọfọn.+  Esịt mbon ọniọn̄ odu ke ufọk ntuan̄a,+ edi esịt mbon ndisịme odu ke ufọk idara.+  Ọfọn ndikop nsuannọ owo ọniọn̄+ akan ndikop ikwọ mbon ndisịme.+  Koro nte n̄kukịm akprakde ke idak eso, kpa ntre ke imam ndisịme owo etie;+ ndien emi n̄ko edi ikpîkpu.  Koro ufịk ekeme ndisịn owo ọniọn̄ anam n̄kpọ nte idat,+ enọ+ onyụn̄ ekeme ndibiat owo esịt.+  Utịt n̄kpọ ọfọn akan editọn̄ọ.+ Owo eke emede ime ọfọn akan owo eke eseride iseri.+  Kûyak esịt awara ndiyat fi,*+ koro iyatesịt atakde ke ikpanesịt mbon ndisịme.+ 10  Kûdọhọ ete: “Nso inam eyo oko ọkọfọnde akan eyo emi?”+ koro mîdịghe ọniọn̄+ esịn fi obụp n̄kpọ emi. 11  Ọniọn̄ emi asan̄ade ye udeme ọfọn onyụn̄ enyene ufọn ọnọ mbon oro ẹkụtde utịn.+ 12  Koro ọniọn̄ ekpemede+ owo kpa nte okụk ekpemede;+ edi ufọn ifiọk edi nte ke ọniọn̄ enịm mbon oro ẹnyenede enye uwem.+ 13  Sese utom+ emi ata Abasi anamde, koro anie ekeme ndinen̄ede se enye anamde akwan̄a?+ 14  Dat esịt ke usen emi n̄kpọ ọfọnde,+ ndien ke usen nnanenyịn fiọk ete ke edi ata Abasi anam enye emi ukem nte enye eken,+ man ubonowo okûkụt baba n̄kpọ kiet eke etienede mmọ ke edem.+ 15  Mmokụt kpukpru n̄kpọ ke mme ikpîkpu usen mi.+ Odu edinen owo emi atakde ke edinen ido esie,+ onyụn̄ odu idiọkowo eke odude ebịghi ke idiọkn̄kpọ esie.+ 16  Kûda idem ke edinen owo ukaha,+ kûnyụn̄ uwụt idemfo ke owo ọniọn̄ ukaha.+ Ntak emi akpadade nsobo ọsọk idemfo?+ 17  Kûnam idiọkn̄kpọ ukaha,+ kûnyụn̄ ukabade udi ndisịme.+ Ntak emi afo akpakpade ke mîkemke kan̄a ini fo?+ 18  Ọfọn afo ndisọn̄ọ mmụm emi n̄kama, edi kûsio ubọk ukpọn̄ enye eken n̄ko;+ koro owo emi abakde Abasi ọyọbọhọ kpukpru mmọ.+ 19  Ọniọn̄ anam owo ọniọn̄ ọsọn̄ idem akan mme andikara duop emi ẹdude ke obio.+ 20  Koro baba edinen owo kiet idụhe ke isọn̄ eke anamde eti mînyụn̄ inamke idiọkn̄kpọ.+ 21  N̄ko, kûsịn esịt fo ke kpukpru ikọ oro mme owo ẹtịn̄de,+ mbak afo udukop nte asan̄autom fo osụn̄ide fi.+ 22  Koro esịt fo etịmde ọfiọk ete ke afo n̄ko emesisụn̄i mbon efen ediwak ini.+ 23  Mmada ọniọn̄ ndomo kpukpru emi nse. Ami ndọhọ nte: “Ami nyakabade ndi ọniọn̄.” Edi enye ama oyom usụn̄ ọkpọn̄ mi.+ 24  N̄kpọ ekededi eke etịbede omoyom usụn̄ onyụn̄ enen̄ede otụn̄ọ. Anie ekeme ndidụn̄ọde enye?+ 25  Ami n̄wọn̄ọde nse, nnyụn̄ nsịn esịt mi,+ man mfiọk nnyụn̄ ndụn̄ọde nnyụn̄ nyom ọniọn̄+ ye ntak emi mme n̄kpọ ẹtịbede,+ nnyụn̄ mfiọk nte ke idiọkido edi ndisịme ye nte ke ndisịme edi idat;+ 26  ndien se ami n̄kụtde edi emi: N̄wan emi edide afia, esịt esie edide iyịre, ubọk esie onyụn̄ edide ebuka,+ odoro akan n̄kpa.+ Owo eke efehede ọbọhọ enye ọfọn ke iso ata Abasi, edi owo emi enye omụmde anam idiọk.+ 27  Andisop esop+ ọdọhọ ete: “Sese! Ami mmodụn̄ọde n̄kpọ emi ke adiana ke adiana, man mfiọk kpukpru n̄kpọ,+ 28  emi ukpọn̄ mi akade iso oyom, edi n̄kwe. Mmokụt erenowo kiet ke otu tọsịn,+ edi n̄kwe n̄wan ndomokiet ke otu kpukpru emi.+ 29  Sese! N̄kukụre se n̄kụtde edi nte ke ata Abasi ama anam ubonowo nte enende,+ edi mmọ ẹyom ediwak usụn̄ en̄wen.”+

Mme Ikọ Idakisọn̄

At. Ed, “kûyak spirit fo ọsọp iyatesịt.”