Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 30;1-20

30  “Ndien ama ekem, ke ini kpukpru ikọ emi ẹdisude fi ke idem, kpa edidiọn̄+ ye isụn̄i,+ emi nnịmde fi ke iso, afo edinyụn̄ ekerede mmọ ke esịt+ fo ke otu kpukpru mme idụt emi Jehovah Abasi fo ebịnde fi esịn,+  ndien afo afiak etiene Jehovah Abasi fo,+ onyụn̄ okop uyo esie ke kpukpru se ami n̄wụkde fi mfịn emi, afo ye nditọ fo, ke ofụri esịt fo ye ke ofụri ukpọn̄ fo,+  Jehovah Abasi fo ayafiak ada ikọt fo oro ẹkemụmde nte mbuotekọn̄+ ọnyọn̄ edi onyụn̄ atua fi mbọm,+ onyụn̄ ọtọn̄ọ ntak atan̄ fi ke kpukpru mme idụt emi Jehovah Abasi fo akasuande fi ọdọn̄.+  Ekpedi ikọt fo emi ẹbịnde ẹfep ẹdu ke utịt ikpaenyọn̄, do ke Jehovah Abasi fo edika akatan̄ fi, do ke enye edinyụn̄ aka akada fi edi.+  Jehovah Abasi fo ayada fi edi ke isọn̄ emi mme ete fo ẹkedade ẹnyene, afo oyonyụn̄ ada enye enyene; ndien Enye ọyọfọn mfọn ye afo onyụn̄ anam fi awak akan mme ete fo.+  Ndien Jehovah Abasi fo eyenịm esịt fo ye esịt nditọ fo mbobi,+ man afo ama Jehovah Abasi fo ke ofụri esịt fo ye ke ofụri ukpọn̄ fo, man afo onyụn̄ odu uwem.+  Ndien Jehovah Abasi fo ayada kpukpru isụn̄i emi etiene mme asua fo, ye mmọ eke mîmaha fi, emi ẹkọbọde fi.+  “Edi afo oyokop uyo ọnọ Jehovah onyụn̄ anam kpukpru mme ewụhọ esie emi ami n̄wụkde fi mfịn emi.+  Ndien Jehovah Abasi fo ayanam fi enyene n̄kpọ barasuene ke kpukpru utom ubọk fo,+ ke mfri idịbi fo ye ke mfri idịbi ufene+ fo ye ke mfri in̄wan̄+ fo, osụn̄ọde ke uforo;+ koro Jehovah ọyọtọn̄ọ ntak adat esịt aban̄a fi ke ufọn fo kpa nte enye akadatde esịt aban̄a mme ete ete fo;+ 10  koro afo oyokop uyo Jehovah Abasi fo onyụn̄ enịm mme ibet esie ye mme ewụhọ esie emi ẹwetde ke n̄wed mbet emi,+ koro afo ayafiak etiene Jehovah Abasi fo ke ofụri esịt fo ye ke ofụri ukpọn̄ fo.+ 11  “Koro ewụhọ emi ami n̄wụkde fi mfịn emi isọn̄ke ikan fi ndinam, inyụn̄ iyomke usụn̄.+ 12  Enye idụhe ke enyọn̄, emi afo ọkpọdọhọde ete, ‘Anie edidọk okodụk heaven ọnọ nnyịn man akada enye ọsọk nnyịn onyụn̄ ada enye asian nnyịn man nnyịn inam enye?’+ 13  Enye inyụn̄ idụhe ke edem inyan̄ oko, emi afo ọkpọdọhọde ete, ‘Anie edibe aka edem inyan̄ oko ọnọ nnyịn man akada enye ọsọk nnyịn onyụn̄ ada enye asian nnyịn man nnyịn inam enye?’ 14  Koro ikọ emekpere fi etieti, ke inua fo ye ke esịt fo,+ man afo anam enye.+ 15  “Sese, mmada uwem ye eti n̄kpọ, n̄kpa ye idiọk, nnịm fi ke iso mfịn emi.+ 16  Edieke afo edikpan̄de utọn̄ ke mme ibet Jehovah Abasi fo, emi n̄wụkde fi mfịn emi, edinyụn̄ amade Jehovah Abasi fo,+ onyụn̄ asan̄a ke usụn̄ esie, onyụn̄ enịm mme ibet+ esie ye mme ewụhọ esie ye mme ubiereikpe+ esie, afo oyodu uwem+ onyụn̄ ọtọt, ndien Jehovah Abasi fo ọyọdiọn̄ fi ke isọn̄ emi afo akade ndida nnyene.+ 17  “Edi edieke esịt fo ọwọn̄ọrede, afo mûnyụn̄ ukpan̄ke utọn̄,+ edi ayakde ẹtap fi okonụhọ ọnọ mme abasi efen onyụn̄ anam n̄kpọ mmọ,+ 18  ndọhọ mbufo mfịn emi nte ke mbufo iditreke nditak.+ Usen mbufo idibịghike ke isọn̄ emi afo ebede Jordan aka do ndida nnyene. 19  Mmowụk enyọn̄ ye isọn̄ nte ẹdi ntiense ẹban̄a mbufo mfịn emi,+ nte ke mmada uwem ye n̄kpa,+ edidiọn̄+ ye isụn̄i,+ nnịm fi ke iso; mek uwem man afo ye nditọ fo ẹkpedu uwem,+ 20  ebe ke ndima Jehovah Abasi fo,+ ke ndikop uyo esie, ye ke ndiyịre ye enye;+ koro enye edide uwem fo ye uniọn̄ mme usen fo,+ man afo odụn̄ ke isọn̄ emi Jehovah ọkọn̄wọn̄ọde ọnọ mme ete ete fo Abraham ye Isaac ye Jacob, ete iyọnọ mmọ.”+

Mme Ikọ Idakisọn̄