Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 29;1-29

29  Mmọ emi ẹdi mme ikọ ediomi oro Jehovah ọkọdọhọde Moses ete anam ye nditọ Israel ke isọn̄ Moab ke ẹsiode ediomi emi enye akanamde ye mmọ ke Horeb+ ẹfep.  Ndien Moses okot ofụri Israel onyụn̄ ọdọhọ mmọ ete: “Mbufo ẹma ẹkụt kpukpru se Jehovah akanamde Pharaoh ye kpukpru mme asan̄autom esie ye ofụri isọn̄ esie ke iso mbufo ke isọn̄ Egypt,+  ikpọ idomo oro enyịn fo okokụtde,+ ikpọ idiọn̄ọ+ ye mme utịben̄kpọ.+  Edi Jehovah inọhọ mbufo esịt ndifiọk n̄kpọ ye enyịn ndikụt usụn̄ ye utọn̄ ndikop n̄kpọ tutu esịm mfịn emi.+  ‘Ke adan̄aemi n̄kadade mbufo usụn̄ ke wilderness ke isua aba,+ ọfọn̄ mbufo ikatahake mbufo ke idem, ikpaukot fo ikonyụn̄ itahake fi ke ukot.+  Mbufo ikataha+ uyo ikonyụn̄ in̄wọn̄ke wine ye ọkpọsọn̄ mmịn, man mbufo ẹkpefiọk ẹte ke ami ndi Jehovah Abasi mbufo.’  Ke akpatre mbufo ẹdisịm ebiet emi, ndien Sihon edidem Heshbon+ ye Og+ edidem Bashan ẹwọn̄ọ ẹdi ekọn̄ ye nnyịn, edi nnyịn ikan mmọ.+  Ekem nnyịn ida isọn̄ mmọ ideme inọ nditọ Reuben ye nditọ Gad ye ubak esien nditọ Manasseh.+  Ntre, mbufo ẹnịm mme ikọ ediomi emi ẹnyụn̄ ẹnam mmọ, man kpukpru se mbufo ẹdinamde ọkpọwọrọ usụn̄.+ 10  “Ke iso Jehovah Abasi mbufo ke kpukpru mbufo ẹda mfịn emi, mme etubom mme esien mbufo ye mbiowo mbufo ye ikpọ owo mbufo ye kpukpru irenowo ke Israel,+ 11  ye nditọwọn̄ mbufo ye iban mbufo+ ye esenowo fo+ emi odude ke itienna fo, ọtọn̄ọde ke asiak-ifia fo tutu esịm okoi-mmọn̄ fo,+ 12  man afo odụk ediomi+ Jehovah Abasi fo ye un̄wọn̄ọ esie, emi Jehovah Abasi fo anamde ye afo mfịn emi;+ 13  man enye ada fi mfịn emi enịm ke ikọt esiemmọ,+ man enye onyụn̄ edi Abasi fo,+ kpa nte enye ọkọn̄wọn̄ọde ọnọ fi okonyụn̄ ọn̄wọn̄ọde ọnọ mme ete ete fo Abraham+ ye Isaac+ ye Jacob.+ 14  “Idịghe ye mbufo ikpọn̄ ke ami nnam ediomi ye un̄wọn̄ọ emi,+ 15  edi ye mbon emi ẹdade mi ye nnyịn mfịn emi ke iso Jehovah Abasi nnyịn ye mbon oro mîdụhe mi ye nnyịn mfịn emi;+ 16  (koro mbufo ẹmetịm ẹfiọk nte nnyịn ikodụn̄de ke isọn̄ Egypt ye nte nnyịn ikasan̄ade ibe ke ufọt mme idụt emi mbufo ẹkesan̄ade ẹbe.