Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 4;1-49

4  “O Israel, ẹkop ndien mme ewụhọ ye mme ubiereikpe oro n̄kpepde mbufo nte ẹnam, man mbufo ẹkpedu uwem,+ ẹkpenyụn̄ ẹbe ẹkeda isọn̄ oro Jehovah Abasi mme ete ete mbufo ọnọde mbufo.  Mbufo ẹkûdian ẹkûnyụn̄ ẹsio n̄kpọ ke ikọ oro ntemede mbufo,+ man ẹnam mme ewụhọ Jehovah Abasi mbufo emi n̄wukde mbufo.  “Enyịn mbufo ẹma ẹkụt se Jehovah akanamde ke ikọ Baal Peor,+ nte Jehovah Abasi fo okosobode kpukpru mbon oro ẹketienede Baal Peor ke otu mbufo.+  Edi kpukpru mbufo emi ẹsọn̄ọde ẹyịre+ ye Jehovah Abasi mbufo ẹmedu uwem tutu esịm mfịn emi.  Sese, mmekpep mbufo mme ewụhọ+ ye mme ubiereikpe,+ kpa nte Jehovah Abasi mi eketemede mi, man mbufo ẹnam kpa ntre ke isọn̄ emi mbufo ẹkade ndida nnyene.  Ndien mbufo ẹnyene ndinịm mmọ nnyụn̄ nnam mmọ, koro emi ayanam mbufo ẹnyene ọniọn̄+ ye asian+ ke iso mbon oro ẹdikopde kpukpru mme ewụhọ emi, ndien mmọ iditreke ndidọhọ, ‘Ke akpanikọ, akwa idụt emi edi mbon ọniọn̄ ye mbon ifiọk.’+  Koro ewe akamba idụt+ odu emi mme abasi esie ẹkperede enye nte emi Jehovah Abasi ekperede nnyịn ke ofụri eseme emi nnyịn isemede ikot enye?+  Ewe akamba idụt onyụn̄ odu emi enyenede ndinen ewụhọ ye mme ubiereikpe eke ẹbietde kpukpru ibet emi ami nnọde mbufo mfịn emi?+  “Edi kpeme idemfo nyụn̄ tịm kpeme ukpọn̄ fo,+ mbak afo udufre mme n̄kpọ oro enyịn fo okụtde,+ mmọ ẹdinyụn̄ ẹwọrọ fi ke esịt ke ofụri usen uwem fo;+ ndien afo enyene ndisian nditọ fo ye nditọ nditọ fo n̄kpọ emi,+ 10  oro edi, usen emi afo akadade ke iso Jehovah Abasi fo ke Horeb,+ ke ini Jehovah ọkọdọhọde mi ete, ‘Bon mme owo ọtọkiet nọ mi man nnam mmọ ẹkop ikọ mi,+ man mmọ ẹkpep ndibak+ mi ke ofụri usen emi mmọ ẹdude uwem ke isọn̄ man mmọ ẹnyụn̄ ẹkpep nditọ mmọ.’+ 11  “Ntre mbufo ẹma ẹsan̄a ẹkpere ẹnyụn̄ ẹdida ke ukot obot oro, ndien ikan̄ emi asakde ke obot oro ọdọk esịm ufọt enyọn̄; ekịm ye obubịt enyọn̄ ye ọkpọsọn̄ ekịm ẹnyụn̄ ẹdu.+ 12  Ndien Jehovah etịn̄ ikọ ke ufọt ikan̄ oro ọnọ mbufo.+ Uyo ikọ ke mbufo ẹkekop, mbufo ikekwe baba mbiet+ kiet—sụk uyo kpọt ke mbufo ẹkekop.+ 13  Enye ama onyụn̄ asian mbufo ediomi+ esie emi enye okowụkde mbufo ete ẹnịm—kpa Ikọ Duop,+ ekem enye ewet mmọ ke itiatn̄wed iba.+ 14  Ami ke Jehovah okonyụn̄ owụk ke ini oro ete n̄kpep mbufo mme ewụhọ ye mme ubiereikpe, man mbufo ẹnam mmọ ke isọn̄ emi mbufo ẹbede ẹka ndida nnyene.