Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ecclesiastes 12;1-14

12  Nyụn̄ ti Akwa Andibot+ fi ke ini afo edide akparawa,+ mbemiso mme usen afanikọn̄ ẹdide,+ m̀mê mme isua eke afo edidọhọde ete: “N̄kwe inem ke esịt”;+  mbemiso utịn ye un̄wana ye ọfiọn̄ ye mme ntantaọfiọn̄ ẹkịmde,+ idiọk enyọn̄ onyụn̄ afiakde edi, ekem edịm edep;  ke usen emi mme andikpeme ufọk+ ẹnyekde, irenowo emi ẹkopde odudu ẹnyụn̄ ẹnụhọde,+ ndien iban emi ẹkọkde n̄kpọ*+ ẹtrede utom koro mmọ mîwakke aba, nditọiban emi ẹtiede ke window ẹnyụn̄ọ*+ ẹdikụt n̄kpọ mbukpọn̄ mbukpọn̄;  ndien ẹberi mme usụn̄ emi ẹsan̄ade ẹwọrọ efak,+ ke ini uyom itiat ukọkn̄kpọ osụhọrede,+ owo onyụn̄ adahade ke enyọn̄ ke okopde uyom inuen, ndien kpukpru nditọiban ikwọ ẹsụhọde uyo.+  N̄ko, mmọ ẹkop ndịk ẹban̄a se ikon̄de, n̄kpọ oyomonsia ẹnyụn̄ ẹdu ke usụn̄. Ndien eto almond esehe,+ mme ataktak ẹnyọni isan̄, ndien mfri caper berry asiaha, koro owo asan̄ade aka nsinsi ufọk esie,+ ndien mbon ntuan̄a ẹsan̄a ẹkanade efak;+  ke urụk silver mîka-isịbeke, usan gold mînyụn̄ inuahake,+ aban̄ mînyụn̄ ikpaha ke idịm, wheel usio mmọn̄ ke obube udọn̄ mmọn̄ mînyụn̄ ibụn̄ọke.  Ndien ntan afiak ke ntan+ kpa nte ekedide, spirit+ onyụn̄ afiak etiene ata Abasi+ emi ọkọnọde enye.+  Andisop esop+ ọdọhọ ete: “Ata akpatre ikpîkpu n̄kpọ! Kpukpru n̄kpọ ẹdi ikpîkpu.”+  Ndien ke adianade ye andisop esop ndidi owo ọniọn̄,+ enye n̄ko ama ekpep mme owo ifiọk,+ ndien enye etie ekere onyụn̄ etịm odụn̄ọde,+ man enye etịm ediwak n̄ke ke nde ke nde.+ 10  Andisop esop odụn̄ọde oyom ndinem ikọ+ man onyụn̄ ewet nnennen ikọ akpanikọ.+ 11  Ikọ mbon ọniọn̄ ebiet ukịm-enan̄,+ ndien kpa nte okpukwak emi ẹkọn̄de ẹsịn,+ ntre ke edi ye mbon emi ẹsịnde idem ẹkọ ikọ ọniọn̄; ekpemerọn̄ kiet okonyụn̄ ọnọ mmọ.+ 12  Eyen mi, kaban̄a mme n̄kpọ efen ekededi, kop item emi: Edinam ediwak n̄wed inyeneke utịt, ndien ọkpọsọn̄ edisịn idem ke mmọ ananam idem akpa mba.+ 13  Ke ẹma ẹkekop kpukpru n̄kpọ, utịt n̄kpọ emi edi: Bak ata Abasi+ nyụn̄ nịm mme ibet esie.+ Koro ofụri mbiomo emi owo enyenede edi emi. 14  Koro ata Abasi eyekpe ikpe ke kpukpru orụk utom ye ke kpukpru se idịbede, edide eti m̀mê idiọk.+

Mme Ikọ Idakisọn̄

“Iban emi ẹkọkde n̄kpọ” ẹda ẹban̄a edet.
“Nditọiban emi ẹtiede ke window ẹse n̄kpọ” ẹda ẹban̄a enyịn.