+ 17  Mbufo ẹma ẹnyụn̄ ẹkụt mbubiam n̄kpọ mmọ ye mbubiam mbiet+ mmọ, eto ye itiat, silver ye gold, emi ẹkedude ke otu mmọ;) 18  mbak eren m̀mê n̄wan m̀mê ubon m̀mê esien edidu ke otu mbufo emi esịt esie ọwọn̄ọrede mfịn emi ọkpọn̄ Jehovah Abasi nnyịn onyụn̄ akade akanam n̄kpọ mme abasi idụt oro;+ mbak orụn̄ eke on̄wụmde mfri eto ibọkn̄kpa ye etidot+ edidu ke otu mbufo. 19  “Ndien ama ekem ke ini owo okopde mme ikọ un̄wọn̄ọ emi,+ onyụn̄ otorode idem ke esịt esie, ete, ‘N̄kpọ ọyọfọn ye ami,+ okposụkedi ndisan̄ade ke itụn esịt mi,’+ ye uduak ndisobo kpukpru owo,* 20  Jehovah idinyịmeke ndifen nnọ enye,+ edi iyatesịt+ Jehovah ye ifiopesịt+ esie ayasak owo oro ke idem,+ ndien kpukpru mme isụn̄i emi ẹwetde ke n̄wed+ emi ẹyedoro enye ke idem, Jehovah oyonyụn̄ ọsọhi enyịn̄ esie efep ke idak ikpaenyọn̄. 21  Ntre Jehovah ayadian̄ade+ enye ke kpukpru esien Israel enịm ọnọ afanikọn̄, nte kpukpru isụn̄i ediomi emi ẹwetde ke n̄wed ibet emi ẹsan̄ade. 22  “Ndien emana ini iso, kpa nditọ mbufo emi ẹditienede mbufo edem, ye esenowo n̄ko eke editode anyan idụt, ẹyedọhọ ke ini mmọ ẹdikụtde ufen isọn̄ oro ye udọn̄ọ esie emi Jehovah anamde enye ọdọn̄ọ,+ 23  oro edi, sulphur ye inụn̄+ ye ikan̄ eke asakde,+ tutu owo itọhọ n̄kpọ ke ofụri isọn̄ esie, n̄kpọ inyụn̄ itịbeke, baba ikọn̄ kiet inyụn̄ ikọrike ke esịt, ebiet nsobo Sodom ye Gomorrah,+ Admah+ ye Zeboiim,+ emi Jehovah okosobode ke iyatesịt esie ye ke ifiopesịt esie;+ 24  ih, kpukpru mme idụt ẹyedọhọ ẹte, ‘Ntak emi Jehovah akanamde isọn̄ emi ntem-e?+ Nso inam ọkpọsọn̄ iyatesịt emi odu?’ 25  Ndien mmọ ẹyedọhọ ẹte, ‘Koro mmọ ẹkekpọn̄de ediomi+ Jehovah Abasi mme ete ete mmọ, emi enye akanamde ye mmọ ke ini enye okosiode mmọ ke isọn̄ Egypt.+ 26  Ndien mmọ ẹka ẹkenam n̄kpọ mme abasi efen ẹnyụn̄ ẹnụhọ ẹnọ mmọ, kpa mme abasi emi mmọ mîkọfiọkke, emi enye mîkonyụn̄ inọhọ mmọ.+ 27  Ndien Jehovah ayat esịt ye isọn̄ emi onyụn̄ ada ofụri isụn̄i emi ẹwetde ke n̄wed emi etiene enye.+ 28  Ntem Jehovah ada iyatesịt+ ye ifụtesịt ye akwa ikpahaesịt emen mmọ ke isọn̄ mmọ efep onyụn̄ ọduọk mmọ ke idụt efen, kpa nte edide mfịn emi.’+ 29  “N̄kpọ eke edịbede+ enyene Jehovah Abasi nnyịn, edi n̄kpọ eke ayararede+ enyene nnyịn ye nditọ nnyịn ke nsinsi, man nnyịn inam kpukpru ikọ ibet emi.+

Mme Ikọ Idakisọn̄

At. Ed., “andin̄wọn̄ mmọn̄ nyụhọ ye andikop nsatitọn̄.” Emi edi ebetọ ikọ emi aban̄ade eto mben mmọn̄ ye eke edisat isọn̄.