Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ecclesiastes 3;1-22

3  Ẹmenịm ini ẹnọ kpukpru n̄kpọ,+ ẹmenịm ini ẹnọ kpukpru n̄kpọ ke idak ikpaenyọn̄:  ini eke ẹmanade+ ye ini eke ẹkpade;+ ini eke ẹtọde ye ini eke ẹwụberede se ẹketọde;+  ini eke ẹwotde+ ye ini eke ẹkọkde unan;+ ini eke ẹwụride ye ini eke ẹbọpde;+  ini eke ẹtuade eyet+ ye ini eke ẹsakde imam;+ ini eke ẹsemede+ ye ini eke ẹnekde unek;+  ini eke ẹtopde itiat ẹduọn̄ọ+ ye ini eke ẹtan̄de itiat ẹbon ọtọkiet;+ ini eke ẹfatde+ ye ini eke ẹtrede mfari;+  ini eke ẹyomde+ ye ini eke ẹbatde ke ntakurua; ini eke ẹnịmde n̄kpọ ye ini eke ẹtopde n̄kpọ ẹduọk;+  ini eke ẹwakde ọfọn̄+ ye ini eke ẹkịmde ẹdian;+ ini eke ẹdopde uyo+ ye ini eke ẹtịn̄de ikọ;+  ini eke ẹmade ye ini eke ẹsuade;+ ini eke ẹn̄wanade ekọn̄+ ye ini eke ẹtiede ke emem.+  Nso udori odu ọnọ anamutom ke se enye esịnde idem anam?+ 10  Ami mmokụt utom oro Abasi ọnọde nditọ owo ete ẹsịn idem ẹnam.+ 11  Enye amanam kpukpru n̄kpọ ẹye ke ini mmọ.+ Enye omonyụn̄ esịn mmọ nsinsi ini ke esịt+ man ubonowo okûfiọk utom oro ata Abasi anamde ọtọn̄ọde ke ntọn̄ọ tutu esịm utịt.+ 12  Ami mmedifiọk nte ke idụhe se ifọnde ye mmọ ikan ndidat esịt nnyụn̄ nnam se ifọnde ke ini emi owo odude uwem;+ 13  ye nte kpukpru owo ẹdia ẹnyụn̄ ẹn̄wọn̄ ẹnyụn̄ ẹkụt se ifọnde ke kpukpru ọkpọsọn̄ utom mmọ.+ Emi edi enọ Abasi.+ 14  Ami mmedifiọk nte ke kpukpru n̄kpọ emi ata Abasi anamde ẹdidu ke nsinsi.+ N̄kpọ ndomokiet idụhe ndidian, n̄kpọ ndomokiet inyụn̄ idụhe ndisio;+ edi ata Abasi anam mmọ,+ man ndịk esie anam mme owo.+ 15  Se idude ama ododu, se idinyụn̄ idide ididu, ododu;+ ndien ata Abasi+ aka iso oyom se ẹbịnede.+ 16  Ndien n̄kụt n̄ko ke idak utịn nte idiọkido odude ke itie unenikpe ye nte idiọkido onyụn̄ odude ke itie edinen ido.+ 17  Ami ndọhọ ke esịt mi nte:+ “Ata Abasi eyekpe ikpe edinen owo ye idiọkowo,+ koro ẹmenịm ini ẹnọ kpukpru n̄kpọ ye kpukpru utom eke ẹnamde do.”+ 18  Ndien ndọhọ ke esịt mi mban̄a nditọ owo nte ke ata Abasi ayasat mmọ osion̄o, man mmọ ẹkụt ke mmimọ idi mme unam.+ 19  Koro unọmọ esịmde nditọ owo, unọmọ onyụn̄ esịmde mme unam, ukem unọmọ esịm mmọ.+ Nte enye emi akpade, ntre ke enye eken akpa;+ mmọ ẹnyụn̄ ẹnyene spirit kiet,+ ndien idụhe se owo adade akan unam, koro kpukpru n̄kpọ ẹdi ikpîkpu. 20  Kpukpru mmọ ẹka itie kiet.+ Kpukpru mmọ ẹto ke ntan,+ kpukpru mmọ ẹnyụn̄ ẹfiak ke ntan.+ 21  Anie ọfiọk spirit nditọ owo, m̀mê enye ọdọk ke enyọn̄; ye spirit unam, m̀mê enye osụhọde ke isọn̄?+ 22  Ndien mmokụt ke idụhe se ifọnde ikan owo ndidat esịt ke utom esie,+ koro oro edide udeme esie; koro anie edida enye afiak edi man enye edikụt se itịbede ke enye ama akakpa?+

Mme Ikọ Idakisọn̄