Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Deuteronomy 32;1-52

32  “O mme heaven, ẹkpan̄ utọn̄, yak ntịn̄ ikọ;Isọn̄, nyụn̄ kop ikọ inua mi.+   Item mi eyedep nte edịm,+Ikọ mi ọyọtọi nte mbara,+Nte n̄ken̄e ukot edịm ke mbiet+Ye nte ikpọ ukot edịm ke ikọn̄.+   Koro nyatan̄a enyịn̄ Jehovah.+Mbufo ẹnọ Abasi nnyịn ubọn̄!+   Akwa Itiat, utom esie ọfọn ama,+Koro kpukpru usụn̄ esie ẹnende.*+Abasi akpanikọ,+ emi mîkpehe ukwan̄ikpe;+Enye edi eti ye edinen.+   Mmọ ẹmenam se idade nsobo idi;+Mmọ idịghe nditọ esie, ndo edi eke mmọ.+Mmọ ẹdi idiọk ye n̄kakwan̄a emana!+   Nte mbufo ẹnam ntem ye Jehovah,+O mbon ndisịme emi mînyeneke ọniọn̄?+Nte idịghe enye edi Ete fo emi akanamde fi,+Enye emi okobotde fi, onyụn̄ anamde fi ọsọn̄ọ ada?+   Ti mme usen eset,+Mbufo ẹkere ẹban̄a mme emana emi ẹkebede;Bụp usọ, ndien enye ayasian fi;+Bụp n̄kani owo, ndien mmọ ẹyedọhọ fi.+   Ke ini Ata Edikon̄ ọkọnọde mme idụt udeme mmọ,+Ke ini enye akasuande nditọ Adam,+Enye enịm adan̄a mme idụt+Nte ibat nditọ Israel asan̄ade.+   Koro udeme Jehovah edi ikọt esie;+Jacob edi ubak udeme emi enye adade enyene.+ 10  Enye okokụt enye ke isọn̄ wilderness,+Ye ke ukpọk desat, emi oyomode.+Enye akan enye okụk,+ onyụn̄ ese aban̄a enye,+Man ekpeme enye nte eyen enyịn esie.+ 11  Nte ntrukpom enyen̄ede efọk esie, Efe ofụk nditọ esie,+Atat mba esie, emen mmọ,Emen mmọ ke utịt mba esie,+ 12  Jehovah ikpọn̄-ikpọn̄ akada enye usụn̄,+Esen abasi ikonyụn̄ idụhe ye enye.+ 13  Enye anam enye awat ke mme edikon̄ ebiet isọn̄,+Tutu enye adia mbun̄wụm in̄wan̄.+Enye anam enye osio aranọkwọk ke akwa itiat adia,+Ye aran ke ọkpọsọn̄ itiat;+ 14  Bọta emi otode enan̄ ye mmọn̄eba erọn̄+Ọkọrọ ye ikpọn̄ okukịm,Ye ayara erọn̄, orụk erọn̄ Bashan, ye okpo ebot+Ọkọrọ ye ata eti wheat;+Afo onyụn̄ ọn̄wọn̄ iyịp mfri vine nte wine.+ 15  Ke ini Jeshurun*+ ọtọn̄ọde ndisehe, enye ọsọn̄ ibuot.+Afo emesehe, omokpon, afo omokpon ubom.+Ntre enye ọkpọn̄ Abasi, emi akanamde enye,+Onyụn̄ esịn Akwa Itiat+ edinyan̄a esie ke ndek. 16  Mmọ ẹnam enye efịbe ufụp+ ke ndituak ibuot nnọ isen abasi;+Mmọ ẹyat enye esịt ke mbubiam n̄kpọ mmọ.+ 17  Mmọ ẹwa uwa ẹnọ mme demon, iwaha inọ Abasi,+Mme abasi emi mmọ mîkọfiọkke,+Mbufa abasi emi ẹtode ẹdi ndondo emi,+Emi mme ete ete mbufo mîkọfiọkke. 18  Afo utịghi Akwa Itiat emi okobonde fi,+Onyụn̄ efre Abasi, kpa Enye emi akamande fi ke ubiak uman.