Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 7;1-26

7  “Ke ini Jehovah Abasi fo ke akpatre edidade fi odụk isọn̄ emi afo akade ndida nnyene,+ enye eyebịn mme idụt emi ẹwakde efep ke iso fo,+ kpa mme Hittite+ ye mme Girgashite+ ye mme Amorite+ ye mbon Canaan+ ye mme Perizzite+ ye mme Hivite+ ye mbon Jebus,+ idụt itiaba emi ẹwakde ẹnyụn̄ ẹsọn̄de odudu ẹkan fi.+  Ndien Jehovah Abasi fo ayayak mmọ esịn fi ke ubọk, ndien afo ayakan mmọ.+ Kûtre ndisobo mmọ mfep.+ Kûnam ediomi ye mmọ, kûnyụn̄ utua mmọ mbọm.+  Kûdụk ediomi ndọ ye mmọ. Kûda eyenan̄wan fo unọ eyeneren esie, kûnyụn̄ uda eyenan̄wan esie unọ eyeneren fo.+  Koro enye ayanam eyeneren fo etre nditiene mi, mmọ ẹyenyụn̄ ẹnam n̄kpọ mme abasi efen;+ ndien Jehovah ayayat esịt ye mbufo, onyụn̄ awara osobo fi efep.+  “Emi edi se mbufo ẹdinamde mmọ: Mbufo ẹwụri mme itieuwa mmọ,+ ẹnyụn̄ ẹbom mme adaha utuakibuot mmọ,+ ẹkpi mme eto utuakibuot+ mmọ ẹduọn̄ọ,+ ẹnyụn̄ ẹfọp ndisọi mbiet mmọ ke ikan̄.+  Koro afo edi edisana ikọt Jehovah Abasi fo.+ Edi afo ke Jehovah Abasi fo emek ete edi ikọt imọ, akpan inyene, ke otu kpukpru owo emi ẹdude ke iso isọn̄.+  “Idịghe koro mbufo ẹkewakde ẹkan kpukpru mme idụt eken akanam Jehovah ama mbufo onyụn̄ emek mbufo,+ koro mbufo ẹkekpri ẹkan ke otu kpukpru mme idụt.+  Edi ekedi koro Jehovah amade mbufo,+ onyụn̄ enịmde un̄wọn̄ọ emi enye ọkọn̄wọn̄ọde ọnọ mme ete ete mbufo,+ akanam Jehovah ada ọkpọsọn̄ ubọk osio mbufo,+ man enye akpanyan̄a mbufo osio ke ufọk ufụn,+ ke ubọk Pharaoh edidem Egypt.  Ndien afo emetịm ọfiọk ete ke Jehovah Abasi fo edi ata Abasi,+ kpa Abasi akpanikọ,+ emi enịmde ediomi+ ye ima-mfọnido ọnọ ediwak tọsịn emana mbon oro ẹmade enye ẹnyụn̄ ẹnịmde mme ibet esie,+ 10  edi osio owo oro asuade enye usiene ke ndisobo enye.+ Enye idinamke ubịghi ye owo oro asuade enye; enye oyosio owo oro usiene. 11  Nyụn̄ nịm ibet ye mme ewụhọ ye mme ubiereikpe oro n̄wụkde fi mfịn emi ke ndinam mmọ.+ 12  “Ndien ama ekem, koro mbufo ẹkpan̄de utọn̄ ke mme ubiereikpe emi ẹnyụn̄ ẹnịmde mmọ ẹnyụn̄ ẹnamde mmọ,+ Jehovah Abasi fo ayanam ediomi+ ye ima-mfọnido emi enye ọkọn̄wọn̄ọde ọnọ mme ete ete fo,+ ọnọ fi. 13  Ndien enye ayama fi onyụn̄ ọdiọn̄+ fi onyụn̄ anam fi awak+ onyụn̄ ọdiọn̄ mfri idịbi+ fo ye mfri in̄wan̄+ fo ye n̄kpasịp fo ye obufa wine fo ye aran fo ye mme abak enan̄ fo ye nditọ ufene+ fo, ke isọn̄ emi enye ọkọn̄wọn̄ọde ọnọ mme ete ete fo ndinọ fi.