Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ecclesiastes 11;1-10

11  Duọk uyo+ fo ke enyọn̄ mmọn̄,+ koro afo ayafiak okụt enye ke ediwak usen ẹbede.+  Da ubak kiet nọ itiaba, m̀mê itiaita,+ koro afo mûfiọkke afanikọn̄ emi editịbede ke isọn̄.+  Edieke obubịt enyọn̄ ọyọhọde ye mmọn̄, ọkpọsọn̄ edịm eyedep ke isọn̄;+ ndien edieke eto ọduọde aka edem usụk m̀mê edem edere, ke itie emi eto+ oro ọduọde, do ke enye edina.  Owo eke esede ofụm idisuanke n̄kpasịp; owo eke onyụn̄ esede ikpaenyọn̄ idikpen̄eke ukpen̄e.+  Kpa nte afo mûfiọkke usụn̄ spirit ke mme ọkpọ emi ẹdude ke idịbi an̄wan emi oyomode,+ kpasụk ntre ke afo mûfiọkke utom ata Abasi emi anamde kpukpru n̄kpọ.+  Suan n̄kpasịp fo ke usenubọk ndien kûyak ubọk fo ọduọk odudu tutu esịm mbubreyo;+ koro afo mûfiọkke ebiet oro emi edikụtde unen,+ edide mi m̀mê ko, m̀mê mmọ mbiba ẹdifọn ukem ukem.  Un̄wana n̄ko enem, onyụn̄ eye enyịn ndikụt utịn;+  koro edieke owo odude uwem ediwak isua, yak enye adara ke kpukpru mmọ.+ Ndien yak enye eti mme usen ekịm,+ okposụkedi mmọ ẹwakde; kpukpru usen emi ẹsierede ẹdi ikpîkpu.+  Akparawa, dara+ ke uyen fo, yak esịt fo onyụn̄ enem fi ke mme usen emi afo edide akparawa, nyụn̄ tiene usụn̄ emi esịt fo amade ye mme n̄kpọ emi enyịn fo okụtde.+ Edi fiọk ete ke ata Abasi oyokot fi edi ikpe aban̄a kpukpru emi.+ 10  Ntre sio iyatesịt ke esịt fo fep, nyụn̄ bịn afanikọn̄ ke obụkidem fo fep;+ koro uyen ye usiere uwem ẹdide ikpîkpu.+

Mme Ikọ Idakisọn̄