+ 15  “Mbufo ẹtịm ẹkpeme ukpọn̄ mbufo,+ koro mbufo ikekwe baba mbiet+ kiet ke usen oro Jehovah eketịn̄de ikọ ke ufọt ikan̄ oro ọnọ mbufo ke Horeb, 16  mbak mbufo ẹdinam se idade nsobo idi,+ ẹdinyụn̄ ẹnam edisọi mbiet ẹnọ idem mbufo, kpa mbiet ekededi eke ebietde eren m̀mê n̄wan,+ 17  ye mbiet unam ekededi ke isọn̄,+ ye mbiet inuen mba ekededi eke efede ke enyọn̄,+ 18  ye mbiet n̄kpọ ekededi eke ọnyọnide ke isọn̄, ye mbiet iyak+ ekededi eke odude ke mmọn̄ ke idak isọn̄; 19  mbak afo udunyụn̄ umenede enyịn use enyọn̄ unyụn̄ ukụt utịn ye ọfiọn̄ ye mme ntantaọfiọn̄, ofụri udịm enyọn̄, ndien afo awaha ọkpọn̄ usụn̄ okonụhọ ọnọ mmọ onyụn̄ anam n̄kpọ mmọ,+ emi Jehovah Abasi fo ekedemede ọnọ kpukpru owo ke idak ikpaenyọn̄.+ 20  Edi mbufo ẹdi mmọ oro Jehovah akadade man enye osio mbufo ke akwa ikan̄ utara ukwak,+ ke Egypt, man ẹkabade ẹdi inyene esie+ kpa nte edide mfịn emi. 21  “Ndien Jehovah ayat esịt ye ami ke ntak mbufo,+ enye onyụn̄ ọn̄wọn̄ọ ete ke ndibehe Jordan emi, ndinyụn̄ ndụkke eti isọn̄ oro Jehovah Abasi fo ọnọde fi ke udeme.+ 22  Koro ami mmọn̄ n̄kpa ke isọn̄ emi.+ Ami ndibehe Jordan, edi mbufo ẹyebe ẹkeda eti isọn̄ oro ẹnyene. 23  Ẹkpeme idem mbak mbufo ẹdifre ediomi emi Jehovah Abasi mbufo akanamde ye mbufo,+ ẹdinyụn̄ ẹnam edisọi mbiet ẹnọ idem mbufo, kpa mbiet n̄kpọ ekededi emi Jehovah Abasi fo akakpande fi.+ 24  Koro Jehovah Abasi fo edi ikan̄ eke atade-ta,+ kpa Abasi emi oyomde san̄asan̄a utuakibuot.+ 25  “Edieke afo edibonde nditọ ye nditọ nditọ, mbufo ẹdinyụn̄ ẹdude ẹbịghi ke isọn̄, ndien ẹnam se idade nsobo idi+ ẹnyụn̄ ẹnam edisọi mbiet,+ kpa mbiet n̄kpọ ekededi, ẹnyụn̄ ẹnam se idiọkde ke enyịn Jehovah Abasi fo+ ẹnyụn̄ ẹyat enye esịt, 26  mmowụk enyọn̄ ye isọn̄ nte ẹdi ntiense ẹban̄a mbufo mfịn emi,+ nte ke mbufo iditreke ndisọp n̄kpan̄a n̄wọrọ ke isọn̄ emi mbufo ẹbede Jordan ẹka do ndida nnyene. Mbufo idibịghike ke esịt, koro ẹyesobo mbufo.+ 27  Ndien Jehovah ayasuan mbufo ọdọn̄ ke otu mme idụt,+ ndien mbufo ẹdisụhọ esisịt+ ke otu mme idụt emi Jehovah edibịnde mbufo ẹka. 28  Ndien mbufo ẹyenam n̄kpọ mme abasi+ efen do, kpa mme abasi emi ubọk owo ẹnamde, eto ye itiat,+ emi mîkemeke ndikụt n̄kpọ m̀mê ndikop n̄kpọ m̀mê ndidia n̄kpọ m̀mê ndikop utebe.+ 29  “Edieke afo edidude do oyom Jehovah Abasi fo, afo oyokụt enye,+ koro afo ediyomde enye ke ofụri esịt fo ye ke ofụri ukpọn̄ fo.+ 30  Ke ini afo edidude ke nnanenyịn, kpukpru ikọ emi ẹdinyụn̄ ẹwọrọde ẹnọ fi ke utịt mme usen oro, do afo enyene ndifiak ntiene Jehovah Abasi fo+ nnyụn̄ n̄kop uyo esie.+ 31  Koro Jehovah Abasi fo edi Abasi mbọm.+ Enye idikpọn̄ke fi idinyụn̄ isoboke fi m̀mê ndifre ediomi+ oro enye ọkọn̄wọn̄ọde ọnọ mme ete ete fo. 32  “Ntem, mbọk, bụp ban̄a mme usen eset+ emi afo mûkodụhe, ọtọn̄ọde ke usen emi Abasi okobotde owo ke isọn̄+ onyụn̄ ọtọn̄ọde ke utịt ikpaenyọn̄ kiet tutu esịm utịt eken, Nte akanam ẹnam akwa n̄kpọ eke etiede ntem m̀mê ẹkop n̄kpọ ekededi eke etiede ntem?