Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ecclesiastes 10;1-20

10  Okpo nsụn̄ anam aran etem edifuọn̄ aran+ amak, onyụn̄ ofụt efot. Ntre ke esisịt ebiọ abiat owo emi ẹkponode ke ntak ọniọn̄ ye ubọn̄ esie.+  Esịt owo ọniọn̄ odu enye ke ubọk nnasia,+ edi esịt ndisịme owo odu enye ke ubọk ufien.+  Ndien n̄ko usụn̄ ekededi emi ndisịme owo asan̄ade,+ enye anana ibuot, onyụn̄ etịn̄ ọnọ kpukpru owo ete ke imọ idi ndisịme.+  Edieke andikara ayatde esịt ye afo, kûdaha ke itie fo,+ koro sụn̄sụn̄ edu osụkde ediwak idiọkn̄kpọ.+  Odu afanikọn̄ emi ami n̄kụtde ke idak utịn, nte ke ini emi ndudue+ otode owo emi akarade:+  Ẹnịm mme ndisịme owo ke ediwak ikpọ itie,+ edi mme imọ owo ẹdu ke usụhọde idaha.  Mmokụt mme asan̄autom ẹdorode ke enan̄-mbakara edi mbọn̄ ẹsan̄a ke isọn̄ nte mme asan̄autom.+  Owo eke etịbide obube ọyọduọ odụk ke esịt;+ ndien owo eke obomde ibibene itiat, urụkikọt edidom enye.+  Enye emi ọdọkde mme itiat osion̄o ayada mmọ ọnọ idemesie unan. Owo emi asiakde eto enyene ndidu ke ukpeme.+ 10  Edieke ukwak etịpde, owo mînyụn̄ ibanke iso esie ọsọp,+ do owo oyosio ofụri odudu esie. Ntre, ọniọn̄ ọfọn ke ndida nnam n̄kpọ ọwọrọ usụn̄.+ 11  Edieke urụkikọt odomde owo mbemiso ẹkọkde nduọhọ,+ do edeme ọkọk-nduọhọ inyeneke ufọn aba. 12  Ikọ inua owo ọniọn̄ ada mfọn edi,+ edi n̄kpọkinua ndisịme owo ememen enye emen.+ 13  Ntọn̄ọ ikọ inua esie edi ndisịme,+ ndien utịt ikọ inua esie edi idiọk idat. 14  Ndien ndisịme owo etịn̄ ediwak ikọ.+ Owo ifiọkke se ididide; ndien se iditienede enye edem, anie ekeme ndisian enye?+ 15  Ọkpọsọn̄ utom mbon ndisịme anam mmọ ẹkpa mba,+ koro baba owo mmọ kiet mîfiọkke nte ẹkpekade obio.+ 16  Didie ke editie ye afo, O isọn̄, ke ini edidem fo edide eyenọwọn̄,+ mbọn̄ fo ẹnyụn̄ ẹdiade udia ke usenubọk? 17  O isọn̄, nem esịt ke ini edidem fo edide eyen ọbọn̄, mbọn̄ fo ẹnyụn̄ ẹdiade udia ke ekemini man ẹkop odudu, idịghe ndiyụhọ mmịn.+ 18  Ọkpọsọn̄ ifu anam ndori ufọk etehede, edisụhọde ubọk onyụn̄ anam ufọk odụt.+ 19  Udia anam mme anamutom ẹsak imam, wine onyụn̄ anam uwem enem;+ edi okụk anam ẹnyene kpukpru se ẹyomde.+ 20  Kûtịn̄ idiọk udian edidem idem ke ubetnna fo,+ kûnyụn̄ utịn̄ idiọk udian imọ+ owo ekededi ke esịt ubet fo; koro edibotn̄kpọ emi efede ke enyọn̄ eyemen eketịn̄ ndien n̄kpọ eke enyenede mba eyemen ikọ emi okobụk.+

Mme Ikọ Idakisọn̄