Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 3;1-29

3  “Ekem nnyịn iwọn̄ọde ikasan̄a usụn̄ Bashan idọk. Ntre Og+ edidem Bashan ọwọrọ edi, enye ye ofụri ikọt esie, ndin̄wana ekọn̄ ye nnyịn ke Edrei.+  Ntre Jehovah ọdọhọ mi ete, ‘Kûfehe enye,+ koro nyada enye ye kpukpru ikọt esie ye obio esie nsịn fi ke ubọk; ndien afo ayanam enye kpa nte akanamde Sihon,+ edidem mme Amorite, emi okodụn̄de ke Heshbon.’  Ntem Jehovah Abasi nnyịn onyụn̄ ada Og, edidem Bashan, ye kpukpru ikọt esie esịn nnyịn ke ubọk, ndien nnyịn iwot ikọt esie tutu owo baba kiet isụhọke inọ enye.+  Ndien nnyịn ida kpukpru mme obio esie ke ini oro. Obio baba kiet eke nnyịn mîkọbọhọ mmọ idụhe, obio ata,+ kpa ofụri ikpehe Argob,+ obio ubọn̄ Og ke Bashan.+  Kpukpru obio emi ẹma ẹnyene n̄kokon̄ ibibene ukpeme, usụn̄ ye eto usịnusụn̄, ọkọrọ ye ata ediwak obio-in̄wan̄.  Edi nnyịn ima isobo mmọ,+ kpa nte nnyịn ikosobode Sihon edidem Heshbon, ke ndisobo kpukpru mme obio, irenowo, iban ye n̄kpri nditọwọn̄.+  Nnyịn ima inyụn̄ itan̄ kpukpru ufene ye n̄kpọ mbụme ke mme obio oro ida inọ idem nnyịn.+  “Ndien ke ini oro nnyịn ima isio isọn̄ oro ke ubọk ndidem mme Amorite+ mbiba emi ẹkedude ke ikpehe Jordan, ọtọn̄ọde ke itịghede mmọn̄ Arnon+ tutu esịm Obot Hermon;+  (mbon Sidon ẹkesikot Hermon Sirion,+ mme Amorite ẹkenyụn̄ ẹkot enye Senir,)+ 10  kpukpru mme obio unaisọn̄ ye ofụri Gilead ye ofụri Bashan tutu esịm Salecah+ ye Edrei,+ kpa mme obio ubọn̄ Og ke Bashan. 11  Koro Og edidem Bashan kpọt okosụhọ ke otu mme Rephaim.+ Sese! Ẹkeda ukwak ẹnam n̄kpọ umen okpo esie. Nte n̄kpọ umen okpo emi idụhe ke Rabbah+ nditọ Ammon? Uniọn̄ esie edi cubit usụkkiet, ubom onyụn̄ edi cubit inan̄ ke udomo owo. 12  Ndien nnyịn ida isọn̄ emi inyene ini oro; ọtọn̄ọde ke Aroer,+ emi odude ke itịghede mmọn̄ Arnon, ye ubak obot obot ikpehe Gilead, mmonyụn̄ nda mme obio esie nnọ nditọ Reuben ye nditọ Gad.+ 13  Nnyụn̄ nda ikpehe Gilead+ eken ye ofụri Bashan+ ke obio ubọn̄ Og nnọ ubak esien Manasseh. Nte owo ikotke ofụri ikpehe Argob+ ke ofụri Bashan isọn̄ mme Rephaim?+ 14  “Jair,+ eyen Manasseh, ada ofụri ikpehe Argob+ tutu esịm adan̄a mbon Geshur+ ye mbon Maacath,+ ndien enye ada enyịn̄ esie osio mme obio Bashan oro, Havvoth-jair,+ tutu esịm mfịn emi. 15  Mmonyụn̄ nda Machir+ nnọ Gilead.+ 16  Mmọnọ nditọ Reuben+ ye nditọ Gad ọtọn̄ọde ke Gilead+ tutu esịm itịghede mmọn̄ Arnon, ufọt ufọt itịghede mmọn̄ emi edi adan̄a, tutu esịm Jabbok, itịghede mmọn̄ emi edi adan̄a nditọ Ammon;+ 17  ọkọrọ ye Arabah ye Jordan ye adan̄a esie, ọtọn̄ọde ke Chinnereth+ tutu esịm inyan̄ Arabah, kpa Inyan̄ Inụn̄,+ emi odude ke usụk usụk itịghede Pisgah+ ke edem usiahautịn. 18  “Ntre mma nteme mbufo ke ini oro nte, ‘Jehovah Abasi mbufo ọmọnọ mbufo isọn̄ emi ẹda ẹnyene. Mbufo ẹyetịm idem ẹsan̄a ẹbe ke iso nditọete mbufo, kpa nditọ Israel, kpukpru mbon uko.+ 19  Sụk iban mbufo ye nditọwọn̄ mbufo ye ufene mbufo (mmetịm mfiọk nte ke mbufo ẹmenyene ediwak ufene) ẹdidụn̄ ke mme obio mbufo emi nnọde mbufo,+ 20  tutu Jehovah ọnọ nditọete mbufo nduọkodudu, kpa nte enye ọnọde mbufo, mmọ ẹnyụn̄ ẹda udeme isọn̄ mmọ emi Jehovah Abasi mbufo ọnọde mmọ ke edem Jordan oko; ke oro ebede mbufo ẹyefiak ẹdida udeme mbufo emi nnọde mbufo.’+ 21  “Mma nnyụn̄ nteme Joshua+ ke ini oro nte, ‘Enyịn fo omokụt kpukpru se Jehovah Abasi mbufo anamde ndidem iba oro. Kpasụk ntre ke Jehovah edinam kpukpru mme obio emi afo ebede aka do.+ 22  Mbufo ẹkûfehe mmọ, koro edi Jehovah Abasi mbufo an̄wana ekọn̄ ọnọ mbufo.’+ 23  “Ndien n̄kpe Jehovah ubọk ke ini oro, nte, 24  ‘O Jehovah Akakan Ọbọn̄ Andikara, afo ọmọtọn̄ọ ndinam owo fo okụt ubom fo+ ye ọkpọsọn̄ ubọk fo,+ koro ewe abasi odu ke enyọn̄ m̀mê ke isọn̄ emi anamde mme utom ye mme utịben̄kpọ eke ẹbietde okwo?+ 25  Mbọk, yak mi mbe n̄kese eti isọn̄+ oro odude ke edem Jordan oko, kpa eti ikpehe emi etiede obot obot+ mi ye Lebanon.’+ 26  Ndien Jehovah ayat esịt ye ami ke ntak mbufo+ inyụn̄ ikpan̄ke utọn̄ inọ mi; edi Jehovah ọdọhọ mi ete, ‘Ekem fi do! Kûdedei ufiak utịn̄ n̄kpọ emi aba ye ami. 27  Dọk da ke enyọn̄ Pisgah+ nyụn̄ menede enyịn se edem usoputịn ye edem edere ye edem usụk ye edem usiahautịn nyụn̄ kụt ke enyịn fo, koro afo mûdubehe Jordan emi.+ 28  Mek+ Joshua nyụn̄ sịn udọn̄ nọ enye nyụn̄ sọn̄ọ enye idem, koro edi enye edibe+ mbio emi iso, enye edinyụn̄ anam mmọ ẹda isọn̄ oro afo edikụtde ẹnyene.’+ 29  Ke ofụri ini emi nnyịn ikodụn̄ ke itịghede emi asakde iso ese Beth-peor.+

Mme Ikọ Idakisọn̄