+ 33  Nte akanam mbon efen ẹkop nte Abasi etịn̄de ikọ ke ufọt ikan̄ kpa nte afo okokopde, ndien ẹsụk ẹdu uwem?+ 34  Mîdịghe nte akanam Abasi odomo ndidi ndisio idụt kiet nnọ idemesie ke otu idụt efen ebe ke ndida mme idomo,+ ye mme idiọn̄ọ+ ye mme utịben̄kpọ+ ye ekọn̄+ ye ọkpọsọn̄ ubọk+ ye edinyanade ubọk+ ye ikpọ n̄kpọndịk+ nte ofụri n̄kpọ emi Jehovah Abasi mbufo akanamde ọnọ mbufo ke Egypt ke enyịn fo? 35  Ẹkewụt fi, man afo ọfiọk ete ke Jehovah edi ata Abasi;+ efen inyụn̄ idụhe ke ẹsiode enye ẹfep.+ 36  Enye etie ke heaven anam fi okop uyo esie man enen̄ede fi; onyụn̄ anam fi okụt akwa ikan̄ esie ke isọn̄ onyụn̄ okop mme ikọ eke enye etịn̄de ke ufọt ikan̄.+ 37  “Edi kpa ye oro afo osụk odu uwem, koro enye akamade mme ete ete fo tutu emek mfri mmọ emi ẹtienede mmọ+ ndien atat enyịn esie ese fi onyụn̄ ada akwa odudu esie osio fi ke Egypt,+ 38  man ebịn mme idụt emi ẹkponide ẹnyụn̄ ẹkopde odudu ẹkan fi, ete ida fi idụk inyụn̄ inọ fi isọn̄ mmọ nte udeme kpa nte enye anamde mfịn emi.+ 39  Ndien afo ọmọfiọk mfịn emi onyụn̄ enyene nditi ete ke Jehovah edi ata Abasi ke heaven ke enyọn̄ ye ke isọn̄ ke idak.+ Efen idụhe.+ 40  Ndien afo enyene ndinịm mme ewụhọ esie+ ye mme ibet esie emi ami ntemede fi mfịn emi, man ọkpọfọn ye afo+ ye nditọ fo emi ẹditienede fi, man afo okponyụn̄ odu uwem ebịghi ke isọn̄ emi Jehovah Abasi fo ọnọde fi,+ ke nsinsi.” 41  Ke ini oro Moses osio obio ita enịm ke edem Jordan emi esede edem usiahautịn,+ 42  man owo emi owotde ekemmọ owo ke ndudue,+ mîkonyụn̄ isuaha enye ke mbemiso ekpefehe aka do;+ ndien enye enyene ndifehe n̄ka kiet ke otu obio emi nnyụn̄ ndu uwem,+ 43  oro edi, Bezer+ ke wilderness ke unaisọn̄, emi enyene esien Reuben, Ramoth+ ke Gilead enyene esien Gad, Golan+ ke Bashan enyene esien Manasseh.+ 44  Ibet+ emi ke Moses ọkọnọ nditọ Israel. 45  Mmọ emi ẹdi mme ikọ ntiense+ ye mme ewụhọ+ ye mme ubiereikpe+ oro Moses eketịn̄de ọnọ nditọ Israel ke ini mmọ ẹkewọn̄ọde ke Egypt, 46  ke ikpehe Jordan ke itịghede emi asakde iso ese Beth-peor,+ ke isọn̄ Sihon edidem mme Amorite, emi okodụn̄de ke Heshbon,+ emi Moses ye nditọ Israel ẹkekande ke ini mmọ ẹkewọn̄ọde ke Egypt.+ 47  Ndien mmọ ẹda isọn̄ esie ye isọn̄ Og,+ edidem Bashan, ndidem mme Amorite mbiba, emi ẹkedụn̄de ke ikpehe Jordan emi esede edem usiahautịn, 48  ọtọn̄ọde ke Aroer,+ emi odude ke mben itịghede mmọn̄ Arnon, tutu ẹsịm Obot Sion, oro edi, Hermon,+ 49  ye ofụri Arabah+ ke ikpehe Jordan emi esede edem usiahautịn, tutu esịm inyan̄ Arabah+ ke usụk usụk itịghede Pisgah.+

Mme Ikọ Idakisọn̄