+ 19  Ke ini Jehovah okụtde, enye ikponoke mmọ,+Ke ntak emi nditọiren esie ye nditọiban esie ẹyatde enye esịt. 20  Ntre enye ọdọhọ ete, ‘Yak ndịp mmọ iso mi,+Yak nse nte utịt mmọ editiede.Koro mmọ ẹdide emana ntụtutọn̄,+Nditọ emi akpanikọ mîdụhe mmọ ke esịt.+ 21  Mmọ ẹda se mîdịghe abasi+ ẹsịn mi mfịbe ufụp;Mmọ ẹda ikpîkpu mbiet mmọ ẹyat mi esịt;+Ndien ami nyada se mîdịghe idụt nnam mmọ ẹfịbe ufụp;+Nyada idụt eke mînyeneke ibuot nyat mmọ esịt.+ 22  Koro ikan̄ obụberede asak ke iyatesịt mi+Oyonyụn̄ asak tutu esịm Udi,* ata ntotụn̄ọ ebiet,+Onyụn̄ ata isọn̄ ye mbun̄wụm esie+Onyụn̄ ekịm ikan̄ ke isọn̄ obot.+ 23  Nyanam ediwak afanikọn̄ ẹsịm mmọ;+Idan̄ mi oyokụre mmọ ke idem.+ 24  Mmọ ẹyekpa mba ke ntak ọbiọn̄+ ẹnyụn̄ ẹdọn̄ọ ọkpọsọn̄ ufiopidem+Ẹnyụn̄ ẹkụt ata idiọk nsobo.+Ndien nyọdọn̄ mme unam ikọt ẹkedom mmọ,+Ye ifọt unam eke ẹnyọnide ke ntan.+ 25  Akan̄kan̄ oyowot mmọ ke an̄wa,+Ndịk owot mmọ ke esịtufọk,+Akparawa ye n̄kaiferi,+Eyennsek ye owo eke etịbede iwat.+ 26  N̄kpọdọhọ nte: “Nyasuan mmọ,+Nyanam mme owo ẹtre nditịn̄ mban̄a mmọ,”+ 27  Ke mîkpedịghe emi n̄kefehede iyatesịt mme asua,+Mbak mme asua mmọ ẹdida ke usụn̄ efen,+Mbak mmọ ẹdidọhọ: “Ubọk nnyịn omokop odudu,+Inyụn̄ idịghe Jehovah akanam kpukpru n̄kpọ emi.”+ 28  Koro mmọ ẹdide idụt eke mînyeneke ibuot,+Ifiọk inyụn̄ idụhe ke otu mmọ.+ 29  Ubaha nte mmọ ẹkpenyenede ọniọn̄!+ Mmọ ẹkpetie ẹkere n̄kpọ emi.+Mmọ ẹkpekere ẹban̄a utịt mmọ.+ 30  Owo kiet ekeme didie ndibịne tọsịn,Owo iba ẹnyụn̄ ẹkeme didie ndinam tọsịn duop ẹfen̄e?+Ibọhọke Akwa Itiat mmọ ama anyam mmọ+Jehovah ama onyụn̄ ayak mmọ ọnọ. 31  Koro itiat mmọ mîbietke Akwa Itiat nnyịn,+Mme asua nnyịn ẹyenyụn̄ ẹfiọk ke emi edi ntre.+ 32  Koro vine mmọ otode ke vine SodomYe ke in̄wan̄ Gomorrah.+Mfri vine mmọ edi mfri ibọkn̄kpa,Mme etuek mmọ ẹdodoro.+ 33  Wine mmọ edi ifọt ikpọ urụkikọtYe ifọt ebre.+ 34  Nte emi idụhe ye ami,Inyụn̄ ifịkke enye ufịkn̄kpọ inịm ke ufọk ubonn̄kpọ mi?+ 35  Usiene ye ufen ẹnyene mi.+Ukot mmọ oyofụmede ke edikem ini,+Koro usen nsobo mmọ emekpere,+Ndien mme n̄kpọ emi ẹditịbede ẹnọ mmọ ke ẹwara ẹdi.’+ 36  Koro Jehovah eyekpe ikpe ikọt esie+ Oyonyụn̄ okpụhọ ekikere* aban̄a mme asan̄autom esie,+Koro enye oyokụt ke ibetedem idụhe abaYe nte ke anana-un̄wam ye ikpîkpu owo kpọt odu. 37  Ndien enye ọyọdọhọ ete, ‘Mme abasi mmọ ẹdu m̀mọ̀n̄,+Kpa itiat emi mmọ ẹkekade ẹkeyom ubọhọ,+ 38  Emi ẹkesitade ikpọn̄ uwa mmọ,+Ẹnyụn̄ ẹn̄wọn̄de wine edin̄wọn̄ uwa mmọ?