Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Ecclesiastes 1;1-18

1  Ikọ andisop esop,+ eyen David edidem ke Jerusalem.+  Andisop esop ọdọhọ ete: “Ata akpatre ikpîkpu n̄kpọ!+ Ata akpatre ikpîkpu n̄kpọ! Kpukpru n̄kpọ ẹdi ikpîkpu!”+  Nso udori ke owo adia ke kpukpru ọkpọsọn̄ utom esie emi enye esịnde idem anam+ ke idak utịn?+  Emana kiet ebe,+ emana efen onyụn̄ edi;+ edi isọn̄ ada ke nsinsi.+  Ndien utịn n̄ko asiaha, utịn onyụn̄ osop,+ ndien ọsọp aka itie esie emi enye editode asiaha.+  Ofụm ofụme aka edem usụk, ndien akanade aka edem edere.+ Enye akanade onyụn̄ aka iso akanade,+ onyụn̄ afiak ke ebiet emi enye okotode akanade.+  Kpukpru akpa mmọn̄+ ẹwet ẹka inyan̄,+ edi inyan̄ iyọhọke.+ Ebiet emi mme akpa mmọn̄ ẹtode ẹwet ẹwọrọ, do ke mmọ ẹtọn̄ọ ntak ẹka man ẹto do ẹwet ẹwọrọ.+  Kpukpru n̄kpọ ẹnanam owo akpa mba;+ owo ndomokiet ikemeke nditịn̄ mmọ. Ndise iyụhọke enyịn,+ edikop inyụn̄ iyụhọke utọn̄.+  Se idude, oro edinyụn̄ odu;+ se ẹma ẹkenanam, oro ke ẹdinyụn̄ ẹnam; ke ntre idụhe se idide obufa ke idak utịn.+ 10  Nte odu n̄kpọ emi owo ọkpọdọhọde ete: “Sese, emi edi obufa”? Enye ama ododu ata anyan ini ko;+ se idude ama ododu mbemiso ini nnyịn.+ 11  Owo itịghi aba mbon eset, owo idinyụn̄ itịghi n̄ko mbon emi ẹdide ke iso.+ Owo iditịghi mmọ ke otu mbon emi ẹdidide ke ata ini iso.+ 12  Ami, andisop esop, n̄kedi edidem Israel ke Jerusalem.+ 13  Ndien mma nsịn esịt mi nyom nnyụn̄ ndụn̄ọde ọniọn̄+ ke kpukpru n̄kpọ emi ẹnamde ke idak ikpaenyọn̄—kpa utom afanikọn̄ emi Abasi ọnọde nditọ owo ete ẹsịn idem ẹnam.+ 14  Ndien n̄kụt kpukpru utom emi ẹnamde ke idak utịn,+ ndien, sese! kpukpru n̄kpọ ẹdi ikpîkpu ye edifehe mbịne ofụm.+ 15  Owo ikemeke ndinen̄ede se ikwan̄ade,+ owo inyụn̄ ikemeke ndibat se mîdụhe. 16  Ami n̄kọdọhọ ke esịt mi+ nte: “Sese! ami mmọkọ ata ekese ọniọn̄ n̄kan owo ekededi emi ekebemde mi iso odu ke Jerusalem,+ esịt mi onyụn̄ ọkọ ata ekese ọniọn̄ ye ifiọk.”+ 17  Ndien ami nsịn esịt ndifiọk ọniọn̄ ndinyụn̄ mfiọk idat,+ ndien mmedifiọk ebiọ,+ nte ke emi n̄ko edi edifehe mbịne ofụm.+ 18  Koro uwak ọniọn̄ ẹsịn uwak iyatesịt,+ ndien owo emi ọkọde ifiọk ọkọ ubiak.+

Mme Ikọ Idakisọn̄