Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Deuteronomy 25;1-19

25  “Edieke owo iba ẹnyenede ikọ,+ ndien mmọ ẹda ke ikpe,+ mmọ ẹnyene ndikpe ikpe mmọ nnyụn̄ ndọhọ edinen owo nte ke ikpe etebe enye nnyụn̄ ndọhọ idiọkowo nte ke ikpe obiom enye.+  Ndien ama ekem edieke anade ẹmia+ idiọkowo oro, ebiereikpe enyene ndinam enye okụbọ ke isọn̄ onyụn̄ anam ẹmia+ enye ke iso esie ubọkikpa eke ekemde ye idiọk edinam esie.  Enye edimia enye ubọk ikpa aba. Enye inyeneke ndidian n̄kpọ, mbak enye edimia enye ediwak ubọkikpa adian do+ ndien ẹsuene eyenete fo ke iso fo.  “Kûbọp enan̄ inua ke ini enye edịghide wheat.*+  “Edieke nditọete ẹdụn̄de ọtọkiet ndien owo mmọ kiet akpa inyeneke eyen, n̄wan akpan̄kpa oro inyeneke ndiwọrọ n̄kọdọ owo efen ke an̄wa. Eyenete ebe esie enyene ndimen enye ndọ nnyụn̄ nnam ndọ ye enye ke ido ndọ eyenete ebe.+  Ndien ama ekem akpa eyen emi enye edimande eyekere enyịn̄ eyenete esie emi akakpade,+ mbak enyịn̄ esie edisop ke Israel.+  “Edi edieke owo oro mîmaha ndidọ n̄wan emi eyenete esie akakpade ọkpọn̄, n̄wan oro enyene ndika inuaotop obio mbịne mbiowo+ n̄kọdọhọ ete, ‘Eyenete ebe mi imaha ndinam enyịn̄ eyenete esie aka iso odu ke Israel. Enye inyịmeke ndinam ndọ ye ami ke ido ndọ eyenete ebe.’  Ndien mbiowo obio esie ẹyekot enye edi ẹnyụn̄ ẹnyene nneme ye enye, ndien enye ayada do ọdọhọ ete, ‘Mmaha ndidọ enye.’+  Ntre n̄wan eyenete esie enyene ndisan̄a n̄kpere enye ke iso mbiowo nnyụn̄ nsio enye ikpaukot ke ukot+ nnyụn̄ mfiari enye etap ke iso+ nnyụn̄ ndọhọ ete, ‘Ntem ke ẹnyene ndinam ye owo emi mîdibọpke ufọk eyenete esie.’+ 10  Ndien ẹyekot enye ke Israel, ‘Ufọk owo emi ẹkesiode enye ikpaukot ke ukot.’ 11  “Edieke owo iba ẹn̄wanade en̄wan, ndien n̄wan owo kiet ke otu mmọ asan̄a ekpere ndinyan̄a ebe esie nsio ke ubọk owo emi amiade enye, ndien n̄wan emi anyan ubọk omụm eren oro idem erenowo,+ 12  sịbe enye ubọk oro fep. Enyịn fo okûtua enye mbọm.+ 13  “Kûnyene nsio nsio udomon̄kpọ iba,+ akamba ye ekpri, ke ekpat fo. 14  Kûnyene nsio nsio ephah iba,+ akamba ye ekpri, ke ufọk fo. 15  Nyene udomon̄kpọ eke ọfọnde onyụn̄ enende. Nyụn̄ nyene ephah emi ọfọnde onyụn̄ enende, man usen fo ekpebịghi ke isọn̄ emi Jehovah Abasi fo ọnọde fi.+ 16  Koro owo ekededi eke anamde mme n̄kpọ emi, kpukpru mmọ eke ẹnamde se ikwan̄ade, ẹdi mbubiam n̄kpọ ke enyịn Jehovah Abasi fo.+ 17  “Ti se Amalek akanamde fi ke usụn̄ ke ini mbufo ẹkewọn̄ọde ke Egypt,+ 18  nte enye ekedide edisịm fi ke usụn̄ onyụn̄ adade edem edem owot kpukpru mbon emi ẹkpọtde isan̄ ẹtiene fi, ke adan̄aemi afo akpade mba onyụn̄ okopde mmemidem; enye ikonyụn̄ ibakke Abasi.+ 19  Ndien ama ekem ke ini Jehovah Abasi fo ọnọde fi nduọkodudu ke otu mme asua fo emi ẹdude ẹkanade fi ke isọn̄ emi Jehovah Abasi fo ọnọde fi ke udeme ete ada enyene,+ afo enyene ndisọhi Amalek mfep ke idak ikpaenyọn̄.+ Afo unyeneke ndifre emi.

Mme Ikọ Idakisọn̄

Mîdịghe, emi ekeme ndidi “barley.”