+ 14  Ọyọfọn ye afo akan kpukpru owo.+ Eren m̀mê n̄wan ididụhe ke otu fo emi mîdinyeneke nditọ, ayara m̀mê uman idinyụn̄ itreke ndinyene nditọ ke otu ufene fo.+ 15  Jehovah oyonyụn̄ emen kpukpru udọn̄ọ efep fi ke idem; ndien amaedi kpukpru ndiọi udọn̄ọ Egypt emi afo ọfiọkde,+ enye ididaha mmọ inọmọ fi, edi enye ayada mmọ ọnọmọ kpukpru mbon oro ẹsuade fi. 16  Ndien afo enyene ndiwot kpukpru mbon oro Jehovah Abasi fo ayakde esịn fi ke ubọk.+ Enyịn fo okûtua mmọ mbọm;+ ndien afo unyeneke ndinam n̄kpọ mme abasi mmọ,+ koro oro eyedi afia ọnọ fi.+ 17  “Edieke afo ọdọhọde ke esịt fo ete, ‘Mme idụt emi ẹwak ẹkan mi ubọk. Ndikeme didie ndibịn mmọ mfep?’+ 18  kûfehe mmọ.+ Kam ti se Jehovah Abasi fo akanamde Pharaoh ye ofụri Egypt,+ 19  ikpọ idomo oro enyịn fo okokụtde,+ ye mme idiọn̄ọ ye mme utịben̄kpọ+ ye ọkpọsọn̄ ubọk+ ye edinyanade ubọk+ emi Jehovah Abasi fo akadade osio fi efep.+ Kpa ntem ke Jehovah Abasi fo edinam ye kpukpru mbon oro afo efehede.+ 20  Ndien Jehovah Abasi fo ayanam mmọ ẹkop mfụhọ,+ tutu mbon oro ẹkesụhọde ye mbon oro ẹkedịbede man ẹbọhọ fi, ẹkpan̄a ẹma.+ 21  Kûfehe mmọ, koro Jehovah Abasi fo odude ye afo,+ kpa akwa ye enyene-uten̄e Abasi.+ 22  “Ndien Jehovah Abasi fo eyebịn mme idụt emi efep ke iso fo nsịtnsịt.+ Idiyakke fi osobo mmọ okụre ini kiet, mbak ndiọi unam ikọt ẹdiwak ẹkan fi ubọk. 23  Ndien Jehovah Abasi fo ayayak mmọ esịn fi ke ubọk oyonyụn̄ asuan mmọ ke akwa ndutịme, tutu ẹsobo mmọ ẹma.+ 24  Ndien enye ayayak ndidem mmọ esịn fi ke ubọk,+ afo oyonyụn̄ osobo enyịn̄ mmọ efep ke idak ikpaenyọn̄.+ Baba owo kiet idisọn̄ọke ida fi ke iso,+ tutu afo osobo mmọ ama.+ 25  Mbufo ẹnyene ndifọp ndisọi mbiet mme abasi mmọ ke ikan̄.+ Kûyom silver ye gold emi ẹfụhọde mmọ ke idem,+ kûnyụn̄ uda mmọ unọ idemfo,+ mbak enye editap fi;+ koro emi edide mbubiam n̄kpọ+ ke enyịn Jehovah Abasi fo. 26  Kûda mbubiam n̄kpọ udụk ke ufọk fo mbak udukabade udi n̄kpọ nsobo nte enye. Sua enye ata etieti nyụn̄ da enye ke ata n̄kpọ mbubiam,+ koro enye edide n̄kpọ oro ẹnịmde ẹnọ nsobo.+

Mme Ikọ Idakisọn̄