+Yak mmọ ẹdaha ẹda ẹn̄wam mbufo.+Ẹnyụn̄ ẹdi ebiet udịbe mbufo.+ 39  Mbufo ẹkụt, ndien, ẹte ke ami ndi enye,+Mme abasi inyụn̄ idụhe ikọrọ ye ami.+Ami n̄wot, ami nnyụn̄ nnịm uwem.+Ami nnọ unan idiọk idiọk,+ ami ndinyụn̄ n̄kọk,+Baba owo eke osiode ke ubọk mi inyụn̄ idụhe.+ 40  Koro mmemenede ubọk mi ke enyọn̄ n̄n̄wọn̄ọ,+Nnyụn̄ ndọhọ nte: “Ma uwem mi ke nsinsi,”+ 41  Edieke mbande nsemnsem akan̄kan̄ mi,+Ubọk mi onyụn̄ ebierede ikpe,+Nyosio usiene ye mme asua mi+Nnyụn̄ nnọ mmọ eke ẹnen̄erede ẹsua mi ufen.+ 42  Nyọnọ mme idan̄ mi iyịp ẹn̄wọn̄ ẹyụhọ,+Ke adan̄aemi akan̄kan̄ mi adiade obụk,+Ye iyịp mmọ eke ẹkpan̄ade afai ye eke mbuotekọn̄,Ye mme ibuot mme andida mme asua usụn̄.’+ 43  Mbufo mme idụt, ẹtiene ikọt esie ẹdat esịt,+Koro enye oyosio usiene iyịp mme asan̄autom esie,+Onyụn̄ osio mme asua esie usiene+Oyonyụn̄ osio isop ọnọ isọn̄ ikọt esie.” 44  Ntem ke Moses edi editịn̄ kpukpru ikọ ikwọ emi ke utọn̄ mme owo,+ enye ye Hoshea eyen Nun.+ 45  Ke Moses ama eketịn̄ kpukpru ikọ emi ọnọ ofụri Israel ama, 46  enye ọdọhọ mmọ ete: “Ẹsịn esịt mbufo ke kpukpru ikọ emi ami nsiande mbufo mfịn emi,+ man mbufo ẹkpeteme nditọ mbufo ẹte ẹtịn̄ enyịn ẹnam kpukpru ikọ ibet emi.+ 47  Koro enye mîdịghe ikọ eke mînyeneke ufọn inọ mbufo,+ edi ọwọrọ uwem mbufo,+ ndien mbufo ẹdida ikọ emi ẹnam mme usen mbufo ẹbịghi ke isọn̄ emi mbufo ẹbede Jordan ẹka ndida nnyene.”+ 48  Ndien Jehovah ọdọhọ Moses kpasụk ke usen oro ete: 49  “Dọk Obot Abarim+ emi, kpa Obot Nebo,+ emi odude ke isọn̄ Moab, asak iso ese Jericho, nyụn̄ se isọn̄ Canaan, emi nnọde nditọ Israel nte ẹda ẹnyene.+ 50  Nyụn̄ kpa ke obot emi afo ọdọkde aka do, nyụn̄ tiene orụk fo,+ kpa nte Aaron eyenuka akakpade ke Obot Hor+ etiene orụk esie; 51  ke ntak emi mbufo ẹkesọn̄de ibuot ye ami+ ke otu nditọ Israel ke mmọn̄ Meribah+ ke Kadesh, ke wilderness Zin; koro mbufo mîkadaha mi ke edisana ke otu nditọ Israel.+ 52  Koro afo edida nsannsan okụt isọn̄ oro, edi ududụkke isọn̄ emi ami nnọde nditọ Israel.”+

Mme Ikọ Idakisọn̄

At. Ed., “unenikpe.”
Ọwọrọ “Edinen Owo”; kpa enyịn̄ ukpono emi ẹkotde Israel.
Heb., “Sheol.” Se N̄w. Ik. 5.
At. Ed., “atua n̄kpọfiọk.”