Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ecclesiastes 6;1-12

6  Odu afanikọn̄ emi ami n̄kụtde ke idak utịn, ndien enye awak ndisịm ubonowo:  owo emi ata Abasi ọnọde inyene ye n̄kpọ obụkidem ye ubọn̄,+ emi ukpọn̄ esie mînyụn̄ inanake baba n̄kpọ kiet eke ọdọn̄de enye,+ edi emi ata Abasi mîyakke enye adia,+ okposụkedi emi esenowo+ ekemede ndidia. Emi edi ikpîkpu n̄kpọ, onyụn̄ edi idiọk udọn̄ọ.  Edieke owo obonde nditọ utịm ikikie,+ onyụn̄ odude uwem ediwak isua, tutu usen uwem esie ẹwak etieti,+ edi ukpọn̄ esie iyụhọke ye nti n̄kpọ,+ enye inyụn̄ ibụhọke ke udi,+ ami ndọhọ ke eyen eke amanade obukpo ọfọn akan owo emi.+  Koro enye ọwọrọde edi ke ikpîkpu onyụn̄ ọnyọn̄de ke ekịm, ẹnyụn̄ ẹdade ekịm ẹfụk enyịn̄ esie.+  Enye ikwe inyụn̄ ifiọkke utịn.+ Enye enyene ifụre akan owo enye eken.+  Idem ọkpọkọm enye odu uwem isua tọsịn iba ndien ikwe se ifọnde,+ nte idịghe ebiet kiet ke kpukpru owo ẹka?+  Kpukpru ọkpọsọn̄ utom ubonowo ẹka inua,+ edi ukpọn̄ mmọ iyụhọke.  Nso ufọn ke owo ọniọn̄ enyene akan ndisịme owo?+ Nso ke owo ukụt enyene ke ndifiọk ndisan̄a ke iso mme odu-uwem?  Se enyịn okụtde ọfọn akan se ukpọn̄ asan̄ade oyom.+ Emi n̄ko edi ikpîkpu ye edifehe mbịne ofụm.+ 10  N̄kpọ ekededi eke odude, ẹma ẹnọnọ enye enyịn̄, ẹmenyụn̄ ẹfiọk se owo edide;+ ndien enye ikemeke ndida ikọ ye enye emi okopde odudu akan enye.+ 11  Sia ediwak n̄kpọ ẹdude emi ẹsịnde ekese n̄kpọ ẹdi ikpîkpu,+ nso ufọn ke owo enyene? 12  Koro anie odu eke ọfiọkde eti n̄kpọ emi owo enyenede ke uwem+ ke ofụri usen ikpîkpu uwem esie, ke ini enye abiatde mmọ nte mbukpọn̄?+ Koro anie ekeme ndisian owo se itịbede ke idak utịn ke enye ama akakpa?+

Mme Ikọ Idakisọn̄