Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ecclesiastes 2;1-26

2  Ami ndọhọ ke esịt mi nte:+ “Ke emi, di yak nda idatesịt ndomo fi.+ N̄ko, kụt se ifọnde.”+ Ndien sese! oro n̄ko edi ikpîkpu.  Ndọhọ imam nte: “Mbeibuot!”+ nnyụn̄ ndọhọ idatesịt nte:+ “Nso ke emi ananam?”  Ami nda esịt mi ndụn̄ọde ke ndinọ obụkidem mi wine man okop inemesịt,+ ke adan̄aemi ọniọn̄ adade esịt mi usụn̄,+ nnyụn̄ mmụm ebiọ n̄kama tutu n̄kụt ufọn emi nditọ owo ẹnyenede ẹto se mmọ ẹnamde ke idak ikpaenyọn̄ ke ofụri usen uwem mmọ.+  Ami mma nnam ikpọ utom.+ Mbọp mme ufọk nnọ idemmi;+ ntọ in̄wan̄ vine nnọ idemmi.+  Ntọ mme in̄wan̄esa nnyụn̄ nnam mme itie nduọkodudu nnọ idemmi,+ nnyụn̄ ntọ nsio nsio orụk eto mfri ke esịt.  Nnam n̄kpọdiọhọ mmọn̄ nnọ idemmi,+ man nda mmọn̄ mbịt akai emi mme eto ẹkọride.+  Ami nnyene ifịn iren ye ifịn iban,+ nnyụn̄ nnyene nditọ emi ẹmanade ke ufọk mi.+ Nnyene n̄ko ata ediwak ufene, enan̄ ye erọn̄, n̄kan kpukpru mbon oro ẹkebemde mi iso ẹdu ke Jerusalem.+  Ami n̄kọ n̄ko silver ye gold nnọ idemmi,+ ye inyene ndidem ye eke mme ikpehe obio ukara.+ Ami nnyene mme ọkwọikwọ iren ye iban,+ nnyụn̄ nnyene n̄kaiferi, ediwak n̄kaiferi,+ kpa se inọde nditọ owo ata idatesịt.+  Ndien ami n̄kpon nnyụn̄ nnyene inyene n̄kan owo ekededi oro ekebemde mi iso odu ke Jerusalem.+ Akan oro, ọniọn̄ mi okosụk ododu ye ami.+ 10  Ndien n̄ketreke ndinọ enyịn mi se ededi oro enye oyomde.+ N̄konyụn̄ ntreke ndinọ esịt mi orụk inemesịt ekededi, koro esịt mi akadarade ke ntak kpukpru ọkpọsọn̄ utom mi,+ emi okonyụn̄ edi udeme mi ke kpukpru ọkpọsọn̄ utom mi.+ 11  Ndien ami n̄wọn̄ọde nse kpukpru utom oro ubọk mi anamde ye ọkpọsọn̄ utom oro n̄kesịnde idem nnam,+ ndien, sese! kpukpru n̄kpọ ẹdi ikpîkpu ye edifehe mbịne ofụm,+ ndien baba n̄kpọ eke enyenede udori idụhe ke idak utịn.+ 12  Ndien ami n̄wọn̄ọde nse ọniọn̄+ ye idat ye ebiọ;+ koro nso ke owo eke etienede edidem ke edem edikeme ndinam? Kpasụk se mme owo ẹma ẹkenanam. 13  Ndien ami n̄kụt ke ọniọn̄ ọfọn akan ebiọ,+ kpa nte un̄wana ọfọnde akan ekịm.+ 14  Amaedi owo ekededi eke enyenede ọniọn̄, enyịn esie odu enye ke ibuot;+ edi ndisịme owo asan̄a ke ekịm.+ Ndien ami n̄ko mmedifiọk nte ke unọmọ kiet ọnọmọ kpukpru mmọ.+ 15  Ndien ami ndọhọ ke esịt mi nte:+ “Se inọmọde ndisịme owo+ ọyọnọmọ mi, ih, ọyọnọmọ mi.”+ Ntak ndien emi n̄kenyenede ọniọn̄ n̄kaha ntre+ ini oro? Ndien ndọhọ ke esịt mi nte: “Emi n̄ko edi ikpîkpu.” 16  Koro owo mîtịghi owo ọniọn̄ kpa nte owo mîtịghi ndisịme owo ke nsinsi.+ Ke mme usen emi ẹdide, ẹyefre kpukpru owo; ndien didie ke owo ọniọn̄ edikpa? Edikpa kpa nte ndisịme owo.+ 17  Ndien ami nsua uwem,+ koro nte ami nsede, utom emi ẹnamde ke idak utịn asan̄a ye afanikọn̄,+ koro kpukpru n̄kpọ ẹdide ikpîkpu ye edifehe mbịne ofụm.+ 18  Ndien ami nsua kpukpru ọkpọsọn̄ utom emi n̄kesịnde idem nnam ke idak utịn,+ oro ndikpọn̄de nnọ owo emi editienede mi ke edem.+ 19  Ndien anie ọfiọk m̀mê enye edidi ọniọn̄ m̀mê edidi ndisịme?+ Edi enye ayada kpukpru ọkpọsọn̄ utom oro n̄kesịnde idem nda ọniọn̄ nnam ke idak utịn enyene.+ Emi n̄ko edi ikpîkpu. 20  Ndien ami nduọk idotenyịn+ ke kpukpru ọkpọsọn̄ utom oro ami n̄kesịnde idem nnam ke idak utịn. 21  Koro odu owo emi adade ọniọn̄ ye ifiọk ye usọ anam ọkpọsọn̄ utom esie,+ edi ẹmen udeme owo oro ẹnọ owo eke mîkanamke ọkpọsọn̄ utom ke n̄kpọ emi.+ Emi n̄ko edi ikpîkpu ye akamba afanikọn̄.+ 22  Koro nso ke owo edinyene ke kpukpru ọkpọsọn̄ utom emi enye anamde ye se esịt esie ebịnede ke ọkpọsọn̄ utom emi enye esịnde idem anam ke idak utịn?+ 23  Koro ke kpukpru usen esie, utom esie ọyọhọ ye ubiak ye iyatesịt,+ n̄ko esịt esie inaha sụn̄ ke okoneyo.+ Emi n̄ko edi ikpîkpu. 24  Idụhe se ifọnde ye owo ikan ndidia nnyụn̄ n̄n̄wọn̄ nnyụn̄ nnam ukpọn̄ esie okụt se ifọnde ke ọkpọsọn̄ utom esie.+ Ami mmokụt nte ke emi oto ubọk ata Abasi.+ 25  Koro anie adia n̄kpọ+ onyụn̄ ọn̄wọn̄ n̄kpọ akan mi?+ 26  Koro enye adade ọniọn̄ ye ifiọk ye idatesịt+ ọnọ owo eke ọfọnde enye ke enyịn,+ edi ọnọ anamidiọk utom ete ọkọ obon ọtọkiet man ẹda ẹnọ owo eke ọfọnde ata Abasi ke enyịn.+ Emi n̄ko edi ikpîkpu ye edifehe mbịne ofụm.+

Mme Ikọ Idakisọn̄